උසස්ම ගුණයෙන් යුත් වෛද්‍ය ප්‍රතිකාර හඳුනාගනිමු
වෛද්‍ය මයිකල් රෝස් පැවසුවේ “රෝගියෙකුට රුධිරය ලබා නොදී ප්‍රතිකාර කළ හැකි නම් එය ඔහු ලබන හොඳම ප්‍රතිකාරය” බවයි. “රුධිරය ලබා නොදී කරන ප්‍රතිකාරවලට” ඇතුළත් වන්නේ කුමක්ද? මෙම ප්‍රශ්නයට පිළිතුරු දැනගැනීම ඉතා වැදගත්. එයට හේතුව ඔබ පෞද්ගලිකව තෝරාගන්නා ප්‍රතිකාර හා සැත්කම් ගැන හොඳින් දැනුවත් වී තීරණයක් ගත යුතු නිසයි. රුධිරය එපා—වෛද්‍ය විද්‍යාව රුධිරය සම්බන්ධ අභියෝගයට මුහුණ දෙයි යන මැයින් යුත් DVD තැටිය නැරඹීම ඔබට අත්වැලක් වෙයි. එය නැරඹීමෙන් පසුව මතු දැක්වෙන ප්‍රශ්න කිහිපය සලකා බැලීමෙන් ඔබ අවබෝධ කරගත් දේ තහවුරු කරගත හැකියි.—සැලකිය යුතුයි: මෙම වීඩියෝ තැටියේ සැත්කම් කිහිපයක දර්ශන ඇතුළත් නිසා ඔබගේ දරුවන්ට ඒවා පෙන්වනවාද නැද්ද යන්න ගැන දෙමාපියන් හැටියට ඔබ තීරණය කළ යුතුයි.
(1) යෙහෝවාගේ සාක්ෂිකරුවන් රුධිරය ප්‍රතික්ෂේප කරන ප්‍රධාන හේතුව කුමක්ද? [w04 6/15, 29 පි. 1-3 ඡේ.] (2) යෙහෝවාගේ සාක්ෂිකරුවන් වෛද්‍ය ප්‍රතිකාර ලබාගන්නේ ඇයි? [km 12/02, 5 පි. 2 ඡේ.] (3) රෝගියෙකුට තිබෙන මූලික අයිතිවාසිකම විස්තර කරන්න. [w04 6/15, 31 පි. 3 ඡේ. සහ පාඨකයන්ගෙන් ප්‍රශ්න] (4) රුධිරය වෙනුවට ලබාගත හැකි වෙනත් ප්‍රතිකාර තෝරාගැනීම සාධාරණ මෙන්ම ඥානවන්ත දෙයක් වන්නේ ඇයි? [w04 6/15, 29 පි. 8 ඡේ.] (5) අධික ලේ ගැලීමක් සිදු වන විට වෛද්‍යවරුන් හදිසියෙන්ම කළ යුතු දේවල් දෙක මොනවාද? [km 12/02, 5 පි. 3 ඡේ.] (6) රුධිරය වෙනුවට යොදාගත හැකි වෙනත් ප්‍රතිකාරවලදී සැලකිල්ලට ගත යුතු මූලික කාරණා හතර මොනවාද? [km 12/02, 5 පි. 4 ඡේ.; hb 13-16 ඡේ.] (7) (අ) ලේ ගැලීම අවම කිරීමට වෛද්‍යවරුන්ට හැක්කේ කෙසේද? (ආ) රතු රුධිරාණු ආරක්ෂා කළ හැක්කේ කෙසේද? (ඇ) ලේ නිෂ්පාදනය වැඩි කළ හැක්කේ කෙසේද? (ඈ) රුධිරය අපතේ යෑම අවම කළ හැක්කේ කෙසේද? [w00 10/15, 31 පි. 2 ඡේ.] (8) (අ) රුධිරය තනුක කිරීමට අයත් වන්නේ කුමක්ද? (ආ) රුධිර සෛල අපතේ නොයැවීමට ගන්නා පියවර මොනවාද? [w00 10/15, 30 පි. 1-3 ඡේ.] (9) රුධිරය වෙනුවට යොදාගත හැකි ප්‍රතිකාර පිළිගන්නා විට ඔබ දැනුවත් විය යුත්තේ කුමක් සම්බන්ධයෙන්ද? (10) රුධිරය ලබා නොගෙන ඉතා බරපතළ වෛද්‍ය සැත්කම් සිදු කළ හැකිද? [w96 8/15, 32 පි.] (11) දැන් දැන් වෛද්‍ය ක්ෂේත්‍රයේ අප දකින්නේ කුමන දියුණුවක්ද?
මෙම DVD තැටියේ දක්වා ඇති ඇතැම් ප්‍රතිකාර පිළිගන්නවාද නැද්ද යන්න පෞද්ගලික තීරණයක්. ඔබ තීරණ ගත යුත්තේ බයිබලයේ ඉගැන්වීම්වලට අනුව පුහුණු කළ ඔබේ හෘදය සාක්ෂියට අනුවයි. ඔබ සහ ඔබේ දරුවන් රුධිරය වෙනුවට ලබාගන්නේ මොන ප්‍රතිකාරද කියා තීරණය කර තිබෙනවාද? ඔබ ගෙන ඇති තීරණ සහ ඒවාට පදනම ගැන සාක්ෂිකරුවන් නොවන ඔබේ පවුලේ සාමාජිකයන්ට හා නෑදෑයන්ට හොඳින් පැහැදිලි කළ යුතුයි.—මුරටැඹ සඟරාවේ 2004 ජූනි 15 සහ 2000 ඔක්තෝබර් 15හි පළ වූ “පාඨකයන්ගෙන් ප්‍රශ්න” යන ලිපි බලන්න.