Zaburi

126 Igihe Yehova yagarukana imbohe za Siyoni+,

Twabaye nk’abariko bararota+.

 2 Ico gihe akanwa kacu karuzuye agatwengo+,

Ururimi rwacu na rwo akamo k’umunezero+.

Ico gihe batanguye kuvuga mu mahanga+ bati:

“Yehova akoze ikintu gihambaye mu vyo abakoreye+.”

 3 Yehova akoze ikintu gihambaye mu vyo adukoreye+.

Turanezerewe+.

 4 Nugarukane, ewe Yehova, umugwi wacu w’imbohe+,

Nk’inzira z’imigezi i Negebu+.

 5 Ababibana imbuto amosozi+

Bazoshwaburana akamo k’umunezero+.

 6 Uwusohotse arira+,

Ajanye isaho yuzuye imbuto+,

Ntazobura gutaha ari n’akamo k’umunezero+,

Azanye imiganda yiwe+.