“Sindasubira kumubona!”

Woba umaze kuvuga ayo majambo ku bijanye n’umuntu yashimishijwe? Naho wasubiye kuraba uwo muntu akatari gake, ntivyakunze ko uvomera imbuto z’ukuri wateye kuko utamubonye. (1 Kor. 3:6) Rimwe na rimwe, abamamaji babimenyereye barandikira ikete umuntu baba bararondeye bakamubura canke bagasiga agakete munsi y’umuryango. Hari abamamaji basaba umunyamuhana inomero za telefone kugira ngo bishitse bakamubura bazoce bamuterefona. Igihe dusubiye kubwira umuntu inkuru nziza haba amaso mu yandi canke biciye kw’ikete, mu kumwandikira kuri internet canke kuri telefone, mu kumusigira agakete munsi y’umuryango kibure mu kumuterefona, twoshobora guharura ko twagize isubirayo. Naho mbere tutomusanga i muhira, birashoboka ko tuguma tumubwira inkuru nziza.