සේවයේ දක්ෂ වීමට - කැමරා සහ ඉන්ටකොම් හරහා සාක්ෂි දරන්න

ඒක වැදගත් ඇයි? එන්න එන්නම අපරාධ වැඩි වෙන නිසාත් තාක්ෂණයේ දියුණුව නිසාත් අද හුඟදෙනෙක් එයාලගේ ගෙවල්වල කැමරා සහ ඉන්ටකොම් සවි කරලා තියෙනවා. ඒ වගේ ගෙවල්වල ඉන්න අයව අපිට නොපෙනුණත් එයාලට අපිව පේනවා කියලා දන්න නිසා කැමරා සහ ඉන්ටර්කොම් හරහා සාක්ෂි දරන්න අපිට බයක් දැනෙන්න පුළුවන්. ඒත් මේ තොරතුරු මතකේ තියාගන්න එක ඒ බයෙන් ගොඩ එන්න ඔයාට උදව් වෙයි.

ඒක කරන්නේ කොහොමද?

• මිනිසුන් ඇහුම්කන් දෙන්නේ නැති වෙයි කියලා හිතන්න එපා. කැමරා සහ ඉන්ටකොම් සවි කරලා තියෙන ගෙවල්වල ඉන්න හුඟක් අය අපිත් එක්ක කතා කරන්න කැමතියි

• බෙල් එක ගහන්න කලින් ඉඳලාම සමහර කැමරාවලින් ඔයාව පටිගත වෙනවා කියලත් ඔයා ඉඩමකට ඇතුල් වුණු වෙලාවේ ඉඳන්ම නිවැසියා ඔයා කියන කරන දේවල් ගැන අවධානයෙන් ඉන්න පුළුවන් කියලත් මතක තියාගන්න

• කැමරාවකින් නැත්නම් ඉන්ටකොම් එකකින් කෙනෙක් එක්ක කතා කරද්දී එයා ඔයා ඉස්සරහා ඉන්නවා කියලා හිතන්න. සිනාමුසුව සාමාන්‍ය විදිහට කතා කරන්න. නිවැසියාව ඔයාට මුණගැහුණා නම් ඔයා පණිවිඩය කියන්න හිතාගෙන හිටපු විදිහටම ඉන්ටකොම් එකෙනුත් පණිවිඩය කියන්න. එතන කැමරාවක් තියෙනවා නම් ඔයාගේ මූණ ඕනෑවට වඩා ඒකට ළං කරන්න එපා. ඉන්ටකොම් එක හරහා නිවැසියාව සම්බන්ධ කරගන්න බැරි වුණු අවස්ථාවකදී ඒ උපකරණයේ පණිවිඩයක් පටිගත කිරීමේ පහසුකම තිබුණත් එහෙම කරන්න එපා

• සංවාදය අවසන් වුණාට පස්සෙත් ඔයා සහායකයා එක්ක කියන කරන දේවල් ගැන පරෙස්සම් වෙන්න. මොකද නිවැසියා ඔයාලා ගැන දිගටම අවධානයෙන් ඉන්න ඉඩ තියෙනවා