11 Kandi uku ni ko bitegerezwa kuba kuri uwo musi: Yehova azokwongera gutanga ukuboko kwiwe, ubugira kabiri+, kugira ngo yironse amasigarira y’abantu biwe bazoba basigaye, bavuye muri Ashuri+ no mu Misiri+ n’i Patirosi+ n’i Kushi+ n’i Elamu+ n’i Shinari+ n’i Hamati no mu mazinga y’ikiyaga+.

3 “Jewe nzokoraniriza hamwe amasigarira y’intama zanje ndazikuye mu bihugu vyose nari narazishwiragirijemwo+, ndazigarukane mw’itongo ry’uburagiriro ryazo+, na zo zizorondoka koko, zigwire+.

37 ‘Ehe nzobakoraniriza hamwe ndabakuye mu bihugu vyose nzoba nabashwiragirijemwo mw’ishavu ryanje no mu bushangashirwe bwanje no mu burakari bukaze+; nzobagarukana aha hantu, ntume biberaho mu mutekano+.

27 Ninabagarukana ndabakuye mu bisata vy’abantu, nkabakoraniriza hamwe vy’ukuri ndabakuye mu bihugu vy’abansi babo+, ni ho nzokwiyeza muri bo mu maso y’amahanga menshi+.’

14 Kandi nzogarukana abagizwe imbohe bo mu bantu banje Isirayeli+, na bo bazokwubaka vy’ukuri ibisagara vyagizwe umusaka babibemwo+, batere imirima y’imizabibu binywere umuvinyu wayo, barime n’imirima birire ivyamwa vyayo+.’