Indirimbo ya 182

“Umuti womora w’i Galeyadi”

(Yeremiya 8:22)

1. Galeyadi haboneka

Umuti womora.

Ibyo na byo tubibwirwa

N’Ijambo ry’Imana.

Mu gihe duhangayitse,

Riraturuhura.

No mu gihe twapfushije,

Rirahumuriza.

2. Imana ni yo rukundo,

Ishobora byose.

Ikintu cyose itanga

Ni ingirakamaro.

Jya wambaza iyo Mana

Uyisenga cyane.

Suka ubugingo bwawe;

Uyibwire byose.

3. Wibuke ko hari byinshi

Byabayeho kera,

Biri muri Bibiliya,

Biduhumuriza.

Jya wemera ubufasha

Bw’abantu bakuze,

Bagufashe kwihangana,

Wicisha bugufi.

4. Ujya utekereza ko

Hari benshi nkawe

Bari mu mihangayiko?

Bahora bifuza

Gukomeza gushikama.

Ujye ubashaka.

Ngo ubahe ubufasha

Bw’umuti womora.