Urashobora kwihanganira ingorane z’ivy’ubutunzi

Ubuzima bwo mu misi ya nyuma bwuzuye ingorane. Uko twegereza iherezo ry’iyi si, ingorane zizorushiriza kwiyongera. Vyoshika tukabura ibintu vya nkenerwa bimwebimwe. (Hab 3:16-18) Ni igiki codufasha kwihanganira ingorane z’ivy’ubutunzi? Dutegerezwa kubandanya twizigira Imana yacu Yehova. Yasezeranye kwitwararika abasavyi biwe kandi arashobora kuturonsa ivyo dukeneye uko ibintu vyoba vyifashe kwose.​—Zb 37:18, 19; Heb 13:5, 6.

Ico wokora:

• Nutakambire Yehova ngo aguhe ubuyobozi n’ubukerebutsi yongere agushigikire.​—Zb 62:8

• Niwemere akazi uronse naho woba utari bwagakore.​—g-F 1/10 8-9, inzitiro

• Nugumane urutonde rwiza rw’ivy’impwemu, nko gusoma Ijambo ry’Imana buri musi, kwitaba amakoraniro no kuja mu ndimiro

NIMURABE IVIDEWO IVUGA NGO NIWUBAKE INZU IDASHOKA ISENYUKA​—‘NUBUMBWE N’IBINTU VY’IKI GIHE,’ MUCE MWISHURA IBIBAZO BIKURIKIRA:

• Ni ingorane izihe imiryango imwimwe yagize?

• Ikintu gihambaye kuruta ibindi mu buzima ni ikihe?

• Twofasha gute abari mu ngorane z’ivy’ubutunzi?