අධ්‍යයනයට යෝජනාවක්!
“ගීතිකා” සහ අපේ අනිත් සින්දු කටපාඩම් කරගන්න
“මනසින් අඩියටම වැටිලා ඉන්න වෙලාවට මාව නැඟිට්ටවන්න යෙහෝවා පාවිච්චි කළේ JW බ්‍රෝඩ්කාස්ටිං එකේ සින්දු.”—ලොරේන්, ඇමරිකා එක්සත් ජනපදය.
“ගීතිකා” කියන්නේ අපේ නමස්කාරයේ වැදගත්ම අංගයක්. (කොලො. 3:16) ඔයා ඒවාවල වචන මතක තියාගත්තොත් ගීතිකා පොත, ටැබ් එක, ෆෝන් එක නැති වෙලාවලදී වුණත් හදවතින්ම ගීතිකා කියන්න ඔයාට පුළුවන්. ඒත් කොහොමද ඒවා මතක තියාගන්නේ? ඒකට මේ යෝජනා ඔයාට උදව් වෙයි.
පද මාලාව කියවලා ඒකේ තේරුම හිතට ගන්න. ඒකේ තේරුම ඔයාගේ හිතේ තියෙනවා නම් ඒක මතක තියාගන්නත් ලේසියි. ගීතිකාවල, අපේ සින්දුවල වගේම පොඩ්ඩන්ගේ සින්දුවලත් පද මාලා jw.org වෙබ් අඩවියේ තියෙනවා. ඒකට ලයිබ්‍රරි යටතේ තියෙන සංගීතය කියන කොටසට යන්න.
ඔයාගෙම අතින් පද මාලාව කොළයක ලියන්න. ඒකේ වචන මතකයේ කොටාගන්න ඒක ඔයාට උදව් වෙයි.—ද්වි. 17:18.
ශබ්ද නගා පුරුදු වෙන්න. ගීතිකාව හරි සින්දුව හරි ආයේ ආයේ කියවන්න නැත්නම් ගායනා කරන්න.
මතකය පරීක්ෂා කරන්න. පද මාලාව බලන්නේ නැතුව කොච්චර දුරට ඔයාට ඒකේ පද මතකයෙන් කියන්න පුළුවන්ද කියලා බලන්න.