MÁ WƆNYE HŨ ASƐNGA NWO | NYA ASƐNGA NU ANIGYE NE BIE
Fa Nnwinadeɛ Bɔ Yɛfa Yɛyɛ Nhwehwɛmuɛ Ne Di Dwumaa
Yehowa ma yɛ nnwinadeɛ bɔ yɛfa yekyirekyire yé tekyɛ, vidio ahoroɛ, trakt, magazin, brohyeɔ, nwomaa ahoroɛ, ɔne adwinadeɛ titire bɔ yeɛ ole Bible ne. (2Ti 3:16) Na osa koso maa yɛsa kã nnwinadeɛ bɔ yɛfa yɛyɛ nhwehwɛmuɛ, bɔ ɔmaa yɛkora yekyirekyire Tworɔnzɛm nanu yé ɔ. Ɛhemɔ anu bie yeɛ ole Watchtower Library, JW Library® app, Watchtower ONLINE LIBRARY™, ɔne Nwomaa Bɔ Yehowa Adanzefoɛ Fa Yɛ Nhwehwɛmuɛ bɔ ebie wɔ Twi nu ne.
Sɛ yɛfa nnwinadeɛ bɔ bɛfa bɛyɛ nhwehwɛmuɛ wɔ Bible nu bɔ yɛle ne yedi dwumaa yé a, yɛnye kɔgye wɔ sõen adwuma nanu. Tete wɔ Bible asuafoɛ ma benwu kyɛbɔ bɛkɔfa nnwinadeɛ ahoroɛ ne bekoli dwumaa ɔ. Ɔba sɔ a, bɛbɔbɔ bɛkɔyɛ nhwehwɛmuɛ wɔ Bible nanu, ná bɛnye kɔgye bɔ bekonwui nanwo.
NEA VIDIO BƆ YEƐ OLE NYA ASUAFOƐYƐLƐ ANIGYE NE BIE—DÉ YEHOWA MMOKALƐ TO NU—NNWINADEƐ BƆ BƐFA BƐYƐ NHWEHWƐMUƐ, NA YE NZƐMMISA BƆ OLILISO HEMƆ NOA:
Edwirɛ beni yeɛ Jade bisa fale abɔdeɛ nwo ɔ?
Niswa yeɛ Neeta yɛle edwirɛ nanu nhwehwɛmuɛ ɔ?
Sɛ yenwu Bible nu dwirɛ bie, ná yɛkã yenwo dwirɛ yekyire afoforɛ a, ɔmaa yɛnye gye
Sɛɛ yeɛ ɔpenane edwirɛ bɔ né ɔkɔboka Jade ne ɔ?
Sɛɛ yeɛ Neeta tele ngã wɔ nnwinadeɛ bɔ bɛfa bɛyɛ nhwehwɛmuɛ nanwo ɔ?