සිහි කිරීමේ කාලයේදී දෙවි හා යේසුස් වගේ උද්‍යෝගයෙන් වැඩ කරන්න
1. සිහි කිරීමේ කාලයේදී අපි විශේෂ වෑයමක් දරන්නේ මොනවා කරන්නද?
1 දෙවි ඔහුගේ අරමුණ ඉටු කරන්නේ උද්‍යෝගයෙන්. දේවරාජ්‍යයේ ආශීර්වාද ගැන සඳහන් කරද්දී යෙසායා 9:7 කියන්නේ “ස්වර්ගයේ සේනාවල අධිපති වන යෙහෝවා දෙවි මහත් ආශාවකින් මේ දේ ඉටු කරන්නේය” කියලයි. යේසුස් මේ පොළොවේ ඉන්නකොටත් සැබෑ නමස්කාරය වෙනුවෙන් උනන්දුවෙන් වැඩ කළා. (යොහ. 2:13-17; 4:34) හැම අවුරුද්දකම සිහි කිරීමේ කාලයේදී ලොව පුරා ඉන්න ප්‍රචාරකයන් සේවය වැඩි කරලා දෙවි හා යේසුස් වගේ උද්‍යෝගයෙන් වැඩ කරන්න විශේෂ වෑයමක් දරනවා. ඒ අතරේ ඔබත් ඉන්නවාද?
2. උද්‍යෝගය තියෙනවා නම් මාර්තු 7වෙනිදා ඉඳලා අපි පෙලඹෙන්නේ මොනවා කරන්නද?
2 ආරාධනා පත්‍ර බෙදාහැරීම: ආරාධනා පත්‍ර බෙදන්න පටන්ගන්නේ මාර්තු 7වෙනි සෙනසුරාදායි. උද්‍යෝගයෙන් සේවයේ යෙදෙන්න දැන්ම සැලසුම් කරන්න. ආරාධනා පත්‍ර බෙදන්න හැමෝම කඩිසරව වැඩ කරනවා නම් සභාවට අයිති ප්‍රදේශය ආවරණය කරන්න පුළුවන් වෙයි. ඒ වගේම බයිබල් පාඩම්වලට, නැවත බැලීම්වලට, නෑදෑ හිතවතුන්ට, රැකියා ස්ථානයේ හා පාසැලේ මිතුරන්ට ආරාධනා පත්‍රයක් දීලා හරි jw.org වෙබ් අඩවියෙන් පෙන්නලා හරි ආරාධනා කරන්න.
3. මාර්තු, අප්‍රියෙල් මාසවල සේවය වැඩි කරන්න පුළුවන් කොහොමද?
3 සහායක පුරෝගාමි සේවය: උද්‍යෝගය තියෙනවා නම් සේවය වැඩි කරන්න අපි පෙලඹෙයි. පැය 30ක් වාර්තා කරන්නත් පුළුවන් නිසා මාර්තු, අප්‍රියෙල් මාසවල හුඟදෙනෙක් පුරෝගාමි සේවයේ යෙදෙයි. යාච්ඤා කරලා උපකාර පතන්න. පවුලේ නමස්කාරයේදී හෝ පෞද්ගලික පාඩමේදී ඒ ගැන සලකා බලන්න. (හිතෝ. 15:22) වැඩිපුර සේවයක් කරන්න ඔබ යොදලා තියෙන සැලසුම් ගැන අනිත් අයට කියනවා නම් ඔබේ උද්‍යෝගය ඒ අයටත් බෝ වෙයි. යම් සකස් කිරීම් කළොත් යේසුස් වගේ උද්‍යෝගයෙන් වැඩි සේවයක් කරන්න ඔබට පුළුවන්.—මාක් 6:31-34.
4. දෙවිව හා යේසුස්ව ආදර්ශයට ගත්තොත් අපිට ලැබෙන්නේ මොනවාද?
4 සිහි කිරීමේ කාලයේදී යෙහෝවා දෙවි හා යේසුස් වගේ උද්‍යෝගයෙන් වැඩ කරනවා නම් ගොඩක් ආශීර්වාද ලැබෙනවා. එකක් තමයි ප්‍රදේශයේ ඉන්න තව හුඟදෙනෙක්ට සාක්ෂි දරන්න ලැබෙන එක. අනිත් අය වෙනුවෙන් යමක් කරන එකෙන් හා දෙවිට සේවය කරන එකෙන් සතුටක් වගේම තෘප්තියකුත් ලැබෙනවා. (ක්‍රියා 20:35) උද්‍යෝගයෙන් වැඩ කරන දෙවිව හා යේසුස්ව සතුටු කරන්නත් අපිට පුළුවන් වෙනවා.