Ov, Wilejining Yom Yawonsu Ukutwisha Kwilejin Kudiay Yehova?

1. Ov, mutapu ik wiyovilingay Yehova piur pa mafundish?

¹ Yehova, ‘Mulej wetu Mujim’ usotin twikala afumbinau. (Isay 30:20) Ndiy wasambisha kufundish kusutil ku kumutang Mwanend kapokal. (Yoh. 8:28) Kupwa kwa wintomboj wa Adam, Yehova kimikap kufundish, pakwez ndiy wapana mafundish nich rukat kudi antu akad kuwanyin.—Isay 48:17, 18; 2 Tim. 3:14, 15.

2. Ov, program ik wa malejan usadikina nlel unou?

² Nlel unou, Yehova utakediling program mujim wa mafundish mu rusangu ra antu. Mudi mwabwakau kudi Isay, mamiliyon ma antu mu mangand mawonsu mayiling ku “mukandu wa Chikumbu cha [Yehova]” wa chifanikesh. (Isay 2:2) Ov, mulong wak ayiling kwin kwa? Chidi mulong wa kwikal afumbinau mu jinjil ja Nzamb, kwikal kand alejinau kudi Yehova! (Isay 2:3) Mu muvu wa mudimu wa 2010, Atuman a Yehova asutisha asaa miliyar umwing ni mamiliyon musamban ni kusut mu kulejan uman ni kuyifundish antu uyakin wa mu Bibil. Chikwau, alejana ku rubing ni rubing malejan ma muspiritu mu yikumangen ya mangand mawonsu 105 000 ni kusut, ni achapa mikand ya malejan ma Ukristu kudiay kashalapol ushinshamena ni kubabal mu jindim 500 ni kusut.

3. Ov, mutapu ik wataninamu amwiney mu mafundish mapaninay Yehova?

³ Kutaninamu Kuvud: Chiyukish mud ik tutanininga mu mafundish ma Nzamb! Twilejin kal anch Nzamb ukwet dijin ni ukat kutubangin. (Kus. 83:18; 1 Pita 5:6, 7) Twilejin kal kand yakul ku yipul yimwing ya usey ujim mu mwom—Ov, mulong wak antu amening mar ni afiling? Ov, mutapu ik nikutwisha kutan musangar wakin? Ov, mwom ukwet rutong ik? Yehova watwinkisha kand umutakel mu mashakamin ma mwom tukutwisha ‘kuyukil mu yisalijok yetu yiwamp.’—Jos. 1:8.

4. Ov, mitapu ik yimwing ya malejan madinga ma usey kudi atushalapol a Nzamb, ni mulong wak tufanyidina kwilej yom yawonsu tukutwisha kwilej yidiokila kudi Yehova?

⁴ Chikwau, Yehova upanining malejan ma usey ma pakampwil mulong wa kuyikwash atushalapol end avud chakwel atandurila mudimu wau mulong wend. Mapaj 4-6 makwet list ulejena malejan mamwing ma usey. Ap anch mashakamin metu matukangeshin kutambul mafundish mafundau pa list winou, ov, tutambwiling yiyukish yivud ya mafundish ma Nzamb madia ma usey kudi etu? Ov, tuyikasikeshining ansand asadishiningau ku usu kudi alejau ku shikol ni antu akwau chakwel alondula malejan ma piur ma mangand, pa ndond pa kwitekin jintong ja muspiritu ni kulondul malejan ma piur nakash—madia malejan ma Nzamb? Kwilej yom yawonsu ukutwisha kwilej yidiokilinga kudi Yehova kukez kutukwash kwikal ni musangar mu mwom wa katat ni mwom wa chikupu mu machuku ma kurutu.—Kus. 119:105; Yoh. 17:3.

Mitapu Yimwing ya Malejan ma Usey Yidia mu Dirijek dia Yehova

Shikol ya Kwiyijidish Kutang ni Kufund

• Rutong: Kuyifundish antu mutapu wa kutang ni kufund chakwel iyandjika mu dilejan dia Bibil dia panrau ni kuyifundish antu akwau uyakin.

• Chisu: Kwambatan nich maswir.

• Ndond: Chikumangen cha pol pen.

• Ufanyidina Kwikalamu: In kulejan awonsu ni antu asangaredina.

• Mutapu wa Kusadil Shikol Yiney: Amakurump a mu chikumangen akutenchik shikol ya kwiyijidish kutang ni kufund kwambatan nich maswir ma pol pen, ni akuyikasikesh antu awonsu akutwisha kuyamu.

Shikol ya Mudimu wa Uteokras

• Rutong: Kuyifumb in kulejan Chakwel ikal in kulejan ni in kufundish a rusangu ruwamp ayifuvu.

• Chisu: Chidandamedining.

• Ndond: Chikumangen cha pol pen.

• Ufanyidina Kwiyandjikish Dijin ku Shikol Yiney: In kulejan awonsu. Antu akwau kand akumangeninga pakad kujing mu chikumangen, itiyijininga malejan ma Bibil, ni adia mu mashakamin ma mwom mambatena nich yany ya win Kristu.

• Mutapu wa Kusadil Shikol Yiney: Muleja kalam wa Shikol ya Mudimu wa Uteokras.

Shikol ya Ridim ra Wingendj

• Rutong: Kuyifundish in kulejan mutapu wa kulejan rusangu ruwamp mu ridim rikwau.

• Chisu: Angond anying ap atan. Shikol yiney yisadikining pa Diampos pamanch saa umwing ap aad.

• Ndond: Chisu chivud, piswimp ni Chot cha Want.

• Ufanyidina Kwiyandjikish Dijin ku Shikol Yiney: In kulejan a mashakamin mawamp asotina kulejan mu ridim ra wingendj.

• Mutapu wa Kusadil Shikol Yiney: Shikol yiney ayitenchikining ku biro wa mutiy kukwatijan nich maswir.

Kutung kwa Yot ya Want

• Rutong: Kutung ni kutungiril Yot ya Want. Kiyidiap shikol bwat, pakwez didi ditenchik dia in mudimu wa kwipan akwashininga chakwel ileja milad ya ukaliweny kushalijan yikutwisha kukasikesh midimu ya kutung.

• Chisu: Kwambatan nich mashakamin ma in kwipan.

• Ndond: Ndond yin yawonsu yatondau kudi Komite wa Kutung wa Teritwar ap Biro wa Kutung Yot ya Want. In kwipan amwing akutwish kuyitazuk chakwel akwasha mudimu winou ku jindond jilemp jikweta maswir.

• Yitinau: Chifanyidin akadivar ni anambaz ababatishau kal ni akweta mashakamin mawamp. Awiy akutwish pamwing ap kwikal ni ukaliweny ap bwat.

• Mutapu wa Kusadil: Kwizwish fomu wa Construction des Salles du Royaume — Questionnaire pour les volontaires (S-82) ukufachikau kudi amakurump a pol pen ap mu Congo akutwish kwizwish fomu Demande d’admission dans l’ordre international des serviteurs spéciaux à plein temps Témoin de Jéhovah en tant que serviteur à la construction de Salles du Royaume (A-12) ukufachikau kudi biro wa mutiy.

Shikol ya Mudimu wa Uchibol

• Rutong: Kuyikwash ayibol chakwel ‘awanyisha mudimu wau.’—2 Tim. 4:5.

• Chisu: Mbing jaad.

• Ndond: Kukwatijan nich mupak wakwatau ku biro wa mutiy; yisu yivud piswimp ni Chot cha Want.

• Yitinau: Antu asadininga mudimu wa uchibol wa rawonsu pasutin kal muvu umwing.

• Mutapu wa Kwiyandjikish Dijin ku Shikol Yiney: Afundining majin ma ayibol awanyishina yitinau kapamp kamwing ni akat kuyijikish kudi kalam wau wa munyingumuku.

Shikol ya Yid Yisu ya Betel

• Rutong: Shikol yiney ayitakedining ku mabiro ma mutiy, yidiaku mulong wa kuyikwash yid yisu chakwel yisala midimu yau nawamp ku Betel.

• Chisu: Saa umwing pa rubing ni rubing mwi mbing dikum ni musamban.

• Ndond: Betel.

• Yitinau: Akwikalamu afanyidin kwikal yidi ya chisu chawonsu ya mu dijuku dia Betel ap in mudimu wa kwipan adia ku Betel chisu kanang (muvu umwing ap yivud).

• Mutapu wa Kwiyandjikish Dijin ku Shikol Yiney: In kwipan adia ku Betel awanyishina yitinau ayifundining kapamp kamwing.

Shikol ya Mudimu wa Want

• Rutong: Kuyifumb amakurump ni ankwash a mudimu chakwel abangin mudimu wau wa wintakel ni yisend ya mu dirijek. (Mid. 20:28) Shikol yiney yisadikining mu mivu yikemp yisu yivud kwambatijan nich mupak wakwatau kudi Chisak Chitakedina.

• Chisu: Mu mivu ya katat, shikol yiney yisadikining dichuku dimwing ni chikunku mulong wa amakurump ni dichuku dimwing mulong wa ankwash a mudimu.

• Ndond: Yisu yivud piswimp ni Chot cha Want ap Chot cha Yikumangan.

• Yitinau: Akwikalamu afanyidin kwikal amakurump ap ankwash a mudimu.

• Mutapu wa Kwiyandjikish Dijin ku Shikol Yiney: Amakurump ni ankwash a mudimu awanyishina yitinau ayitazukining ku shikol yiney kudi kalam wa munyingumuku.

Shikol ya Amakurump a mu Chikumangena

• Rutong: Kuyikwash amakurump chakwel ikal ni mutapu wa kubangin yisend yau mu chukumangen.

• Chisu: Machuku matan.

• Ndond: Kukwatijan nich mupak wakwatau ku biro wa mutiy; yisu yivud piswimp ni Chot cha Want ap Chot cha Yikumangan.

• Yitinau: Akwikalamu afanyidin kwikal amakurump.

• Mutapu wa Kwiyandjikish Dijin ku Shikol Yiney: Amakurump awanyishina yitinau ayitazukining ku biro wa mutiy.

Shikol ya Atulam in Kwendangan ni Akajaub

• Rutong: Kuyikwash atulam a munyingumuku ni atulam a distrikt chakwel ikal awanyidina nawamp mu kukwash yikumangen ni chakwel “kurumburil Rusangu Ruwamp ap akata kulejan” ni chakwel kusal kand mudimu wa ukafung pa antu adia ayinkishau kulam.—1 Tim. 5:17; 1 Pita 5:2, 3.

• Chisu: Angond aad.

• Ndond: Kukwatijan nich mupak wakwatau ku biro wa mutiy.

• Yitinau: Akwikalamu afanyidin kwikal atulam a munyingumuku ap atulam a distrikt.

• Mutapu wa Kwiyandjikish Dijin ku Shikol Yiney: Atulam in kwendangan awanyishina yitinau ni akajau ayitazukining ku shikol yiney kusutil ku biro wa mutiy.

Shikol ya Bibil ya Akadivar Ajichc

• Rutong: Kuyifumb amakurump ni ankwash a mudimu ajich mulong wa yisend yikwau. Avud apwishininga ku shikol yiney akat kuyitum kuya kukwash kwi ndond kwin kwawonsu kudia maswir mwi ngand yau. Akemp akutwish kutambul chisend cha kukwash mwi ngand yikwau anch aman ayinau anch chitwishikin.

• Chisu: Angond aad.

• Ndond: Kukwatijan nich mupak wakwatau ku biro wa mutiy; yisu yivud ku Chot cha Yikumangan ap ku Chot cha Want.

• Yitinau: Akadivar ajich akweta mivu ya chivadik kusambishin pa 23 djat ni 62 ni akweta ukash wa mujimbu uwamp aswiridina kuyikwash akadivar ni kukwash yisakin ya Want kwi ndond kwin kwawonsu kudia maswir. (Mar. 10:29, 30) Afanyidin kwikal akadivar asadinaku mudimu mu chisend chau chikwetau mivu yikemp yaad.

• Mutapu wa Kusadil Shikol Yiney: Anch shikol yiney ayitiyija kal ku biro wa mutiy wa pol pen, akuyifund akadivar asangaredina kuyaku chisu chikukumanganau ku chitentam cha munyingumuku wa pol pen. Jinsangu jikwau ja usey akutwish kujiwanyish ku chikumangan chinech.

Shikol ya Bibil ya Ambay in Kristu Atenad

• Rutong: Kuyinkish ambay atena kuyijidish nich malejan ma pakampwil makutwishau kusadil nakash kusutil kudiay Yehova ni dirijek diend. Avud apwishininga ku shikol yiney akat kuyitum kuya kukwash kwi ndond kwin kwawonsu kudia maswir mwi ngand yau. Akemp akutwish kutambul chisend cha kukwash mwi ngand yikwau anch aman ayinau anch chitwishikin.

• Chisu: Angond aad.

• Ndond: Mashikol makemp ma kusambish masadika kwi Ndond Yijim ya Malejan ma Watchtower mu Patterson, New York, U.S.A.

Shikol yiney yikez kusadik pol pen kukwatijan nich mupak wakwatau ku biro wa mutiy, yisu yivud ku Chot cha Yikumangan ap ku Chot cha Want.

• Yitinau: Ambay atena akweta mivu 25 djat ni mivu 50 ya chivadik akweta ukash wa mujimbu uwamp ni adia mu mashakamin ma kusal kwi ndond kwin kwawonsu kudia maswir ni akweta mwikadil wa kulond anch: “Yam unou, ntuma.” (Isay 6:8) Chikwau kand, awiy afanyidin kwikal akweta mivu yaad mu uruw wau ap kusut ni adia katat mu mudimu wa chisu chawonsu kwasutin mivu yaad pakad kwimik.

• Mutapu wa Kusadil: Anch shikol yiney ayitiyija kal ku biro wa mutiy wa pol pen, akuyifund akadivar asangaredina kuyaku chisu chikukumanganau ku chitentam cha pakampwil cha dichuku dimwing. Jinsangu jikwau ja usey akutwish kujiwanyish ku chikumangan chinech.

Shikol ya Bibil ya Gilead

• Rutong: Kuyifumb ayibol ni atushalapol akwau a mu mudimu wa chisu chawonsu mulong wa mudimu wa umishoner.

• Chisu: Angond atan.

• Ndond: Ndond Yijim ya Malejan ma Watchtower mu Patterson, New York, U.S.A.

• Yitinau: Ambay atena ababatishau kal pasutin mivu yisatu ni akweta mivu ya chivadik 21 djat ni 38 izwishininga mafomu mau kapamp ka kusambish. Afanyidin kwikal atena pasutin kal mivu yaad ni afanyidin kwikal katat asutishina mivu yaad pakad kwimik mu mudimu wa chisu chawonsu. Afanyidin kwikal nich ukash wa mujimbu uwamp. Ayibol asadininga mudimu mu jingand ja wingendj (kuwejinaku ni ijikena mudi asadin mudimu wa umishoner); atulam in kwendangan; yidi ya dijuku dia Betel; ni antu akwau apwisha ku Shikol ya Diyiy dia Mudimu, Shikol ya Bibil ya Akadivar Ajich, ni Shikol ya Bibil ya Ambay in Kristu Atena akutwish ni yawiy kwizwish mafomu anch awanyishin yitinau.

• Mutapu wa Kusadil: Akutond ku mabiro ma mutiy chikumangan cha antu asangaredina shikol yiney yikusadika pa chisu cha chitentam cha distrikt. Jinsangu jikwau ja usey akutwish kujiwanyish ku chikumangan chinech. Anch kwikil chikumangan ku yitentam yikusadika mu jingand jen ni ukwetany kuswir kwa kuchisal, ukutwishany wafundinay biro wa mutiy piur pa jinsangu ja usey.

Shikol ya Yid ya Komite wa Mutiy ni Akajau

• Rutong: Kuyikwash antu asadininga mu Makomite ma Mutiy chakwel abangina nawamp mudimu wa kutakel yikumbu ya Betel, kutal nawamp milong yishikedininga yikumangen, ni ya atulam a minyingumuku ni atulam a madistrikt mu jindond jau jishichingau, ni mudimu wa kukarumun, ni mudimu wa kuchap, ni mudimu wa kusend ni kutum mikand, pamwing ni yikumbu ya midimu kushalijan.—Luka 12:48b.

• Chisu: Angond aad.

• Ndond: Ndond Yijim ya Malejan ma Watchtower mu Patterson, New York, U.S.A.

• Yitinau: Akwikalamu afanyidin kwikal Yid ya Komite ap yid ya Komite wa Ngand inkishau chisend mudi chinech.

• Mutapu wa Kwiyandjikish Dijin ku Shikol Yiney: Akadivar awanyishina yitinau ni akajau ayitazukining ku shikol yiney kudi Chisak Chitakedina.

[Mazu madia kwishin kwa paj]