Faasologa o le Sauniga o le Auaunaga
MĀTAU: E amata atu i lenei lomiga o La Tatou Faiva o le Malo, o le a faaaofia atu ai i le Faasologa o Sauniga o le Auaunaga se auivi mo le uluaʻi Sauniga o le Auaunaga i le masina o sosoo mai. Ua faia lenei fesuiaʻiga ina ia mafai ai ona faafetaui ma se taimi e tuai ai ona aauina atu La Tatou Faiva o le Malo.
Vaiaso e Amata ia Tesema 6
Pese 12 (113)
10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.
20 minu: “Ia Faataʻitaʻi i le Lē Faailoga Tagata o Ieova.” Faapuupuu upu tomua ia lē silia le minute, ona sosoo ai lea ma le talanoaina i fesili ma tali o le mataupu. Faamatala mai le uiga o le lē faailoga tagata, le auala o faaalia ai e Ieova, ma le auala e mafai ona tatou faatinoina ai lenei mea i la tatou faiva.—Tagaʻi i le Insight, Tusi 1, itulau 1192, palakalafa 4-7.
15 minu: “Ofo Atu i Tatou ma le Loto Malie mo Galuega Lelei Uma.” Se lauga aasa e faia e se toeaina mai palakalafa 1-9.
Pese 8 (53) ma le tatalo faaiʻu.
Vaiaso e Amata ia Tesema 13
Pese 17 (187)
10 minu: Faasilasilaga a le faapotopotoga. Tala o le tupe. Fai atu ni fautuaga i le auala e tali atu ai ma le tomai i feofoofoaʻiga i aso mālōlō. Afai o iai i le faapotopotoga ni kopi o le tusi Tagata Silisili po o le Great Teacher, ia faailoa mai le auala e mafai ona faaaogā lelei ai na tusi i le faiva i le taimi o aso mālōlō o le Kirisimasi.
15 minu: “Le Aʻoga o le Faiva Faatiokarate mo le 2000.” O se lauga e faia e le ovasia o le Aʻoga o le Faiva Faatiokarate. Autalu suiga ia o loo mulimuli mai i le faasologa mo le tausaga fou. O le Lauga Nu. 3 o le a faavae i Mataupu o le Tusi Paia mo Talanoaga. O le Lauga Nu. 4 o le a faaauau pea ona faaaofia ai tagata o le Tusi Paia mai le tusi o le Insight on the Scriptures, ma o lauga i masina faaiʻu e tolu o le tausaga, o le a faavae mai i le Mataupu o le Tusi Paia mo Talanoaga. Afai e aliaʻi atu ai le faailoga lenei (#) i tafatafa o lenei tofiga, o lona uiga ua sili ona talafeagai pe a faia e se uso lenei lauga. Faalaeiʻau tagata uma ina ia tausisi pea i a latou faasologa o le faitau Tusi Paia faalevaiaso ma ia filigā i le faataunuuina o tofiga i le aʻoga.
20 minu: “Ofo Atu i Tatou ma le Loto Malie mo Galuega Lelei Uma.” E talanoaina i fesili ma tali palakalafa 10-15. Ia taʻu mai ni manaʻoga o loo iai mo le faapotopotoga, ma taʻua ni auala e mafai ai e tagata uma ona saunia se fesoasoani.
Pese 26 (212) ma le tatalo faaiʻu.
Vaiaso e Amata ia Tesema 20
Pese 6 (45)
10 minu: Faasilasilaga a le faapotopotoga. Ia toe autalu faasilasilaga na o loo faamanatu atu ai i uso ina ia lipoti mai la latou auaunaga i le fanua mo Tesema. Ia tuu atu i ni tagata talaʻi e faamatala mai ni mea lelei na tutupu na latou olioli ai talu ai nei i le faiva i le fanua.
15 minu: Le Auala e Tali Atu ai i Manatu e Ono Taofia ai Talanoaga. Talanoa ma le aofia ma fai ni faataʻitaʻiga. Faitau “Faamatalaga” i le itulau 7-8 o le tamaʻitusi, Amata ma Faaauau Talanoaga. Fili mai ni “manatu e ono taofia ai le talanoaga” se lua pe tolu mai le itulau 8-12, pe faaaogā nisi o faamatalaga na e masani ona tou fetaiaʻi i la outou oganuu. Autalu nisi o tali atu ua fautuaina, ma iloilo le pogai atonu o le a aogā ai i lau oganuu. Ia fai ni faataʻitaʻiga pupuu o nisi o na manatu. Valaaulia le aofia e faamatala mai ni tali na latou faaaogāina na maua ai ni iʻuga lelei.
20 minu: Pe Tatau Ona Ou Talia se Galuega o Aafia ai se Faalapotopotoga Faalotu? Lauga a se toeaina, e faavae i Le Olomatamata o Aperila 15, 1999, itulau 28-30. Ua talia e nisi tagata na galuega ma iloaina ai mulimuli ane e faapea, o mea na latou faia sa lē ōgatusa ma mataupu silisili o le Tusi Paia. Autalu fesili na e manaʻomia ona tatou manatunatu i ai pe afai ua filifili e faia se galuega totogi e iai ni fesootaʻiga faalotu. Faalaeiʻau tagata uma ina ia tausisia se auala o le a tatou faamautinoa ai se tulaga lelei i le silafaga a Ieova.—2 Kori. 6:3, 4, 14-18.
Pese 2 (15) ma le tatalo faaiʻu.
Vaiaso e Amata ia Tesema 27
Pese 29 (222)
8 minu: Faasilasilaga a le faapotopotoga. Afai o le a suia taimi o sauniga a la outou faapotopotoga i le tausaga fou, ia faalaeiʻau atu ma le agalelei i le uunaʻia o tagata uma ina ia tumau pea ona auai e lē aunoa i sauniga i na suiga fou o le taimi. Ia faailoa atu i tagata suʻesuʻe o le Tusi Paia ma isi tagata fiafia e faatatau i ni suiga, ma amata ona faaaogā tamaʻi pepa o loo faailoa atu ai le faasologa fou. Faamanatu i tagata uma ina ia tuuina mai a latou lipoti mo le auaunaga i le fanua ia Tesema.
17 minu: “Pe Tatou te Leʻi Faalogo Muamua ea i Lena Mea?” Lauga ma se talanoaga ma le aofia. Valaaulia le aofia ina ia faamatala mai le auala ua fesoasoani ai ia i latou le toe faamanatu mai o mea e malamalama ai ma talisapaia atoatoa le upu moni.—Tagaʻi i Le Olomatamata o Iulai 15, 1995, itulau 21-22, ma le lomiga o Aokuso 15, 1993, itulau 13-14, palakalafa 10-12.
10 minu: Manaʻoga o le faapotopotoga.
10 minu: Ofoina o Laʻu Tusi o Tala o Le Tusi Paia ia Ianuari. Lauga ma ni faataʻitaʻiga. Ia faamatala le pogai o loo aogā ai pea lenei lomiga mo le faatupuina o le naunau fiafia i le Tusi Paia, e lē gata mo i latou o ē iai fanau laiti, ae oo lava foʻi i ē matutua. Ia faamatilatila manatu e ono talanoa i ai ma āta e mafai ona faaaogā lelei i le amataina o ni talanoaga. Faataʻitaʻi mai se taulimaga se tasi pe lua. A faaalia le fiafia, e mafai ona faaaogā le polosiua Manaomia e amata ai se suʻesuʻega.
Pese 28 (224) ma le tatalo faaiʻu.
Vaiaso e Amata ia Ianuari 3
Pese 20 (93)
8 minu: Faasilasilaga a le faapotopotoga.
17 minu: Ia Iloa Ona Avatu se Tali. (Kolo. 4:6) Lauga ma se talanoaga ma le aofia. O le tusi Reasoning o se fesoasoani mataʻina i le faaavanoaina o le auala e tufa atu ai upu moni o le Tusi Paia i isi. Pe afai e tetee mai se tagata e ona le fale i se tasi o o tatou talitonuga, atonu e mafai ona tatou faaaogā le vala lea, “A Faapea Mai se Tasi—” i le faaiʻuga o le vaega lea e feagai ma lena talitonuga. Talanoa i faamatalaga e uiga i le Tusi Paia na o loo faamauina i le itulau e 64-68, ma talanoa i le māfuaaga atonu ua faamaonia ai le aogā o tali ua fautuaina mai.
20 minu: “O le ā o le a E Fai Atu ai i se Tagata e Lē Talitonu e Iai se Atua?” Fesili ma tali. Autalu māfuaaga eseese ua lē faatuatua ai le toʻatele i le Atua. Ia fautua atu i ni auala tatou te ono faafeiloaʻia ai i latou, ma fesoasoani ia i latou ina ia malamalama i le māfuaaga autū e tāua ai ona iloa lelei o loo soifua le Atua. Ia fai se faataʻitaʻiga puupuu se tasi pe lua. Mo nisi faamatalaga, tagaʻi i le tusi Reasoning, itulau 145-151, ma le tusi, Mankind’s Search for God, mataupu 14.
Pese 4 (43) ma le tatalo faaiʻu.