රාජ්‍ය ශාලාවල තිබෙන පුස්තකාල සඳහා අලුත් විධිවිධානයක්
අවුරුදු ගණනාවක සිට මේ දක්වා ලොව පුරා පිහිටි සභාවන් තමන්ගේ රාජ්‍ය ශාලාවේ තිබෙන පුස්තකාලයෙන් ප්‍රයෝජන ලබා තිබේ. කලින් මෙය හැඳින්වූයේ දිව්‍යාණ්ඩු සේවා පාසැල් පුස්තකාලය කියාය. එක් එක් සභාවට තමන්ගේම කියා පුස්තකාලයක් තිබීම අවශ්‍යයි කියා කලින් සලකන ලදි. කෙසේවෙතත් වර්තමානයේ රාජ්‍ය ශාලා බොහොමයක් සභාවන් එකකට වඩා වැඩි ගණනක් භාවිත කරන නිසාත්, ඒවායින් සමහරක් විදේශීය භාෂාවලින් රැස්වීම් පවත්වන නිසාත්, හොඳම දෙය හැටියට පෙනී යන්නේ එක රාජ්‍ය ශාලාවක එක භාෂා කණ්ඩායමක් සඳහා අලුත් පොත් පත්ද ඇතුළත්ව හොඳ තත්වයේ එක පුස්තකාලයක් පමණක් තිබීම ප්‍රමාණවත් බවයි. ශ්‍රවණාගාර නොහොත් ශාලා එකකට වඩා තිබෙන රාජ්‍ය ශාලාවල තිබෙන සෑම ශ්‍රවණාගාරයකම එක් එක් භාෂා කණ්ඩායම් සඳහා පුස්තකාලයක් තිබිය යුතුයි.
මෙම විධිවිධානය නිසා ඉඩ කඩ ඉතිරි කරගැනීමටත් වියදම් අඩු කරගැනීමටත් හැකි බව අපේක්ෂා කෙරේ. එපමණක්ද නොව, සභා දෙකක හෝ ඊට වැඩි ගණනක තිබෙන පුස්තකාල එකට එකතු කිරීමෙන් වඩාත් හොඳ පුස්තකාලයක් සෑදිය හැකියි. පුස්තකාල එකට එකතු කිරීමෙන් පසු ඉතිරි වන පොත්වල පිටපත් ගබඩා කර තබා, පසුව අලුත් රාජ්‍ය ශාලා ඉදි කරන විට භාවිතයට ගත හැකියි. රාජ්‍ය ශාලාවේ පරිගණකයක් තිබෙනවා නම්, සංයුක්ත තැටිවල තිබෙන මුරටැඹ පුස්තකාලය (Watchtower Library CD-ROM) නමැති මෙවලමෙන් ප්‍රයෝජන රැසක් ලබාගත හැකි බව ඇතමුන්ට පෙනී යා හැක.
එක් එක් රාජ්‍ය ශාලාවල තිබෙන පුස්තකාල බාරව සිටින තැනැත්තා හැටියට එක් දිව්‍යාණ්ඩු සේවා පාසැල් අවේක්ෂකයෙකුව පත් කිරීම වඩාත් සුදුසුයි. ඔහු පුස්තකාලයේ තිබෙන පොත් පත්වලට අමතරව අවශ්‍ය තවත් පොත් පත් ඇතුළත් කළ යුතුයි. එමෙන්ම මෙම පොත් පත් රාජ්‍ය ශාලාවේ පුස්තකාලයට අයිති බව දැක්වෙන සටහනක් සෑම පොතකම කවරයේ ඇතුල් පැත්තේ පිළිවෙළකට දැමිය කළ යුතුයි. පුස්තකාලය සතු සෑම පොතක්ම තිබෙන බවටත් ඒවා හොඳ තත්වයේ තිබෙන බවටත් සොයා බැලීම සඳහා අඩුම තරමින් අවුරුද්දකට වතාවක්වත් ඔහු පුස්තකාලය පරීක්ෂා කර බැලිය යුතුයි. මෙම පුස්තකාලවල තිබෙන පොත් පත් රාජ්‍ය ශාලාවෙන් පිටතට රැගෙන නොයා යුතුයි.
සභාවේ සිටින සෑම කෙනෙකුම රාජ්‍ය ශාලාවේ තිබෙන පුස්තකාලයේ වටිනාකම බෙහෙවින් අගය කරාවි. මෙය රැකගැනීමෙන් හා ‘දෙවි පිළිබඳ දැනුම’ ලබාගැනීමට එය භාවිත කිරීමෙන්, මෙම සැපයුම අපි පෞද්ගලිකව අගය කරන බව පෙන්වමු.—හිතෝ. 2:5, NW.