වෛද්‍යවරුන් සහ යෙහෝවඃවහන්සේගේ සාක්ෂිකරුවන් අතර සබඳතා වැඩිදියුණු කිරීමට සම්මන්ත්‍රණ
මොනයම් ආකාරයකින් හෝ රුධිරය ශරීරගත කිරීම දෙවියන්වහන්සේගේ නීතිය මගින් ක්‍රිස්තියානීන්ට තහනම් කර තිබේ. (ක්‍රියා 15:28, 29) එම නීතියට කීකරුවීම නිසා ඇතැම් අවස්ථාවල වරදවා තේරුම්ගැනීමට මඟ පෑදීම හේතුවෙන්, ක්‍රිස්තියානීන්ට තම සෞඛ්‍ය ගැටලු සම්බන්ධයෙන් ලබාගත හැකිව තිබෙන හා ප්‍රතිඵලදායී විකල්ප වෛද්‍ය පාලක ප්‍රතික්ෂේප කර තිබේ.
වඩා හොඳ තේරුම්ගැනීමක් ඇති කරගැනීමට සහ රුධිරය භාවිත නොකර ප්‍රතිකාරය සැපයීම සඳහා වෛද්‍යවරුන්ට සහාය වීමට, යෙහෝවඃවහන්සේගේ සාක්ෂිකරුවන් උපකාරවත් සබඳතා සේවාවක් පිහිටුවා තිබේ. යෙහෝවඃවහන්සේගේ සාක්ෂිකරුවන්ගේ පාලක මණ්ඩලය, රෝහල් සබඳතා කමිටු (රෝසක) ක්‍රියාත්මක කිරීමට තෝරාගත් සාක්ෂිකාර වැඩිමහල්ලන් පුහුණු කිරීමට නිව් යෝර්ක්, බෘක්ලින්හි රෝහල් තොරතුරු සේවා (රෝතොසේ) පිහිටුවා තිබේ. වෛද්‍ය පර්යේෂණ පවත්වා, රෝසක සඳහා සම්මන්ත්‍රණවලදී එහි ප්‍රතිඵල ඉදිරිපත් කෙරේ. ඉන්පසු, මෙම තොරතුරු වෛද්‍යවරුන්ට සහ සෞඛ්‍ය-සේවා මධ්‍යස්ථානවලට ඉදිරිපත් කෙරේ. තවද, ඝට්ටන වැළැක්වීමේ වෑයමක් වශයෙන් වෙනත් පළපුරුදු වෛද්‍යවරුන් මුණගැසීමටද විධිවිධාන යෙදිය හැක.
මෙම වැඩසටහන සාර්ථක වී තිබේද? සපයනු ලැබූ තොරතුරු සැබවින්ම උපකාරවත් වී තිබේද? වෛද්‍යවරුන් එයට ප්‍රතිචාරය දක්වා තිබෙන්නේ කෙසේද? මෑතකදී රෝසක සම්මන්ත්‍රණයකට සහභාගි වූ වෛද්‍යවරයෙකු විසින් වාර්තා කළ පහත දැක්වෙන අදහස්, තොරතුරු දක්වන ඒවා මෙන්ම දිරිගන්වන ඒවා වේ.
“මෙම අදහස් ඍජු මෙන්ම ප්‍රයෝජනදායක බව ඔබ සොයාගනු ඇතැයි මම බලාපොරොත්තු වෙමි.
“ප්‍රථමයෙන්ම, නිව් යෝර්ක්හි, යෙහෝවඃවහන්සේගේ සාක්ෂිකරුවන්ගේ මූලස්ථානයෙන් පැමිණි රෝහල් සබඳතා සේවා සාමාජික මණ්ඩලය මගින් ඉදිරිපත් කළ, දෙවන රෝහල් සබඳතා කමිටු සම්මන්ත්‍රණයට සහභාගි වීමට ආරාධනා කිරීම වරප්‍රසාදයක් බව ඔබට පැවසීමට මට ඉඩ දෙන්න. මේ රැස්වීමෙන් මගේ අපේක්ෂා ඉටුවුණා පමණක් නොව නමුත් ඉන් ඔබ්බට ගියා. සභාපතිගේ ආරම්භක ප්‍රකාශයන් දෙදින සැසිවාරයන් සඳහා සාමාන්‍ය දැනුමක් ලබා දුන්නේය. රෝසක තිබෙන්නේ රෝගී සාක්ෂිකරුවන් රෝහල් ගතව සිටින කාලයේදී, අවශ්‍යතාවලට හුදෙක් යාන්ත්‍රිකව ප්‍රතිචාරය දැක්වීමට නොවන බව ඔහු අවධාරණය කළේය. පොදු ජනයා විසින් මෙන්ම වෛද්‍යවරුන්, රෝහල් පාලකයන් හා වෛද්‍ය වෘත්තියේ යෙදෙන වෙනත් සේවකයන් විසින්, සාක්ෂිකරුවන් ගැන පොදුවේ විශ්වාස කළ බොහෝ මිථ්‍යා මත හෙළි කිරීමට කමිටුව මහඟු ප්‍රස්තාවක් සපයති.
මේ අයගෙන් බොහෝදෙනෙක්, යෙහෝවඃවහන්සේගේ සාක්ෂිකරුවන්ගේ වෛද්‍ය විශ්වාසයන් සලකා බලන කල, ක්‍රිස්තියානි විද්‍යාඥයන්ට කොහෙත්ම සමාන නොවන බව දැනගැනීමට ලැබීමෙන් පුදුමයට පත්වෙති. සාක්ෂිකරුවන් ‘මියයෑමට අයිතියක්’ යොදාගන්නේ හෝ තමන්ව ප්‍රාණ පූජාවේ තත්වයකට දැමීමට උත්සාහ කරන්නේ හෝ නැත. එමෙන්ම රුධිරයේ ප්‍රශ්නය සංවිධානාත්මක නියමයක්ද නොව, නමුත් එය හෘදයාංගම පෞද්ගලික විශ්වාසයකි. එවැනි එළිදරව්වීම් රෝසකවල අධ්‍යාපනික අරමුණු අවධාරණය කරයි. එසේය, එය විශිෂ්ටයයි පෙනෙන්ට තිබුණත්, වෛද්‍යවරුන්ට පවා ඉගෙනගත හැකි අතර, රුධිරය නොවන විකල්ප වෛද්‍ය ප්‍රතිකාර සම්බන්ධයෙන් ඉගෙනීමට බොහෝ දේ තිබේ. මෙම විධිවිධානයෙන් සපයනු ලැබූ පර්යේෂණවල ප්‍රමාණය සහ ගැඹුර මගින් මම නිරතුරුවම පුදුමයට පත්වෙමි, ඒවායින් වැඩිහරියක් මට ඇත්තෙන්ම අලුත් ඒවාය. තවද රෝසකවල අධ්‍යාපනික ක්‍රියාවන් මෙහිදී අවසන් වන්නේ නැත. ඒවා රෝහල් පාලකයන් වෙතට, සමාජ සේවා කරාද, එමෙන්ම නීති හා අධිකරණ නිලධාරීන් වෙත පවාද යයි.
“සාක්ෂිකරුවන්ගේ විශ්වාසවලට සහාය දක්වන වෛද්‍යවරුන් සෙවීමෙන්, හමුවීමෙන් හා නාම ලේඛන ගැනීමෙන්, මෙම කමිටු සාමාන්‍ය වෑයමට වඩා වැඩි වෑයමක් දරයි. සැබවින්ම, රෝහල්, සෞඛ්‍ය-සේවා වැඩකරුවන්, නීතිඥයන් මෙන්ම විනිශ්චයකරුවන් සමඟ සබඳතා ඇති කරගැනීම දක්වා, එය වෛද්‍යවරුන්ගේ ප්‍රජාවෙන් ඔබ්බට දිව යයි. සමහරවිට ප්‍රකාශ කිරීමට තිබෙන ඉතා පැහැදිලි පණිවිඩය විය හැක්කේ යෙහෝවඃවහන්සේගේ සාක්ෂිකරුවෝ සාධාරණ අයය, උන්මත්තකයන් නොවන අතර ඉල්ලන්නේ රුධිරය වෙනුවට පිළිගත හැකි විකල්පයන් පමණි යන්නය. . . . රුධිරය භාවිත කිරීමේදී සැලකිය යුතු අනතුරු තිබෙන අතර, මෙම අනතුරු හෙළි කිරීමේදී රෝසක ඇත්තෙන්ම කාර්යයක් ඉටු කරමින් රුධිරයේ සහ රුධිර නිෂ්පාදනවල තිබිය හැකි අවදානම වෛද්‍ය ප්‍රජාවට අවධාරණය කෙරේ.
“රෝහල් තොරතුරු සේවාවන් සහ වොච් ටවර් සමිතිය, රෝසක වෙත සපයන ලද තොරතුරු මගින් මම නිරතුරුවම පුදුමයට පත්වූයෙමි. එහෙත් ඕනෑම ආධුනික ශිල්පියෙකු සහතික කරන්නාක් මෙන්, සුදුසු මෙවලම් සැපයූ විට ඇත්තෙන්ම ඕනෑම වැඩක් ඉටු කළ හැකිය. . . . සැබවින්ම යම්කිසි වෛද්‍ය හදිසිතාවකට විගස සහ ඵලදායී ලෙස ප්‍රතිචාරය දැක්වීමට දැන් ක්‍රියාත්මක වන විධිවිධාන ගැන සවන් දීමට ලැබීම සිත් ඇදගන්නා දෙයක් විය. අත්‍යවශ්‍ය ප්‍රජා ලේඛන තොරතුරු එකතු කරගැනීමට, වෛද්‍යවරුන්ගේ සහ රෝහල්වල ආකල්පය විගස තක්සේරු කිරීමට සහ හදිසිතාවේ මට්ටම නිවැරදිව තක්සේරු කිරීමට මෙන්ම, ප්‍රවේශන සඳහා අධිකරණ නියෝග සම්බන්ධයෙන් රෝහල් මගින් ගත හැකි නීතිමය ක්‍රියාවේ තර්ජනය තක්සේරු කිරීමට සෑම රෝසක සාමාජිකයෙකුම පුහුණු කර තිබේ.
“සාක්ෂිකාර රෝගීන්ගේ අවශ්‍යතාවන් සහ වුවමනාවන් පැහැදිලි කිරීම සඳහා අපි, නොඇදහිලිවන්ත නෑදෑයන්ගේ විරුද්ධතා සමඟ කටයුතු කරන අයුරු, වෛද්‍යවරුන්ගෙන් ඉවත් කරගෙන, සාක්ෂිකාර අවශ්‍යතාවලට වඩා හොඳින් ප්‍රතිචාරයක් දක්වන විකල්ප වෛද්‍ය පහසුකම් සඳහා රෝගියාව මාරු කිරීමට පවා ක්‍රම ගවේෂණය කළෙමු. ජනමාධ්‍ය සමඟ රෝසක අන්‍යොන්‍ය ලෙස ප්‍රතික්‍රියා කිරීම ඉස්මතු කොට දැක්වූ අතර, සාක්ෂිකරුවන් සියලු වෛද්‍ය ප්‍රතිකාර ප්‍රතික්ෂේප කරන්නේ නැත, නමුත් ප්‍රතික්ෂේප කරන්නේ රුධිරය පමණක්ය යන්නට නැවතත් මූලික අවධානය බර කොට දක්වමින් මාර්ගෝපදේශ සපයනු ලැබීය. සියලු ශල්‍යකර්ම නොව, නමුත් භක්තිවන්ත කතෝලිකයෙකු විසින් ගබ්සාව ප්‍රතික්ෂේප කිරීමට මෙය දළ වශයෙන් සමානයයි සැලකිය හැක.
රෝහල් සහ වෛද්‍යවරුන්ද, කලාතුරකින් සාක්ෂිකරුවන්ම පවාද නැඟිය හැකි බොහෝ පොදු ප්‍රශ්නවලට විසඳුම් සෙවීමට සබඳතා කමිටුවේ සාමාජිකයන් පුහුණු කර ඇත. මෙයට ප්‍රතිශක්ති ග්ලෝබියුලින් හෝ ඇල්බියුමින් පිළිගැනීම, ශීතජනක උෂ්ණත්වය භාවිතය මගින් රුධිරයෙන් සියුම් ද්‍රව්‍ය ලබාගැනීමේ තාක්ෂණය හෝ රක්ත තන්වීකරණය, ශරීරයෙන් බැහැර සංසරණය, ශල්‍ය කර්මයේදී සෛල ආරක්ෂක යන්ත්‍ර භාවිතය හෝ රක්ත කාන්දු පෙරීම ඇතුළත් විය හැක.
“සාක්ෂිකරුවන්ව සහ ඔවුන්ගේ ආගමික විශ්වාසයන් ආරක්ෂා කිරීමට තේරුම්ගැනීමේදී සහ නීතිය යොදාගැනීමේදී ඇතුළත් වූ නීතිමය කටයුතු සම්බන්ධයෙන් මම සිත්ගන්නා සාකච්ඡාවක් භුක්තිවින්දෙමි. වෛද්‍ය කරුණු සම්බන්ධයෙන් තමන්ටම තීරණය කිරීමට සාක්ෂිකරුවන්ට ඇති අයිතීන් ආරක්ෂා කරනු වස්, පදනම සකස් කරන විනිශ්චයමය තීරණ ඊටත් වඩා සිත්ගන්නා සාකච්ඡාවක් ඇති කරයි. සමහරෙකුට රෝහල් සබඳතා කමිටුවේ වැඩකටයුතු, වැඩි දෙයක්, අනවශ්‍ය දෙයක්යයි පවා පෙනිය හැකි නමුත්, සැබෑව නම්, මෙම සහාය සේවා සංයුක්ත වැඩය අත්‍යවශ්‍යය වීමය. රෝහල් වාතාවරණය ගැන හොඳින් නොදන්නා මෙන්ම, රුධිරය නොවන විකල්ප වෛද්‍ය ක්‍රම ගැන සමහරවිට නොදන්නා සාක්ෂිකාර රෝගීන් මට දකින්ට ලැබෙනවා. තවදුරටත් කමිටුව දන්නා නැතහොත් රුධිරය නොවන වෛද්‍ය පාලක සෙවීමේදී, අප එක් එක්කෙනාට තිබෙන හා අද්දකින විශේෂිත වෛද්‍ය අයිතිවාසිකම් සහ වගකීම් දන්නා වෛද්‍යවරුන් දැනහඳුනා ගැනීමට හැකි වන්නේ ස්වල්පදෙනෙකුටය.
“මාතෘකාවෙන් පිටතට ගොස් රෝතොසේවල වෑයම් ගැන මොහොතකට ප්‍රශංසා කිරීමට මට ඉඩ දෙන්න. කැතීටර්කරණය සිදු කරන හෘදරෝග විශේෂඥයෙකු වශයෙන්, මගේ උපවිශේෂඥතාවට කෙළින්ම සම්බන්ධ වන බොහෝ සඟරා කියවීමට පමණක් නොව, ඓන්ද්‍රීය වෛද්‍ය විද්‍යාව සම්බන්ධයෙන් පුළුල් දැනුමක් ලබන සඟරා කියවීමට පවා මට කාලයක් නෑ. මගේ රෝගීන්ගේ රුධිර නොවන පාලක සම්බන්ධයෙන් සොයාගැනීමට ලැබෙන ගැටලු සඳහා යම් ඉතා විශේෂිත විසඳුම්වලට යොමු දැක්විය හැකි යොමු සටහන් සෙවීමට මුළු වෛද්‍ය පොත් පත් පිදුරුගොඩම සියුම් ලෙස පරීක්ෂා කර බැලීම නොහැකි කාර්යයක් වනු ඇත. සඟරා ලිපිවල ආප්තෝපදේශක පිදුරුගොඩෙන් අදාළ පර්යේෂණ ඉඳිකටුව සොයාගැනීමට කාන්දමක් සපයමින් නැවතත් සමිතිය මගේ උපකාරයට පැමිණේ.
“බෘක්ලින්වලින් නොකඩවා සපයන තොරතුරු, මගේ වෛද්‍යකර්මයට සම්බන්ධ විය හැකි ඉතා මෑත වර්ධනයන් සමඟ හරි හරියට සිටීමට මට උපකාරවත් වේ. සඟරා-පුනරීක්ෂණ වෛද්‍ය තොරතුරු සපයන පරිගණක සේවයට වඩා, මේවා බෙහෙවින් බලවත් මෙන්ම ස්ථිරය. සැබවින්ම, අනතුරෙහි ඇති දෙය ගැන සැලකිලිමත් විය යුතුය.”—අමෙරිකා එක්සත් ජනපදයේ කැලිෆෝර්නියාවේ සැන් ප්‍රැන්සිස්කෝ බේ ප්‍රදේශයේ හෘද් විශේෂඥයෙකු වන වෛද්‍ය. ස්ටීවන් ඊ. පෝප් විසින් සපයන ලදි. g95 3/22
[26වන පිටුවේ කොටුව]
• එක්සත් ජනපදයෙහි වෛද්‍යවරු 18,000ක් පමණ, යෙහෝවඃවහන්සේගේ සාක්ෂිකරුවන්ට රුධිරය නොවන වෛද්‍ය සේවා සැපයීම සඳහා සහයෝගීතාව දැක්වීමට සතුටෙන් සිටිති. ලොව පුරා සංඛ්‍යාව 50,000කි.
• එක්සත් ජනපදයෙහි රුධිරය නොවන ප්‍රතිකාර සහ ශල්‍ය වැඩසටහන් ලබාගත හැකි වෛද්‍ය මධ්‍යස්ථාන 45ක් තිබේ. ලොව පුරා සංඛ්‍යාව 80කි.