2 ඊශ්‍රායෙල්වරුන්ව තමන්ගේම දේශය වෙතට ගෙන යන්නේ වෙනත් ජාතීන්ට අයත් ජනයායි. යෙහෝවා දෙවිගේ දේශයට පැමිණි පසු ඊශ්‍රායෙල් ජනයා එම ජාතීන්ව තමන්ගේ සේවක සේවිකාවන් ලෙස අයිති කරගනිති.+ ඔවුහු තමන්ව යටත් කරගෙන සිටි අයවද තමන්ගෙන් වැඩ ගත් අයවද යටත් කරගන්නෝය.+

14 යෙහෝවා දෙවි මෙසේද පවසන්නේය. “ඊජිප්තුවේ+ කුලී නොලබා වැඩ කරන සේවකයෝද ඉතියෝපියාවේ වෙළෙන්දෝද උස මහත මිනිසුන්+ වන සෙබාවරුද+ ඔබගේ අණසකට යටත් වෙති.+ ඔවුහු විලංගු+ දමාගෙන ඔබ වෙත පැමිණ හිස නමා+ මෙසේ කියති. ‘සැබවින්ම දෙවි ඔබ සමඟ සිටියි.+ ඔහුට සමාන දෙවි කෙනෙක් නැත. එකම සැබෑ දෙවි ඔහුයි.’”+

19 යෙහෝවා දෙවියනි, මගේ ශක්තියත් මගේ බලකොටුවත් ඔබයි. විපත්ති කාලයේදී මට පලා ගොස් සැඟවී සිටිය හැක්කේ ඔබ ළඟයි.+ පොළොවේ ඈත කෙළවරේ සිට ජාතීහු ඔබ වෙතට පැමිණ+ මෙසේ පවසනු ඇත. “අපේ මුතුන්මිත්තන්ගේ උරුමය වූයේ කිසිම වැඩකට නැති,+ නිෂ්ඵල, බොරු දෙවිවරුන්ට කළ නමස්කාරයයි.”+