Akarorero Imana yatanze k’urukundo

1. Yehova ni we karorero keza

Twoguma twisunga.

Yarerekanye ko kubera natwe

Tuvukana, twokundana.

Yatanz’Umwana wiwe w’ikinege

Ngo duharirwe, bitwonger’intege

Naho tutoca turiramwo mbege.

Urwo koko ni rwo rukundo.

2. Dufatiy’aho, gukundana cane

Bizoza ningoga.

Tuzokundana tutihitiramwo

Abo twumva ko twokunda.

Gukund’Imana be n’abavukanyi

Tubigumize mu muzirikanyi

Ek’udusembwa ntitub’intambamyi.

Urukundo rub’urukundo.

3. Urwo rukundo ni rwo ruduhuza

Tukama tubana

Nko mu muryango, kukw’itubwir’iti:

“Honje mwumve, ni bwo bumwe.”

Ijambo ryayo be n’impwem’itanga

Bitum’ari rwo rwama ruturanga.

No mw’ishengero ni rw’uzohasanga.

Egom’urwo ni rwo rukundo.