Mutapu wa Kusadil Buku “ L’amour de Dieu ” mu Malejan ma Bibil
1. Risu rutong ra mukand “ L’amour de Dieu ” ?
1 Twasangara mudi ik ku Chitentam Chetu cha Distrik “Atakedilau Nich Spritu wa Nzamb” patwatambula mukand usu “ Gardez-vous dans l’amour de Dieu ” ! Mudi mwachijikishau, mukand winou ausala mulong wa kutukwash twijika ni tukata yijidik ya Yehova piur pa mwikadil ni kwijik malejan ma pa dishin ma Bibil. Tukezap kuupan mukand winou ku chis ni chis.
2. Mutapu ik lel ukusadila mukand winou ni, ni antu ik?
2 Mukand winou akuusadil mudi mukand wa kaad wa kwilej nau in kwilej Bibil anch apwish kwilej mukand Chifundishinay Bibil. Ijikany anch antu ashalijadin mu mutapu wa kupam muspiritu. Dilejan ni dilejan chifanyidin kuditakel kulondulijan nich manangu ma mwin kwilej. Shinshikin anch yom wilejinany yoviken nawamp win kamu. Yisu yivud, ukusadilanyap mukand winou mulong wa kusambish nich malejan ma Bibil ni antu ilejina kal mikand kushalijan mu machuku ma kwinyim pakwez kakatap kwau kukumangan ku yikumangan ya chikumangen ni amekeshina patok anch kakatinap kwau kwambatanish mashakamin mau nich uyakin wa Bibil wayilejau.
3. Chom ik tukutwisha twasal anch tutakedil dilejan katat nich mukand Mwifukwila Nzamb?
3 Anch utakedil dilejan nich mukand Mwifukwila Nzamb ni udia ku mashapitre ma kwinsudiel, ukutwish wadandamenany chakwel uupwishany mukand winou ni kumukasikesh mwin kwilej chakwel itangina amwinend mukand “ L’amour de Dieu. ” Pakwez anch kichidiap mwamu, chikwikal chiwamp kwandam mu mukand usu ni kusambishin kamu kwisambishil. Mudi muchidia mu mukand Chifundishinay Bibil, chidi kukat kwen ayinen chadi wilejany lel yom yidia mwi wenjil.
4. Chom ik tukusala anch mwin kwilej netu wababatishiu kal kurutu kwa kupwish mukand Chifundishinay Bibil ni mukand “ L’amour de Dieu ” ?
4 Anch mwin kwilej wababatishiu kurutu kwa kupwish mikand yawonsu yaad, dilejan difanyidin kudandamen djat ni pakezinay kupwish mukand “ L’amour de Dieu. ” Ap anch mwin kwilej wababatishiu kal, ukutwish wachind chisu, kuchirikinamu, ni dilejan. Mwin kulejan ukukutwala ni wikalaku ku dilejan niyend ukuchind chisu.
5. Mutapu ik tukutwisha kusadil mukand “ L’amour de Dieu ” mulong wa kuyikwash in kulejan alikina kusal mudimu mu chisu kanang?
5 Anch chid chimwing cha Komite wa Mudimu wa Chikumangen chakulej chakwel wileja Bibil ni muntu kanang walikina kusal mudimu wa kulejan, akukulej wileja nend mashapitre kanang mu mukand “ L’amour de Dieu. ” Kwikil kuswir kwa kutakel malejan minam chisu chilemp. Tukwet ditenchik diwamp mudi ik mu mukand winou usu, wasalau mulong wa kutukwash chakwel twilama “mu rukat ra Nzamb”!—Yuda 21.