Igituma Dukunda Umuryango Wacu Wose w’Abavukanyi

Mw’isi ya kino gihe itarimwo urukundo, twoshobora gute gutuma urukundo dufitiye abavukanyi bacu bo mu vy’impwemu ruguma rurushiriza kugaragara? (1 Pet. 2:17) Twoshobora gute kugaragariza abandi yuko ikivukano nyakuri cacu, gikwiye kw’isi yose kibaho vy’ukuri? (Mat. 23:8) Ni mu gukoresha ya videwo yitwa Our Whole Association of Brothers. (Umuryango Wacu Wose w’Abavukanyi) Iyo videwo irerekana impamvu zituma dukundana. Raba nimba woshobora kwishura ibi bibazo:

(1) Ni ibikorwa bitatu ibihe tugiramwo uruhara dufatanije n’ikivukano cacu gikwiye kw’isi yose? (2) Abavukanyi bacu bariko berekana gute ko bashikamye mu kwamamaza (a) mu bugaragwa bwo muri Alaska, (b) mu bivuko bininibinini vy’i Buraya no (c) mu mashamba ya manyenye yo muri Peru? (3) Ni igikoresho ikihe c’ingirakamaro cane mu gushinga intahe? (4) Ni kuki tudakwiye kwigera twiyumvira yuko kwamamaza ari igikorwa nk’ibindi bikorwa bisanzwe? (5) Tanga uburorero bw’ukuntu Ivyabona vya Yehova bahumurizanije bakongera bagashigikirana mu bihe vy’amarushwa aterwa na vya nyamugigima, ibihuhusi be n’indwano z’abanyagihugu. (Raba ivyavuzwe na Takao muri Réveillez-vous! yo ku wa 22 Myandagaro 1995 ku rupapuro rwa 23 hamwe n’ivyavuzwe na Kotoyo muri Réveillez-vous! yo ku wa 22 Gitugutu 1996 ku rupapuro rwa 20.) (6) Ni mu buryo ngirakamaro ubuhe twese dushobora kwerekaniramwo ikimenyetso gihambaye kiranga ikivukano cacu ca gikirisu? (Yoh. 13:35) (7) Amakoraniro yacu y’ishengero dukwiye kuyaha agaciro ku rugero rungana iki? (8) Kugira Ingoro y’Ubwami yo kwikoranirizamwo bigira ico bikoze gute ku bari bamaze igihe batayifise? (9) Abavukanyi bacu bo mu Buraya bwo mu Buseruko n’abo mu Burusiya bagumye babandanya mu vy’impwemu gute igihe bari mu kiringo c’ukubuzwa? (10) N’ubu nyene, ni akigoro kadasanzwe akahe Ivyabona benshi bagira bihatira kwitaba amahwaniro, kandi kubera iki? Ni gute ivyo vyagukoze ku mutima? (11) Ni kuki wiyemeje guhurikira hamwe mu gusenga, mu gufasha abandi mu bihe bikenewe be no mu kwamamaza mu buryo buranga ubwizerwe igihe ico ari co cose no mu buryo ubwo ari bwo bwose uko ubishoboye? (12) Ni kuki vyoba vyiza wironkeje ikaseti yawe y’iyo videwo maze ukayereka abantu bashimishijwe benshi bashoboka?