ICIGWA CA 13

Kwerekana akamaro k’ivyo wigisha

Imigani 3:21

INCAMAKE: Nufashe abakwumviriza gutahura ukuntu ikiganiro cawe kiberekeye, ubereke n’ingene boshira mu ngiro ivyo bize.

Nuzirikane abakwumviriza. Niwiyumvire igituma bakeneye amakuru uriko urabashikiriza, uzirikane n’ivyobagirira akamaro cane mu kiganiro cawe.
Nuze urabereka ico bokora. Kuva ugitangura ikiganiro cawe, umwe wese mu bakwumviriza akwiye kubona ko kimuraba. Nuze urabereka ingene boshira mu ngiro iciyumviro nyamukuru kimwekimwe cose. Nutomore, ntuvuge muri rusangi.

Niwereke abakwumviriza ingene boshira mu ngiro ingingo ngenderwako zo muri Bibiliya ubigiranye urukundo n’impuhwe. Aho gutuma biyagiriza, nubafashe gukomeza ukwizera kwabo n’urukundo bakunda Yehova, wizigire ko ivyo bizotuma bakora ibigororotse.