Urutonde rw’Amakoraniro y’Umurimo

Indwi Itangura ku wa 10 Nyakanga

Ururirimbo rwa 3 (32)

Imin. 10: Amatangazo y’iwanyu. Amatangazo Arobanuwe mu yo mu Gikorwa Dukorera Ubwami.

Imin. 13: Umucungezi muhagarikizi aganire n’abumviriji ku kiganiro kivuga ngo “Ibibazo vy’Abasomyi” co mu nomero y’Umunara w’Inderetsi (mu Gifaransa) wo ku wa 1 Nyakanga 1979, urupapuro rwa 30-31.

Imin. 22: “Woba Uriko Urarangura Ubusuku Bwawe mu Buryo Bunogangije?”a Mumaze kuganira n’abumviriji ku ngingo ya 1-3, nimugire imyerekano ibiri migufimigufi y’uburyo bwo gushikiriza ibinyamakuru—muri umwe hakoreshwe ikinyamakuru Umunara w’Inderetsi wo ku wa 15 Nyakanga, mu wundi hakoreshwe Réveillez-vous! yo ku wa 22 Nyakanga. Mumaze kuganira ku ngingo ya 4, nimugire umwerekano w’uburyo bwo gutanguza ikiyago mwagiriwe inama, mukoresheje igitabu Ubumenyi.

Ururirimbo rwa 13 (124) n’isengesho ryo gusozera.

Indwi Itangura ku wa 17 Nyakanga

Ururirimbo 22 (130)

Imin. 15: Amatangazo y’iwanyu. Raporo y’ivy’amakonte. “Kiri mw’Ironderero (Index).” Niwerekane ukuntu wotora uburyo bwo gutanguza ikiyago ku bw’ibizoshikirizwa muri uku kwezi.

Imin. 15: Twakoze Gute mu Mwaka Uheze? Insiguro ishikirizwa n’umucungezi w’umurimo. Nutange ivyiyumviro bikurubikuru bivuye muri raporo y’ishengero y’umwaka w’umurimo w’2001. Nushimire umuntu wese ku bw’ibintu vyiza vyaranguwe. Nushimike ku kuntu ishengero ryakoze mu kwitaba amakoraniro, mu kudahorereza mu murimo wo mu ndimiro no mu gikorwa co kurongora inyigisho za Bibiliya, utange amagirenama kirumara y’ahantu hakeneye kuryohorwa. Nuvuge imigambi ngirakimazi mwishingiye gushikako muri uyu mwaka dutanguye.

Imin. 15: Inyishu ku Bibazo Vyanyu. Insiguro. Nimwihweze urutonde rw’amakoraniro y’umurimo y’ishengero agirwa ku ndwi ku ndwi. Nusigure ukuntu abantu bose bayitaba bashobora guterera mu gutuma haba ikiyago kirumara kuri ayo makoraniro. Nuremeshe ishengero gushigikira izo ntunganyo zerekeye umurimo.

Ururirimbo 20 (93) n’isengesho ryo gusozera.

Indwi Itangura ku wa 24 Nyakanga

Ururirimbo 28 (224)

Imin. 15: Amatangazo y’iwanyu n’Udukuru twa Gitewokarasi. Niwibutse abamamaji gutanga raporo y’umurimo wo mu ndimiro y’ukwezi kwa Nyakanga ku mpera y’iyi ndwi.

Imin. 30: Kunda Imana—Ntukunde Ibintu vy’Isi. (1 Yoh. 2:15-17) Insiguro n’uguhana ijambo n’abumviriji mu kwihweza porogarama y’iteraniro ry’umuzunguruko yagizwe mu mwaka w’umurimo uheze. Nusabe abamamaji gutanga insasanuro ku vyiyumviro bikurubikuru bize be n’ukuntu bashoboye kubishira mu ngiro ubwabo canke uko bagize umuryango. (Ibihimba vyo gushikiriza bishobora gutangwa imbere y’igihe.) Nuserure ibi bice vy’iyo porogarama: (1) “Ugukunda Imana Kuradusunika mu Busuku Bwacu.” Urwo rukundo ruradufasha guhangana n’inyiyumvo mbi zoshobora kutubuza kwamamaza nk’akarorero: isoni, ukwumva ko ataco tumaze, ugutinya abantu. (2) “Abakunzi ba Yehova Barazira Icitwa Ikibi.” (w99-F 1/10 28-31) Kugiriranira ubucuti n’Imana biva ku kuntu twanka ivyo yanka—atari gusa ikintu kibi cibonekeza ariko kandi n’ibintu bibi bitibonekeza. (3) “Nukurikire ya Nzira y’Urukundo Iruta Izindi.” (w92-F 15/7 27-30) Ab’i Korinto ba mbere 13:4-8 harerekana igituma twihanganira udusembwa tw’abandi, twirinda kwikwegerako no guhiganwa, tudakwiragiza urusaku rubi ku bandi n’igituma tuguma turi intahemuka kw’ishirahamwe ry’Imana. (4) “Ibintu vyo mw’Isi—Tubibona Gute?” Ntidukwiye gukunda ibintu vyo mw’isi, kugwa mu vyipfuzo vy’umubiri, kwoshwa n’ivyifuzo vy’amaso canke ukwiratira ivyo dutunze. (5) “Kutaba Ab’Isi Kuraturinda.” Ab’i Korinto ba kabiri 6:14-17 harerekana ukuntu inyigisho zimwezimwe, imico imwimwe n’imigenzo imwimwe bishobora gutuma Imana itadushima. Dutegerezwa gutahurana ubukerebutsi kandi tukirinda imitego Shetani atega. (6) “Imihango y’Imana ku Bayikunda” (w86-F 15/6 5-6) Imihezagiro ya Yehova iratuma ubuzima bwacu burushiriza kuba ubuhimbaye, kandi iradutungisha mu vy’impwemu.—1 Tim. 6:17-19.

Ururirimbo 7 (51) n’isengesho ryo gusozera.

Indwi Itangura ku wa 1 Gitugutu

Ururirimbo .9 (37)

Imin. 12: Amatangazo y’iwanyu. Nukoreshe amagirenama yatanzwe mu kiganiro kivuga ngo “Ico Twovuga ku Vyerekeye Ibinyamakuru,” nimugire umwerekano w’uburyo bwo gushikiriza Umunara w’Inderetsi wo ku wa 1 Gitugutu.

Imin. 13: Noshobora Gute Kurushiriza Gukora Neza mw’Ishure? Umukurambere n’umukenyezi wiwe canke umukozi w’ishengero n’umukenyezi wiwe baganirize umwana wabo yiga. Biraberekeye kubera ko umwana atariko aragira iterambere ryihuta mu bikorwa vyo kw’ishure. Barihweza impanuro ziri mu gitabu Les jeunes s’interrogent, ikigabane ca 18, maze baganire ku vyo umwana akeneye gukora kugira ngo atere aja imbere. Abavyeyi barashimangira ku kamaro ko kuronka inyigisho nziza y’intango kugira ngo umuntu akoreshe ubushobozi bwiwe bimwe bishitse mu gukurikirana umurimo mweranda.

Imin. 20: “Imirimo Ujejwe Yoba Ikubera Intambamyi mu Kwamamaza?”b Nushimangire ku vy’uko hakenewe uburimbane mu kazi k’umubiri, iyo umuntu ashinga ibija imbere y’ibindi bituma ivy’Ubwami biguma mu kibanza ca mbere. Nusabe ba serugo bamwebamwe bo mw’ishengero bigane ukuntu bariko barahura n’ikibazo co kuronsa abo mu ngo zabo ivyo bakeneye mu vy’umubiri batarinze kunyoha ivyo bakeneye mu vy’impwemu.

Ururirimbo 25 (204) n’isengesho ryo gusozera.

[Utujambo tw’epfo]