ISOMO RYA 14

Incuti z’Imana Zirinda Ibibi

Satani yoshya abantu gukora ibintu bibi. Umuntu ushaka kuba incuti y’Imana agomba kwanga ibyo Yehova yanga (Zaburi 97:10). Dore bimwe mu bintu incuti z’Imana zirinda:

Bimwe mu byo Yehova yanga ni ibyaha by’ubusambanyi, ubusinzi, gukuramo inda, ubujura, kubeshya, umujinya utagira rutangira n’urusimbi

Ibyaha by’ubusambanyi. “Ntugasambane” (Kuva 20:14). Kuryamana mbere yo gushyingiranwa na byo ni bibi.—1 Abakorinto 6:18.

Ubusinzi. “Abasinzi . . . ntibazaragwa ubwami bw’Imana.”—1 Abakorinto 6:10.

Ubwicanyi, Gukuramo Inda. “Ntukice.”—Kuva 20:13.

Ubujura. “Ntukibe.”—Kuva 20:15.

Kubeshya. Yehova yanga “ururimi rubeshya.”—Imigani 6:17.

Urugomo n’Umujinya Utagira Rutangira. ‘Ukunda urugomo [Yehova] aramwanga’ (Zaburi 11:5). “Imirimo ya kamere [ikubiyemo] . . . umujinya.”—Abagalatiya 5:19, 20.

Gutera Urusimbi. ‘Ntimukifatanye n’uwifuza ibibi.’—1 Abakorinto 5:11.

Inzangano Zishingiye ku Moko. “Mukunde abanzi banyu, musabire ababarenganya.”—Matayo 5:43, 44.

Ibyo Imana itwigisha ni twe bigirira umumaro. Kwirinda gukora ibibi si ko byoroha buri gihe. Ubifashijwemo na Yehova n’Abahamya be, ushobora kwirinda gukora ibintu bidashimisha Imana.—Yesaya 48:17; Abafilipi 4:13; Abaheburayo 10:24, 25.