Niwiyigishe mu buryo kirumara

IGITUMA BIHAMBAYE: Kwiyigisha Ijambo ry’Imana biratuma ‘dutegera neza ubwaguke n’uburebure bw’amakika n’amahagarara n’ubwimbike’ vyerekeye ukuri. (Ef 3:18) Biratuma kandi tuba abantu batagirako umugayo canke ikirabagu muri iyi isi mbi, kandi “[tu]kagumya rwose rya jambo ry’ubuzima.” (Fp 2:15, 16) Kwiyigisha Ijambo ry’Imana biraduha akaryo ko guhitamwo kwiga ivyo dukeneye ku giti cacu. Twokora iki kugira ngo twungukire cane ku mwanya tumara dusoma Bibiliya twongera twiyigisha?

UKO TWOBIGIRA:

• Nusige amabara ku mirongo kanaka, ugire n’utwo wiyandikiye muri Bibiliya ukoresha mu kwiyigisha, yaba iyo mu mpapuro canke iyo mu buhinga bwa none

• Igihe usoma Ijambo ry’Imana, niwibaze utu tubazo: ‘Ni bande bavugwamwo? Hari ryari? Hehe? Kubera iki? Ibintu vyari vyifashe gute?’

• Rondera kumenya amakuru menshi. Koresha ibikoresho ushobora kuronka, ugire ubushakashatsi ufatiye ku mutwe kanaka canke ku murongo wo muri Bibiliya

• Zirikana ku vyo usoma kugira ngo utahure ingene bikwerekeye

• Shira mu ngiro ivyo wiga mu buzima bwawe bwa misi yose.​—Lk 6:47, 48

NIMURABE IVIDEWO IVUGA NGO NUGUMYE RWOSE RYA “JAMBO RY’IMANA” BICIYE KU KWIYIGISHA MU BURYO KIRUMARA, MUCE MWISHURA IBI BIBAZO:

• Bamwebamwe badondora gute ukwiyigisha?

• Kubera iki dukwiye gusenga igihe cose tugira twiyigishe?

• Ni igiki codufasha kurushiriza gutahura umurongo wo muri Bibiliya?

• Ni utumenyetso utuhe twoshira muri Bibiliya dukoresha mu kwiyigisha?

• Kubera iki kuzirikana bihambaye cane igihe twiyigisha Ijambo ry’Imana?

• Ivyo tuba twize dukwiye kubikoza iki?