DILONGIESHA 25
Efile Mukulu e na mpango kinyi buetu?
Bible etulungula’shi bantu ‘be na mafuku apela pa nsenga kadi na nkalakashi i bungi’. (Yoobo 14:1) Bino nyi abikumina Efile Mukulu buetu binyibinyi su? Su ta bi biabia, Efile Mukulu e na mpango kinyi buetu? A keilombasha su? Tubande kutala ngalulo ya mu Bible aitunyingisha.
1. Yehowa akumina’shi tuikale na nshalelo e naminyi?
Yehowa akumina’shi tuikale na nshalelo e buwa. Pabapangile Adame na Eeva bantu ba kumpala, badi muibatule mu mpaladiso e buwa mu efuba dia Edene. Akupu “Efile Mukulu bebelele mwabi’shi: ‘Etandenei, nufwime pa nsenga poso, nwikale bu banfumu bayo.’” (Kibangilo 1:28, EEM) Yehowa baadi akumina buashi batande bana, bekashe nsenga yoso ishima bu mpaladiso, na balame nyema. Mpango yaye ibadi yashi bantu bekale na mbidi ipuidikie na bekale na muwa wa loso.
Sunga biekala’shi mianda ntangikitshikie biabia,a mpango y’Efile Muku ntangishintulukie nya. (Yeeshaya 46:10, 11) Akumina’shi bantu basha kukokiela, bekale na muwa wa loso mu nshalelo e buwa.—Badika Kibafumbwilwe 21:3, 4.
2. Mbikunyi biatudia kuikala na mulo kubanga binobino?
Yehowa baadi muitupangie na “lukalo lwa mu kikudi” lua kumuiuka na kumulanguila. (Badika Mateo 5:3-6.) Akumina’shi tuikale ba kuku baye, ‘tulonde mashinda aaye ooso pa kumufula,’ na kumufubila ‘n’eshimba dietu dyoso.’ (Miiya Ikituulwe 10:12; Misambo 25:14) Patukitshi biabia, tuibalombene kuikala na mulo Osunga tuekala na nkalakashi mu nshalelo etu. Kulanguila Yehowa, akuitupa nshalelo e buwa, muanda tukuete kukita biakumiina.
TUKIMBUULE BOSO
Tutale bibadi Yehowa muituleshe kifulo kikata paye kuitulumbuluila nsenga, na bi Eyi diaye aditulongiesha pabitale kepatshila ka muwa.
3. Yehowa akumina’shi bantu bekale na nshalelo a mulo
Tala VIDEO, akupu nuisambile luno lukonko alulondo.
Buakinyi Yehowa bapangile nsenga?
Badika Mulungudi 3:11, akupu nuisambile luno lukonko alulondo:
Bino abikulongiesha kinyi pabitale Yehowa?
4. Mpango ya Yehowa tangishintulukie nya
Badika Misambo 37:11, 29 na Yeeshaya 55:11, akupu nuisambile luno lukonko alulondo:
Atuku naminyi’shi mpango ya Yehowa buetu tangishintulukie?
Nshibo iluile mbalombene kuiyilumbula. Mu mushindo umune, nsenga yabadi baluishe kui bantu, Efile Mukulu akeilumbula bua baba bamufule
5. Kulanguila Yehowa akuitupa muloo
Kuka kepatshila ka muwa akuituikasha na mulo. Tala VIDEO, akupu nuisambile ino nkonko ailondo.
Miabi kinyi ibapetele Terumi pabalongiele pabitale kepatshila ka muwa?
Badika Mulungudi 12:13, akupu nuisambile luno lukonko alulondo:
Bu bikale’shi Yehowa muitukitshine mianda i bungi, nkinyi kiatudi balombene kumukitshina?
SU MUNTU AKUIPUSHA’SHI: “Muwa wi na kepatshila kinyi?”
We kumualula naminyi?
MU KIKOSO
Yehowa akumina’shi tuikale na nshalelo a muloo bua loso pano pa nsenga. Patumulanguila n’eshimba dietu dioso, nshalelo etu ekala a muloo kubanga binobino.
Kuambula
Ku kibangilo Yehowa badi na mpango kinyi bua Adame ba Eeva?
Atuku naminyi’shi mpango ya Yehowa bua bantu ntangishintulukie?
Mbikunyi biodi mulombene kuikala na nshalelo a mulo?
TALUULA DINGI
Tala mianda ailesha’shi efuba dia Edene dibadi kuanka.
“Efuba dia Edene dibadi kuanka su mpuandikisho?” (Kitenta kia Mulami, 1/1/2011)
Tala buakinyi atushinkamisha’shi nsenga aikekala kuanka bua loso.
Tala abiakula Bible pabitale biodia kupeta nshalelo a mulo.
Tala ungi muntu baadi amono’shi e na bintu bioso, anka badi mufikie mu kuuka shi kui kintu kimune kiadi mukutue.
a Mu dilongiesha adilondo, okalongo buakinyi tui na nshalelo a makienga lelo uno.