Abi firi gi sma

San Yesus du

FELEM: Yesus ben sari na ipi sma

1. Luku a FELEM, noso leisi Markus 6:30-34. Baka dati luku den aksi disi:

1. Fu san ede Yesus nanga den apostel fu en ben wani go na wan presi „pe den wawan ben kan de”?

2. San meki taki Yesus ben wani gi leri na a ipi sma?

San wi kan leri fu Yesus?

2. Te wi abi firi gi sma, dan wi no o poti prakseri nomo na a boskopu di wi e tyari, ma wi o broko wi ede nanga sma tu.

Du leki Yesus

3. Arki bun. Gi a sma okasi fu ferteri fa a e firi. No koti en mofo. No du leki a fasi fa a e firi noso den sani di a e taki no prenspari, èn no tapu a takmakandra te a e denki tra fasi fu wan sani. Te yu e arki bun, dan yu e sori taki yu e broko yu ede nanga san a sma e denki.

4. Tan denki a sma. Baka te yu ben abi wan takmakandra nanga a sma, dan aksi yusrefi:

1. ’Fu san ede a sma musu kon sabi a bun nyunsu?’

2. ’Fa wan Bijbelstudie o yepi en fu kon abi wan moro bun libi now èn na ini a ten di e kon?’

5. Taki fu sani di kan yepi a sma. No wakti tumsi langa fu sori a sma fa wan Bijbelstudie kan piki den aksi di a abi èn fa a kan yepi en na ini en libi.