Yakul Ku Yipul yen

◼ Ov, mikand ik yaad tufanyidina kwilej ni antu asotina kwilej Bibil?

Buku Chifundishinay Bibil ndiy buku wetu wa kusambish mulong wa kusambish ni kutakel malejan ma Bibil. Mulong kwikil chom chilikishina kusadil buku mukwau, mudi trakt ufanyidina, amusadidil mulong wa kusambish dilejan, chifanyidin kusal usu wa kuswimp mulong wa kwilej pichitwishikina buku Chifundishinay Bibil. Kwamekana yibudikin yiwamp kusutil ku kusadil buku Chifundishinay Bibil mulong wa kusambish malejan.

Anch kamu buku Chifundishinay Bibil wapwa ni mwin kwilej uyil kurutu, chifanyidin kwilej kand buku Mwifukwila Nzamb. (Kol. 2:7) Paj wa 2 urumburil rutong ra buku anch: “[Bibil] uyikasikeshin antu awonsu amukatina Nzamb ‘kwikal ni usu wa kwijik . . . kulep ni kukurik’ kwa mauyakin mend mapandikena kuwap. (Efes 3:18) Chawiy lel, charijekidinau buku winou. Tuchingejin anch buku winou ukukukwash kukul muspiritu, ni kwikal uwanyishinau kamu nawamp mulong wa kwendil mu kajil kiwongina katwadila ku mwom mu mangand masu matentamina ma Nzamb.”

Anch mwin kwilej wawanyish yitiyijinau mulong wa kubabatishiu kurutu kwa kupwish kwilej mabuku mawonsu maad, dilejan difanyidin kudandamen djat ni pakupwishau buku wa kaad. Ap anch amubatish mwin kwilej, mwin kutakel dilejan ukuchind masaa, kuchirikin kusu, ni dilejan dia Bibil. Mwin kulejan ayila pamwing ni mwin kutakel dilejan ukutwish ni ndiy kuchind masaa.