අත්හදා බැලීමට යෝජනා
පෙබරවාරි මාසයේ පළමු සෙනසුරාදා බයිබල් පාඩමක් ආරම්භ කරමු
“බයිබලය ගැන එක එක අයට තියෙන්නේ විවිධ අදහස්. සමහර අය හිතනවා ඒක දේවවචනය තියෙන පොතක් කියලා. තවත් අය හිතනවා අනිත් පොත්වලට වඩා ඒකේ විශේෂත්වයක් නෑ කියලා. ඔයා මොනවද හිතන්නේ?” ප්‍රතිචාරයට ඉඩහරින්න. පෙබරවාරි 1 ‘මුරටැඹ’ සඟරාවේ අන්තිම පිටුවේ තියෙන ලිපිය පෙන්වන්න. පළවෙනි ප්‍රශ්නෙට අදාළ තොරතුරු සහ එක බයිබල් පදයක්වත් සාකච්ඡා කරන්න. සඟරාව දීලා අනිත් ප්‍රශ්නය සාකච්ඡා කරන්න දිනයක් කතා කරගන්න.
මුරටැඹ පෙබරවාරි 1
“යුද්ධ නැති වෙනවට හැමෝම වගේ කැමතියි. යුද්ධ නැති වෙලා මුළු ලෝකෙටම සාමය උදා වෙන දවසක් එයි කියලා ඔයා හිතනවද? [ප්‍රතිචාරයට ඉඩහරින්න.] බයිබලයේ තියෙන පොරොන්දුවක් මං ඔයාට පෙන්නන්නම්. [ගීතාවලිය 46:9 කියවන්න.] මේ සඟරාවේ විස්තර කරනවා 1වෙනි ලෝක මහා යුද්ධයෙන් පස්සේ ලෝකෙට කොච්චර දරුණු කාලයක් උදා වුණාද කියලා. ඒත් ළඟදීම දෙවියන් යුද්ධ නැති කරනවා කියලා විශ්වාස කරන්න තියෙන හේතුත් පෙන්නලා තියෙනවා.”
පිබිදෙව්! පෙබරවාරි
“අපි හැමෝටම තියෙන ප්‍රශ්නයක් ගැන අද අපි කතා කරනවා. ඒ තමයි වැඩ ඉවර කරගන්න කාලය මදි කියලා හිතන එක. එහෙම වෙන්නේ කරන්න තියෙන වැඩ වැඩි නිසාද නැත්නම් කාලය අපතේ යවන නිසාද? [ප්‍රතිචාරයට ඉඩහරින්න.] කාලය හොඳින් පාවිච්චි කරන්න පුළුවන් විදිහ ගැන බයිබලයේ තියෙනවා කියලා හුඟක් අය දන්නේ නැහැ. මම එක බයිබල් පදයක් පෙන්නන්නම්. [ෆිලිප්පි 1:10අ කියවන්න.] කාලය හොඳින් පාවිච්චි කරන්න හුඟදෙනෙක්ට උපකාර වෙලා තියෙන යෝජනා හතරක් මේ සඟරාවේ තියෙනවා.”