දිව්‍ය ඉගැන්වීම් මගින් එක්සත් වී—සැබෑ සහෝදරත්වයේ එකමුතුකම දකින්න
ස්ත්‍රියක් සමඟ පැවැත්වූ බයිබල් පාඩමකට චාරිකා අවේක්ෂකයෙක් ගියා. මේ ස්ත්‍රිය ඒ වන විට රැස්වීම්වලට පැමිණෙන්න පටන්ගෙන තිබුණේ නැහැ. දිව්‍ය ඉගැන්වීම් මගින් එක්සත් වී නමැති වීඩියෝ පටය නැරඹීමට ඔහු ඇයට ආරාධනා කළා. මෙම වීඩියෝ පටය නැරඹූ සතියේම තිබූ රැස්වීමකට ඇය පැමිණි අතර, තමන් එයින් මහත් ප්‍රීතියක් ලැබූ බව ඇය පැවසුවා. මෙම වීඩියෝ පටය පෙන්වීමෙන් ඉක්මනින් එවන් ප්‍රතිඵලයක් අත් කරගැනීමට හැකිවීමට හේතුව කුමක්ද? ප්‍රචණ්ඩත්වය හා වෛරය පිරි ලෝකයක අප අතර පවතින සැබෑ සහෝදර එකමුතුකම ඇය වීඩියෝ පටයෙන් දැක්කා. මෙය ඇගේ සිතට ගැඹුරින් කාවැදුණා.—යොහ. 13:35.
ලොව පුරා යෙහෝවාගේ සාක්ෂිකරුවන් අතර තිබෙන සාමය හා ප්‍රේමය දැකගැනීමට මෙම වීඩියෝ පටය නරඹන්න. ඉන්පසු, මතු දැක්වෙන ප්‍රශ්න ගැන හොඳින් සිතන්න.
(1) වර්ෂ 1993-94 අතර කාලයේ පැවැත්වූ සමුළුවල තේමාව “දිව්‍ය ඉගැන්වීම” යනුවෙන් නම් කිරීම යෝග්‍ය වූයේ මන්ද?—මීකා 4:2.
(2) බයිබලයෙහි සඳහන් සත්‍යය ඇතැම් පවුල්වලට බලපා තිබෙන්නේ කෙසේද? එය ඔබේ පවුලට බලපා තිබෙන්නේ කෙසේද?
(3) යෙහෝවාගෙන් ඉගෙනගැනීම වැදගත් දෙයක් වන්නේ ඇයි?—ගීතා. 143:10.
(4) විශාල ජාත්‍යන්තර සමුළු සූදානම් කිරීමේදී මුහුණ පෑමට තිබෙන අභියෝග මොනවාද?
(5) ඔබ ගොස් තිබෙන ක්‍රිස්තියානි සමුළුවලදී ගීතාවලිය 133:1හි සහ මතෙව් 5:3හි සඳහන් වදන්වල සත්‍යතාව ඔබ දැක තිබෙන ආකාරය විස්තර කරන්න.
(6) දිව්‍ය ඉගැන්වීම මගින් ප්‍රබල බලපෑමක් ඇති කරන බවට තිබූ සාක්ෂි මොනවාද?—එළි. 7:9.
(7) සැබෑ ක්‍රිස්තියානීන් අතර මෙතෙක් විශාලතම පිරිසක් බව්තීස්ම වූයේ කවදාද? කොහේදීද?
(8) යෙහෝවාගේ සාක්ෂිකරුවන් අතර ඉටු වෙමින් තිබෙන්නේ මීකා, පේතෘස් හා යේසුස් පැවසූ කිනම් වදන්ද?
(9) සතුටින් එකමුතුව වෙසෙන මිනිස් පවුලක් බිහිවීම සිහිනයක් නොවන බව ඒත්තුගැනීමට ඔබට බලපෑවේ කුමක්ද?
(10) ඔබ මෙම වීඩියෝ පටය පෙන්වන්නේ කාටද? මන්ද?
මේ වීඩියෝ පටය නැරඹීමෙන් පසු එක් සහෝදරියක් මෙසේ කදිමට ඇගේ අදහස් කැටි කොට දැක්වුවා. “මම මේ කතා කරන අවස්ථාවේදී පවා ක්‍රිස්තියානි සහෝදර සහෝදරියන් බොහෝදෙනෙක් ලොව පුරා යෙහෝවාට පක්ෂපාතව සේවය කරමින් සිටින බව සැමදාම සිතීමට මේ වීඩියෝ පටය මට උපකාරවත් වෙනවා. . . අප අතර තියෙන සහෝදර එකමුතුකම මොනතරම් අනර්ඝද!”—එපී. 4:3.