Auala e Maua ai Aogā Mai i Faatasiga mo le Talaʻiga

I le pei o sauniga, o faatasiga mo talaʻiga o se sauniuniga mai iā Ieova, ina ia faatupu ai le alofa o le tasi i le isi ma galuega lelei. (Epe 10:24, 25) E tatau ona 5 i le 7 minute le umi, e aofia ai le faia o fuafuaga mo le ʻautalaʻi, tofia o le oganuu ma le tatalo. (Pe afai o le faatasiga mo le talaʻiga e faia pe a māeʻa le sauniga, e tatau la ona puupuu atu.) E tatau ona saunia e le taʻimua ni manatu aogā mo le ʻautalaʻi mo lenā aso. Mo se faataʻitaʻiga, o aso Toonaʻi e auai ai le to’atele o tagata e lē talaʻi i aso o le vaiaso. Atonu la e lelei pe a talanoa i se taulimaga e mafai ona faaaogā i le talaʻiga. O ā nisi o mataupu e maua ai aogā e ono talanoa ai?

• Se taulimaga faataʻitaʻi mai La Tatou Faiva ma le Olaga Faa-Kerisiano—Polokalame mo le Sauniga

• Le auala e amata ai se talanoaga i se mea na tupu po o se tala fou

• Le auala e taulima ai se teteega masani

• Le auala e tali atu ai i se tasi e lē talitonu i le Atua, se tasi e talitonu i le evolusione, se tagata e tautala i se isi gagana, po o se tagata e auai i se lotu po o se faalapotopotoga e lē taatele i lou vaipanoa

• Le auala e faaaogā ai le tatou tuatusi o le jw.org, le polokalame o le JW Library^® po o le Tusi Paia

• Le auala e faaaogā ai se meafaigaluega mai a tatou Meafaigaluega mo le Aʻoaʻo Atu

• Le auala e faia ai sou sao i isi vala o le talaʻiga e pei o le talaʻi i le telefoni, tusia o tusi, talaʻiga i nofoaga faitele, faia o toe asiga po o se suʻesuʻega faale-Tusi Paia

• Faamanatu e faatatau i le saogalemu, fetuutuunaʻi, amio lelei, le iai o se vaaiga saʻo po o se isi mataupu

• Se lesona po o se vitiō mai i le polosiua Ia Faaleleia Atili Lau Faitau ma le Aʻoaʻo Atu

• Le auala e faalaeiau ma fesoasoani ai i lau paga

• Se mau e fesootaʻi i le talaʻiga po o se tala faalaeiau i se mea na tupu i le talaʻiga