Amakuru ya Gitewokarasi

◼ Vuba aha, Inzu y’Ubwami ya Mbeya-Iyunga iherutse kwegurirwa Yehova.

◼ Guhera ku itariki ya 7 Ukwakira 1998, Abahamya ba Yehova bahawe ubuzima gatozi mu gihugu cya Bulugariya. Kubera uko gutera imbere, twifatanyije n’ababwiriza 946 bo muri icyo gihugu mu gushimira Yehova.

◼ Ku itariki ya 12 Ukwakira 1998, Guverinoma ya Lativiya yahaye ubuzima gatozi amatorero abiri ya mbere mu matorero 21 ari muri icyo gihugu.

◼ N’ubwo abavandimwe bacu bo mu Bufaransa barwanywa, bakomeza kwihangana bagakora umurimo wabo wo kubwiriza iby’Ubwami. Mu kwezi k’Ugushyingo n’Ukuboza, hakozwe kampeni yo kwerekeza ibitekerezo by’abatuye icyo gihugu kuri Bibiliya, bibanda ku gukwirakwiza mu buryo bwihariye agatabo Un livre pour tous. Abakora kuri Beteli bagera kuri 50, bakuwe mu Bufaransa bimurirwa mu Bwongereza kugira ngo bafashe mu bihereranye n’imirimo yo gucapa no kohereza ibitabo ikorerwa ku ishami, mu gihe abandi 250 bagize umuryango wa Beteli yo mu Bufaransa bahasigaye hamwe n’abavandimwe bakora umurimo wo kubwiriza, bakomeje gukora babigiranye ibyishimo, bari mu mimerere isanzwe.