Na kroetoe foe Gado tegen den falsi profeti foe na kristenheid
1, 2. (a) Na fesi foe sortoe tesi wi e tanapoe te profétitori e taki foe sani di sa kon sondro dati wan boen fundamenti de foe disi? (b) San de na moro prenspari afersi di moe loesoe now, en nanga san disi ben kon de actueel now?
A NO de foe taki, dati wi alamala e feni hen wan switi sani foe jere profétitori ofoe sani di taki na fesi en di e verteri wi dati heri esi, ini na ten foe wi libi, boen sani de foe kon. Disi e poti wi gi wan bigi tesi. Kande wi sa teki wan sani di taki na fesi leki wan troe sani, foedi wi de feni disi wan switi sani, ma no foedi wan boen fundamenti ofoe wan boen fonten de foe disi. Disi ben sa kan meki, dati wi ben sa teki wan fasi foe libi di te foe kaba ben sa de ogri gi wi. Disi de spesroetoe so, efoe na ten di e kon foe tégo libi de ini na tori. We, disi de NOW so! Foe sainde now?
2 Na reden de, dati na heri libisoema famiri tanapoe now ai ini ai nanga na moro prenspari afersi di moe loesoe. Na afersi dati de: Soema sa rigeri na grontapoe? Dati na aksi disi kon de actueel no de kon foe na stré di no e kaba foe den kapitalistische naatsi — nanga den fri onderneming foe den nanga den socialistische, communistische naatsi. San Jehovah kristen kotoigi ben meki bekenti foe hen kownoekondre ini anoe foe Kristus, de moro foeroe na factor di de frantwortoe foe disi. Na kownoekondre dati e verdini hen foe rigeri sensi den „ten foe den heiden” ini 1914 ben kon na wan kaba.
3. (a) Tapoe na tori foe sortoe afersi den soema ben moe teki wan standpunt? (b) Foe sainde den heiden naatsi moe gi den soevereiniteit abra na Jehovah?
3 Den soema di ben jere na kownoekondre-préki ini so wan hondro négi-tenti tongo tapoe na heri grontapoe, ben de verplegti foe teki wan standpunt. Den de ini na ten disi na a sé foe Jehovah reti rigeri-makti ini anoe foe Kristus ofoe den no de na a sé dati? Na grontapoe disi, pe wi e libi, de na goedoe foe na Mekiman foe hen, no foe wi di de mekisani. Leki fa na teri ini na boekoe foe na Mekiman, na bijbel, e sori, dan na ten di ben gi na den grontapoe naatsi, ooktoe den naatsi foe na kristenheid foe rigeri tapoe grontapoe, ben kon na wan kaba ini na froekoe dréten foe 1914. San a ben doe na a kaba foe den „ten foe den heiden” foe meki den si dati a kon na wan kaba? A ben teki hen bigi makti foe tiri leki kownoe en hen hemel manpikin Jezus Kristus, ben teki presi ini hen grontapoe-rigeri ini hemel (Openb. 11:15-18). Soboen, hen Manpikin e tiri now (Ezech. 21:25-27). Now na ten doro foe den heiden naatsi gi na soevereiniteit foe den abra na Jehovah.
4, 5. (a) Sortoe frede ben de ini na ten dati ini 614 bifo G.T. gi na Midden-Oosten? (b) San ben pasa tegen na ten dati nanga na santa wrokosani foe na tempel foe Jeruzalem, en fa wawan na profétitori foe Hananja ben kan kon troe foe den wrokosani?
4 Ini na ten dati ini 614 bifo wi gewoon teri, joe ben abi ini na kownoekondre Juda wan srefi situatie. Wan bigi gevaar ben de foe kon tapoe na grontapoe. Foe Pe? Foe nordsé, ofoe, soleki Gado ben taki, foe den „famiri foe nordsé”. Disi ben wani taki na grontapoe-makti foe Babylon, di ben sa fadon go ini na Midden-Oosten foe na pasi foe Nordsé (Jer. 1:13-15; 25:9, 26). Na midden-Oosten ben de kaba ondro na rigerimakti foe kownoe Nebukadnezar foe Babylon. Disi ben de spesroetoe so sensi 620 bifo G.T., di kownoe Jojakim foe Jeruzalem ben poti ondro Babylon. Hen brada Zedekía ben de na laatste kownoe foe na santa foto ondro Babylon. Nebukadnezar ben poti hen tapoe na troon, baka di nanga tranga a meki a sweri dati a sa de getrouw na hen. Di Nebukadnezar ben gwe libi Jeruzalem foe go na oso, a ben teki na kownoe Jojachin nanga den djoe granman di a ben poeroe en a ben meki den tron katiboman. A ben teki ooktoe santa wrokosani foe na tempel foe Jehovah en poti disi ini Babylon ini oso foe falsi gado. O langa den santa wrokosani disi nanga tra goedoe foe Jeruzalem di den ben foefoeroe gwe ben sa tan ini Babylon? Foe na aksi disi den soema ben taki foeroe ini na di foe fo jari foe na rigeri foe Zedekía.
5 Wan falsi proféti, di ben nen Hananja, na manpikin foe Azzur, ben doe leki a ben taki ini na nen foe Jehovah, en a ben kari specifiek „toe heri jari”. Dati ben sa de so wawan, efoe den ben wini Babylon ini na ten dati en Egypte ben tron baka wan grontapoe-makti. Nanga san a ben taki na fesi, Hananja ben teki na sé foe den soema di ben wani internationaal oproeroe tegen Nebukadnezar. Soboen, disi ben de tegen na komando en rai foe Jehovah soleki disi ben meki bekenti kaba nanga mofo foe Jeremia.
6. Fa na profétitori foe Hananja ben de tra fasi, leki fa Jeremia 28:8, 9 foe di foe den proféti bifo Jeremia srefi?
6 Foedi Hananja ben meki falsi verwakti ben kon gi na kondre Juda, Jeremia ben teki na bosroiti foe meki ala priester nanga na pipel ini na tempel jere hen wortoe tapoe disi di a ben taki: „Foe den proféti di ben de granwe bifo mi en bifo oenoe, den toe ben abi na gwenti foe taki profétitori foe foeroe kondre en foe bigi kownoekondre, foe oorlog en foe rampoe en foe pestsiki. Foe taki foe na proféti di e taki profétitori foe vréde, te na wortoe foe na proféti kon troe, dan sa kon na krin na proféti di Jehovah ben seni ini waarheid.” — Jer. 28:1-9.
7. San Jezus ben taki na fesi foe wi ten sensi 1914, en sortoe aksi foe soema di e taki waarheid kon now?
7 Na moro prenspari proféti foe Jehovah, Jezus Kristus, ben taki na fesi foe na ten foe wi sensi 1914 foe oorlog, angriten, pestsiki, aardbéfi nanga tra rampoe, di alamala sa konmakandra ini wan „bigi benawtoe” di no sa abi ini heri historia na fesi hen speri (Matt. 24:4-22). Ini disi ten Jehovah kotoigi e tjari kon na krin fa na profétitori foe Jezus tapoe progressief fasi ben kon troe sensi 1914. A no ben taki na fesi dati na grontapoe disi ben sa abi vréde di sa tan ini na ten di e kon, ini na geslacht disi. Foe datede, soema Jehovah ben seni en soema de den soema di e taki ini hen nen, den kerki fesiman foe na kristenheid, di e taki na fesi trafasi leki a sa de, ofoe den Jeremia-klasse ini disi ten? Den sani di sa pasa ini na ten di e kon sa sori soema ben taki na waarheid.
8. Fa Hananja ben bigin doe leki ini wan drama baka na piki foe Jeremia, en san a ben taki na fesi tapoe na tori foe ten?
8 Na falsi proféti Hananja ben moe abi vertrouw ini na succes foe na internationaal oproeroe tegen na „knegti” foe Jehovah, bikasi a ben bigin foe handri leki ini wan drama:
„A teki wan oedoe tjatjari foe na neki foe Jeremia en broko hen. En Hananja ben taki moro fara na fesi foe na heri pipel: ’Disi Jehovah ben taki: „Na so mi sa broko ini toe heri jari na tjatjari foe Nebukadnezar, na kownoe foe Babylon foe na neki foe ala naatsi.”’” — Jer. 28:10, 11.
9. San Jehovah ben komanderi Jeremia now foe taki foe oedoe tjatjari en foe sainde?
9 So wan profétitori soso foe di a ben taki ini na nen foe Jehovah ben sa kan kon troe? Nono! Jehovah no ben kan doe san Hananja ben taki na fesi en na a srefi ten meki kon troe na profétitori foe Jeremia di ben de precies tra fasi. Foe datede meki wan internationaal oproeroe tegen na „knegti” foe Jehovah ben moesoe fadon! „Go”, Jehovah taki bakaten gi Jeremia, „en joe moe taki gi Hananja: ’Disi Jehovah ben taki: „Oedoe tjatjari-tiki joe ben broko, en ini na presi foe dati joe moe meki isri tjatjari-tiki.” Bikasi disi Jehovah foe den fetiman, na Gado foe Israël ben taki: „Wan isri tjatjari mi wani poti tapoe na neki foe ala den naatsi disi, sodati den dini Nebukadnezar, na kownoe foe Babylon, en den moe dini hen. En srefi den wilde meti foe boesi mi wani gi hen”’” (Jer. 28:12-14). Soboen, no wan internationaal komplot di Hananja ben sa gi tranga, ben sa abi winimarki. Boiti dati, efoe Jehovah ben wani gi „srefi den wilde meti foe boesi” ini anoe foe Nebukadnezar, dan Jehovah ben sa moesoe gi den kondre foe den internationaal meki-mofo-man na hen.
NA KERKI FESIMAN DI BEN GI FAJA E KISI HEN PAIMAN
10. San na Jeremia-klasse kan doe tapoe na tori foe den kerki fesiman, di leki Hananja e ondersteun na internationaal meki-mofo tegen Jehovah?
10 Ini na ten disi den kerki fesiman foe na kristenheid, di e handri leki proféti, e ondersteun sondro foe kibri na internationaal meki-mofo tegen na kownoekondre foe Jehovah ini anoe foe Kristus. Jehovah Kotoigi no kisi na makti foe lési na dede-strafoe gi sortoe wan foe den ooktoe. Ma den kan teki wel den wortoe foe Jehovah di santa jeje meki skrifi en tjari disi kon tapoe den kerki falsi proféti, di Hananja de wan agersi fasi foe den leki klasse. Meki wi lési now soboen sortoe proféti-doe Jeremia ben go abra moro fara:
„En na proféti Jeremia ben taki moro fara gi na proféti Hananja: ’Arki grantangi, o Hananja’ Jehovah no ben seni joe, ma joesrefi ben meki na pipel disi ben vertrouw tapoe wan lé. Foe datede disi Jehovah ben taki: „Mi e seni joe gwe foe tapoe na grontapoe. Na jari disi joesrefi moe dede, bikasi na publiki joe ben taki foe oproeroe tegen Jehovah.”’” — Jer. 28:15, 16.
11. (a) O Langa Hananja ben libi ete? (b) Sortoe fowtoe den kerki fesiman ben meki ooktoe en tapoe san na Jeremia-klasse moe poti foe datede prakseri?
11 Hananja, na fesiman foe publiki oproeroe tegen Jehovah nanga wroko foe den internationaal meki-mofo-man, ben libi ete toe moen. Na so na proféti Hananja ben dede ini na jari dati (614 bifo G.T.), ini na di foe sébi moen (Jer. 28:17, 1). San wi kan taki foe na proféti drama disi foe owroeten, foe na disiten kerki falsi proféti foe na kristenheid? Den e ondersteun den politiek tiriman ini na wégri di den wégri foe boigi den neki ondro na tjatjari foe na Knegti foe Jehovah di abi kownoe fasi, en di de moro bigi leki Nebukadnezar foe owroeten. Den memre foe na Jeremia-klasse no kan moksi densrefi ini disi na den kerki fesiman. Den moe tan poti prakseri tapoe na rampoe pe den kerki fesiman e tjari den soema go.
12. Sortoe boskopoe foe Jehovah tapoe na tori foe den falsi proféti Achab nanga Zedekía en di ben de foe den djoe di ben de kaba ini katibo ini Babylon, Jeremia ben kisi?
12 Ini na langa ten di pasa kaba foe politiek oproeroe ini na Midden-Oosten, joe ben abi srefi na mindri den djoe di ben tjari go kaba ini Babylon, falsi proféti. Den proféti disi ini nen, di ben bow falsi verwakti ondro den djoe katiboman ini na kondre foe Nebukadnezar, Gado nanga jepi foe Jeremia ben seni na boskopoe disi:
„En foe taki foe oenoe, jere na wortoe foe Jehovah, ala oen katiboman di mi ben seni foe Jeruzalem go na Babylon. Disi Jehovah foe den fetiman, na Gado foe Israël taki, foe Achab, na manpikin foe Kolaja, en foe Zedekía, na manpikin foe Ma(. . .), di e verteri oenoe lé ini mi nen: ’Loekoe mi e gi den ini na anoe foe Nebukadnezar na kownoe foe Babylon, a moe naki den trowe na fesi oen ai. En foe den troe troe den sa teki poeroe wan vloekoe foe na sé foe na heri ipi katiboman foe Juda di de ini Babylon, sodati den soema sa taki: „Meki Jehovah meki joe leki Achab nanga Zedekía, di na kownoe foe Babylon ben losi ini faja” foedi den ben doe soso-sani ini Israël en e tan doe soetadoe nanga den oema foe den mati foe den en e go doro foe taki ini mi nen tapoe wan bidrigi fasi na wortoe, di mi no ben seni den foe taki. „En mi de na soema di sabi hen en mi de kotoigi”, so Jehovah e taki.’” — Jer. 29:20-23.
Jehovah „Knegti” Nebukadnezar ben abi boen politiek reden foe losi Zedekía nanga Achab ini na faja, bikasi kontrari na rai foe Jehovah den ben doe sani di ben de tegen den afersi foe na grontapoe-kownoekondre Babylon.
13. Den djoe katiboman ben kan verwakti wan biten verloesoe foe Babylon, en san na brifi foe Jeremia ben gi den komando foe doe foe datede?
13 Den wortoe disi ben de wan pisi foe na brifi di Jeremia ben seni komoto foe Jeruzalem go na den owroeman, den priester, den proféti nanga na pipel di ben de ini katibo ini na farawe Babylon en a ben gebroiki leki postbode Elasa, na manpikin foe Safan, nanga Gemarja, na manpikin foe Hilkia, di Kownoe Zedekia foe Jeruzalem ben seni go leki boskopoeman na kownoe Nebukadnezar ini Babylon (Jer. 29:1-3). Ini na brifi dati foe Jeremia, Jehovah e verteri den katiboman, dati den no moe verwakti wan biten verloesoe foe Babylon, ma dati den ben moe soekoe wan libipresi drape en den ben moe trow en kon foeroe. Na presi foe den prakseri foe meki oproeroe, den ben kisi foe jere: „Soekoe na vréde foe na foto pe Jehovah ben meki joe go ini katibo, en begi foe na boen foe hen, bikasi ini na vréde foe hen, vréde sa de foe oenoe . . . Bikasi disi Jehovah ben taki: ’Akroederi na kon troe foe sébi-tenti jari ini Babylon mi sa poti mi prakseri tapoe oenoe, en . . . mi wani hori mi boen wortoe gi oenoe en mi sa tjari oen kon baka na a presi disi.’” — Jer. 29:4-10.
14. Foe sortoe sani na Jeremia-klasse e gi dopoe kristen tranga winsi pe den de, soleki na proféti ini owroeten?
14 Akroederi nanga san Jeremia ben skrifi, na Jeremia-klasse e gi tranga ini disi ten na ala dopoe kotoigi foe Jehovah di gi densrefi abra foe de borgroe di lobi orde en di e soekoe vréde ini den kondre pe, te joe taki hen na jeje fasi, den de „vreemde soema nanga wakaman” (1 Petr. 2:11-15). Nanga a saka di den e saka den srefi na den „hé makti” sondro foe pasa Gado wet, den e hori ooktoe vréde nanga Gado. — Rom. 13:1-4.
15. San na falsi proféti Semaja di ben de ini Babylon ben doe, en sortoe kragi a ben tjari kon na fesi gi na „bigi opziener” foe na tempel foe Jeruzalem?
15 Bifo srefi na brifi foe Jeremia ben skrifi ete en ben seni gwe, wan falsi proféti di ben de ini na ten dati ini Babylon ini katibo, foe taki Semaja foe Nechelam, ben seni brifi go na Zefanja, na manpikin foe Maäseja, na bigi opziener foe na tempel foe Jeruzalem. Ini na brifi foe Jeremia gi den katiboman ini Babylon, Jehovah ben sori tapoe dati en ben go doro foe taki:
„En gi Semaja foe Nechelam joe moe taki: „Disi Jehovah, foe den fetiman, na Gado foe Israël ben taki: „Foedi joesrefi ini joe nen ben seni brifi go na a heri pipel di de ini Jeruzalem, en na Zefanja, na manpikin foe Maäseja, na priester, en na ala den priester, taki: ’Jehovah srefi ben poti joe leki priester na presi foe na priester Jojada, foe tron na bigi opziener foe na oso foe Jehovah gi ibri man di kon law na ede, en joe moe poti hen ini na blok en ini neki-boei; now dan, foe sainde joe no ben strafoe Jeremia foe Anathot, di e tjari hensrefi leki wan proféti na oen mindri? Bikasi foe datede a ben seni na boskopoe gi oenoe ini Babylon taki: „A de tan langa ete. Bow oso en libi na ini en meki froktoe djari en njan den froktoe foe hen.”’”’” — Jeremia 29:24-28; loekoe toe Jeremia 29:4-6.
16. San na „bigi opziener” foe na tempel ben doe nanga na brifi foe Semaja en santa jeje ben gi Jeremia krakti foe taki sortoe profetitori di abi foe doe nanga Semaja?
16 Di na priester Zefanja ben kisi na brifi foe Semaja, a no ben poti, leki na „bigi opziener” foe na tempel, Jeremia ini na blok en a no ben poti hen foe kisi sjen. A ben lési na brifi fosi gi Jeremia (Jer. 29:29). San now?
„Dan now a wortoe foe Jehovah kon na Jeremia, taki: ’Seni wan boskopoe go gi ala katiboman, taki: „Disi Jehovah ben taki foe Semaja foe Nechelam: ’Foedi Semaja ben taki profetitori gi oenoe, ma mi no ben seni hen, en a ben proeberi foe joe vertrouw tapoe wan lé, foe datede, disi Jehovah ben taki: „Loekoe mi e poti mi prakseri tapoe Semaja nanga hen bakapikin. A no sa abi no wan soema di e libi na mindri na pipel disi, en a no sa si na boen, di mi sa doe gi na pipel foe mi”, so Jehovah taki, „bikasi a ben préki publiki oproeroe tegen Jehovah.”’”’” — Jer. 29:30-32.
17. Foe sainde meki oproeroe nanga Babylon, di Semaja ben gi tranga foe doe, ben de ooktoe oproeroe nanga Jehovah?
17 Nanga san Semaja ben taki na fesi en ben skrifi, a ben gi tranga na kownoe Zedekía foe Jeruzalem foe meki oproeroe nanga jepi foe Farao foe Egypte, . . . di ben de wan stréman foe na grontapoe kownoekondre foe Babylon. Ma so wan oproeroe sa de nanga moro soema leki tegen Babylon. A ben sa de ooktoe nanga Jehovah, di ben gebroiki na kownoe foe Babylon na a ten dati leki hen „knegti”. Jehovah ben de soboen na hemel Masra foe na kownoe foe Babylon. Foe datede meki oproeroe nanga Babylon ini na fosi presi ben sa de oproeroe nanga Jehovah.
WAKTI TAPOE JEHOVAH INI KRISTEN NEUTRALITEIT
18. Fa Semaja ben proeberi foe waka na fesi foe Jehovah, nanga sortoe bakapisi gi ensrefi nanga hen bakatenpikin?
18 Semaja ini Babylon no ben wani wakti te leki Jehovah ben sa gi verloesoe na den djoe katiboman, di hensrefi ben de wan foe den. A no ben bribi ini na fositen profétitori foe Jesaja 44:28 te nanga 45:4 foe Koresj, ofoe Cyrus na Pers, di ben sa meki Babylon fadon en di ben sa meki den djoe katiboman ben drai go ini den égi kondre. Semaja ben wani soboen foe waka fesi Jehovah. A ben meki plan foe tjari redding kon gi hensrefi nanga hen kompe-katiboman tapoe hen égi fasi. A ben de fesiman foe wan fasi foe doe di ben sa abi leki bakapisi dati na kownoe foe Babylon ben sa poti wan „tjatjari foe isri” tapoe na neki foe na kownoekondre Juda di ben de ondro Babylon (Jer. 28:13, 14). Soboen na oproeroeman Semaja no ben sa ondrofeni verloesoe kwet-kweti. Den bakatenpikin foe hen ben sa koti poeroe en no ben sa teki prati ini na kon boen baka foe Israël!
19. Sortoe fasi foe doe na disiten eksempel foe Semaja ben teki sensi 1914?
19 Wi e doe boen now foe poti prakseri tapoe na rai di e gi ini na brifi foe Jeremia, soleki disi tanapoe ini Jeremia 29:8, 9. Dan wi no sa waka baka na disiten eksempel foe na soema di ben gi tranga foe meki oproeroe nanga Jehovah, Semaja foe Nechelam. Den kerki fesiman foe na kristenheid di no ben arki na den Jeremia-klasse sensi den „ten foe den heiden” ben kon na wan kaba ini 1914, ben sori now leki „figa di broko opo”, „di no de foe njan foedi den takroe”. Den kerki fesiman foe na kristenheid prakseri ben poti tapoe . . . na marki di Jezus Kristus ben taki na fesi, dati sensi 1914 ben kon troe, da foe taki, na „fet’owroe” foe oorlog — srefi tapoe na heri grontapoe — ooktoe wan „angriten” di e pori sani, „wan pestsiki” di joe no man foe wini en „na jagi gwe” foe groepoe soema di no abi jepi foe densrefi, srefi ini na kristenheid, di taki a de kristelijk (Jer. 29:16-19; Matt. 24:4-20). Tog den kerki fesiman e sori dati den no e bribi den betekenis di tjari kon na krin foe na „marki”, sodati den no ben gi den naatsi tranga foe gi den nationaal soevereiniteit abra na a „Knegti” foe Jehovah di abi kownoefasi en di e tiri now, Jezus Kristus, di sensi 1914 e tiri makandra nanga hen hemel Tata ini na „kownoekondre foe grontapoe”, wan sani di de moro bigi leki na Babylon kownoekondre foe Nebukadnezar. Den kerki fesiman e feni moro foeroe boen den plan di libisoema ben meki en den e ondersteun na Verenigde Naties na presi foe na tiri foe Gado.
20. Sortoe strafoe soema e kisi di meki oproeroe nanga rigerimakti, en fa wi sa kisi tégo redding foe datede?
20 Ini foeroe naatsi den e si oproeroe tegen na makti di de nanga reti leki wan ogrisani. Foe datede meki na onkristelijk oproeroe tegen Jehovah nanga hen Knegti di abi kownoefasi foe den sokari „kristelijk” kerki tiriman di e „préki publiki oproeroe tegen Jehovah” nanga reti moe kisi na strafoe foe pori (Jer. 29:32). Na pori foe den abi wan eksempel ini san ben miti na falsi proféti Semaja nanga hen bakatenpikin, di no ben si noiti na „boen”, di Jehovah ben sa go doe gi den ondrodaniki memre foe hen katibo pipel. Soboen, wi no kisi na wroko foe wroko nanga a redding foe wi nanga jepi foe sani di libisoema ben seti. Efoe wi wani kisi redding di e tan, dan wi moe wakti nanga pasensi en nanga vertrouw, te leki Jehovah sa gi wi fri . . . nanga jepi foe wan „Knegti” di de moro bigi leki Koresj, ofoe Cyrus, na Pers, foe taki Jezus Kristus.
21. Sortoe fasi foe doe, soleki Jehovah ben taki disi na fesi ini Jeremia 29:12-14 foe den ondrodaniki katiboman, wi moe waka now na hen baka?
21 Efoe wi ben sa proeberi foe waka na fesi foe Jehovah, dan wi no sa ondrofeni noiti na verloesoe di wi de angri sote. Na presi dati wi drai baka gi Jehovah en poti hen na wan sé, dan wi e doe boen foe waka baka den soema di ben si verloesoe nanga jepi foe Jehovah en di tapoe hen égi ten ben drai go baka ini den égi kondre foe den. Jehovah ben taki na fesi foe na fasi foe doe foe den di wi kan waka na den baka nanga den wortoe: „Oenoe sa kari mi troe troe, en kon en begi na mi, en mi sa arki na oenoe. En oenoe sa soekoe mi troe troe en feni mi, bikasi oen sa soekoe mi nanga oen heri ati. En mi sa meki oen feni mi.” — Jer. 29:12-14.
22. Akroederi nanga sortoe howpoe foe na ten di e kon wi moe handri now, now di wi de ete ini „na jari foe boen wani” foe Jehovah?
22 Wi e doro now na kaba foe „na jari foe boen wani foe na sé foe Jehovah” (Jes. 61:2). Foe datede meki den wortoe foe Jehovah, foe na boen foe wi, abi te now ete krakti tapoe wi: „Mi srefi sabi heri boen sortoe prakseri mi abi foe oenoe’, so Jehovah e taki, ’prakseri foe vréde, en no foe rampoe, foe gi oenoe wan ten di e kon nanga howpoe’” (Jer. 29:11). Na ten di e kon, di Jehovah pramisi wi foe gi wi en di wi sa kisi efoe wi sa saka wisrefi ondro hen universele soevereiniteit, de moro boen, da foe taki, tégo libi nanga vréde, tanboen nanga kolokoe nanga jepi foe hen Knegti di abi kownoefasi, Jezus Kristus. Disi de na howpoe di Jehovah e poti na wi fesi. Meki wi handri akroederi nanga hen nanga bigi waarderi.