Uburyo bw’icyitegererezo

Gutangiza ibyigisho bya Bibiliya kuwa gatandatu wa mbere wo mu kwezi k’Ukwakira

“Ndumva nawe wemera udashidikanya ko ubuzima busa n’aho ari bugufi cyane. Ese utekereza ko hari igihe indwara zizavaho maze tukabaho igihe kirekire cyane? [Reka asubize.] Dore icyo iyi gazeti ibivugaho.” Muhe igazeti y’Umunara w’Umurinzi yo ku itariki ya 1 Ukwakira, hanyuma musuzumire hamwe ibikubiye munsi y’agatwe gato ka mbere ko ku ipaji ya 16 kandi musome nibura umurongo w’Ibyanditswe umwe. Muhe amagazeti kandi muhane gahunda y’igihe uzagarukira kumusura mugasuzumira hamwe ikibazo gikurikiraho.

Umunara w’Umurinzi 1 Ukwakira

“Twifuje kuganira namwe kubera ko muri iki gihe abantu benshi bahangayikishijwe na ruswa igenda yiyongera mu bucuruzi no mu nzego z’ubuyobozi. Ese wowe ubona hari icyakorwa kugira ngo icyo kibazo gikemuke? [Reka asubize.] Dore icyo Bibiliya ivuga ku bihereranye n’icyo Yesu azakorera abarengana bitewe na ruswa. [Soma muri Zaburi ya 72:12-14.] Iyi gazeti igaragaza uko vuba aha ruswa izavaho burundu.”

Nimukanguke! Ukwakira

“Muri iki gihe, ababyeyi benshi bifuza ko abana babo biga neza. Ese ubona urubyiruko rurangiza amashuri muri iki gihe rushobora guhangana n’ibibazo by’ubuzima biriho? [Reka asubize.] Dore icyo Bibiliya ivuga ku bihereranye n’akamaro ko kugira ubumenyi n’ubwenge. [Soma mu Mubwiriza 7:12.] Iyi gazeti ivuga ibintu by’ingenzi bitanu byafasha abana gutsinda ku ishuri.”