Wi kan ’horidoro te na a kaba’
’A soema di ben horidoro te na a kaba, en sa kisi ferloesoe.’ — MATT. 24:13.
1. (a) San kan de gi wi leki aparti sma na „kaba” di Jezus e kari ini Matteus 24:13?
JEZUS KRISTUS ben taki ini na bigi profétitori foe en „de-noja” den wortoe di e kon now èn di e gi howpoe: „Na soema di ben horidoro te na a kaba, en sa kisi ferloesoe (Matt. 24:3, 13). Gi wi leki aparti sma, na „kaba” di kari dja kan de ofoe „a besroiti foe na seti foe sani” noso a dede foe wi, kande baka wan langa, moeiliki tesi. Ma foe kisi ferloesoe te foe kaba, dan getrow horidoro de toemsi prenspari. — 1 Petr. 1:8, 9.
2, 3. (a) Foe san-ede wi kan abi na fertrow taki wi kan kisi ferloesoe, aladi wi de onvolmaakti? (b) San wi sa loekoe now?
2 Jezus ben gi wan volmaakti eksempre foe horidoro (Hebr. 12:1-3). Ma leki onvolmaakti libisma wi kan de getrow na Gado awinsi skinati nanga hebi ferfolgoe kon „foe na regtvaardikifasi ede” (Matt. 5:10). Ija, nanga jepi foe Jehovah no ferdini boenfasi, wi kan kisi ferloesoe èn tégo libi tapoe na fundamenti foe na ferloesoe ofrandi foe en lobi Manpikin Jezus Kristus. — Joh. 3:16; 1 Joh. 2:1, 2.
3 Aladi na apostel Paulus ben de wan onvolmaakti libisma, tokoe a ben gi wi wan toemsi moi eksempre di e tjari ferloesoe kon. Te wi e go loekoe wan pisi foe en verdediging di skrifi ini 2 Korinte 11:23-27, dan wi ben leri taki tapoe na kontren foe tranga wroko nanga skinati a ben de „na wan fasi di e kon moro na fesi” wan ’dinari foe Kristus’ leki den „superfini apostel” di ben de ini Korinte. Soleki wi sa si, a ben de leki „Kristus dinari” moro leki den sosrefi ini reis, gefaar èn difrenti moeilekheid.
Gefaarliki reis foe meki na boen njoensoe kon na fesi
4. Na sortoe reis na apostel Paulus e sori di a ben taki dati a ben de „foeroe tron tapoe reis”?
4 Nofotron tapoe reis: Paulus ben reis foeroetron foe meki na boen njoensoe bekenti sodati a ben psa den gensman ini Korinte ini na fasi disi (vers 23, 26) A no de foe taki, dati a ben kon tanapoe na fesi gevaar di ben de normaal foe sma di e reis ini na Romein grontapoe. Ma en reis ben tjari en go abra boen fara presi èn den ben e weri joe srefsrefi. A ben fisiti difrenti foto, soleki Antiochia ini Pisisia, Ikonium, Lystra, Derbe, Filipi, Thessaloníka, Beréa, Athene èn Korinte. — Tori. 13:14-14:26; 16:11-18:17.
5. Sortoe sani ben meki Paulus reis de wan sani pe joe ben moe span joesrefi toemsi èn di ben de gefaarlek, èn fa a ben kan hori doro na ondro den sortoe reis disi pe joe ben moe span joesrefi?
5 Den reis foe na apostel ben de reis pe a ben span ensrefi moro srefi èn di ben de moro gefaarleki, foe di ’a ben de wan sani foe ogri-ati foe na nen foe Kristus ede’ (Matt. 10:22). Ma ete Gado ben gi Paulus a krakti nanga dek’ati di a ben abi fanowdoe gi en reis di ben weri en skin (Jes. 40:28-31). Leki wan bedinari foe na evangelie di e wroko tranga a apostel ben gi séker wan toemsi boen eksempre na disiten kotoigi foe Jehovah tapoe na kontren foe na meki go na fesi foe den Kownoekondre afersi. — Matt. 6:33.
Horidoro getrow na ondro foeroe gefaar
6. Na sortoe „gefaar foe liba” na apostel ben kan sori?
6 Ini gefaar foe liba: Foedi pikinso broki ben de nomo, meki a ben moe de so taki Paulus libi nofotron ben de ini gefaar te a ben waka psa ini den liba di ben sweri pasa den watrasé. Ini en fosi zendingsreis a ben waka go èn waka kon foe eksempre psa Pisidia pe bergi liba di ben lon esi ben de wan bigi gefaar (Tori. 13:13, 14; 14:21, 24). Wi leki Jehovah Kotoigi, spesroetoe zendeling nanga tra bedinari ini farewe presi, kan kisi foeroe dek’ati foe na horidoro foe Paulus na ondro den sortoe omstandigheden disi.
7. (a) Nanga sortoe „gefaar foe foefoeroeman” Paulus ben abi foe doe? (b) Fa kotoigi ini disi ten kan hori doro ondro den srefi sortoe gefaar disi?
7 Ini gefaar foe foefoeroeman: Na agersitori foe Jezus foe na Samaritaansma di ben sori dati a ben de wan boen naaste e sori dati wan fosi jarhondro sma di ben reis „ben kan fadon ini na anoe foe foefoeroeman di kande ben sa poeroe en krosi na en skin, ben sa naki en èn ben sa libi en na baka hafoe dede” (Luk. 10:25-27). Ini foeroe kontren pe Paulus ben reis pasa, abani ini algemeen ben de a den presi dati. Di Paulus nanga Barnabas foe eksempre ben waka foe Perge ini noordsé foe Antiochia ini Pisidia, den ben hari psa ini wan kontren foe bergi pe a ben monjo foe abani (Tori. 13:13, 14). Den sortoe gefaarleki kiriman disi ben fadon kon tapoe sma ini farawe gebied komoto foe baka wan boesboesi ofoe wan trasani èn den no ben draidrai foe gebroiki tranga. Kande Paulus srefi ben abi foe doe nanga foefoeroeman. Disiten kotoigi foe Jehovah kan kon tanapoe na fesi den srefi sortoe gefaar disi èn den moe proeberi foe loekoe boen. Ma neleki na apostel den kan hori doro getrow, ala di den no e gi pasi na frede, ma e poti ala den fertrow tapoe na kibri foe Jehovah. — Teki gersi Psalm 56:4.
8. Foe san-ede mede-djoe ben abi ogri-ati foe Paulus èn den ben wani kiri en srefi?
8 Ini gefaar foe mi égi ras: Paulus ben préki foe a Messias di ben anga na wan paal èn di ben opobaka na dede, èn di en égi kondreman ini algemeen ben trowe (1 Kor. 1:22-24; 2:2). Boiti dati, a ben leri dati wan sma no ben sa kon regtvaardiki nanga jepi foe wroko noso na wet foe Mozes, ma nanga jepi foe bribi ini Jezus Kristus (Rom. 3:20; 5:18-21; 6:14). Foe dat’ede den mede-djoe ben si Paulus leki wan sma di fadon komoto na bribi, den ben abi ogri-ati foe en, den ben naki en, den ben wani kiri en srefi (Tori 9:23-25). Den sma foe en égi ras ben gersi taki den ben kon broeja toe foe di a ben meki son heidensma drai teki na kristendom, di den djoe ben proeberi foe meki tron proseliet foe den égi bribi. — Matt. 23:15; Tori. 17:1-10.
9. Sortoe „gefaar foe den naatsi” na apostel ben ondrofeni, ma den sortoe gefaar disi ben tapoe en mofo?
9 Ini gefaar foe den naatsi: Paulus sosrefi toe ben kisi ferfolgoe foe heidensma, ofoe sma foe den naatsi (Tori. 19:11-41). Sontron den djoe féantiman ben gi den heidensma faja foe opo doe ogri sani nanga na apostel (Tori 14:1-7, 19, 20). Den sortoe gefaar disi foe na sé foe den djoe nanga heidensma no ben tapoe noiti na mofo foe na kownoekondre barwrokoman dati di no ben frede. Tapoe wan srefi fasi kristen kotoigi foe Jehovah e préki sondro frede na mindri sma foe den égi ras nanga gi trawan. — Tori 17:30, teki gersi Psalm 59:1-4.
10. Fa Paulus ben kon „ini na foto” ini gefaar?
10 Ini gefaar ini na foto: Ini foto soleki Damaskus, Jeruzalem, Lystra nanga Efese Paulus ben kisi ferfolgoe tapoe wan ofoe tra fasi (Tori. 9:23-30; 14:19; 19:29-31), Den heiden gensman na Filipi ben taki dati Paulus nanga Silas ben „tjari den foto ini sekiseki”. Leki wan bakapisi foe dati, den evangelieprékiman dati ben fadon ini na anoe foe wan oproeroe foe na sé foe den gewoon sma, den ben kisi fonfon èn den ben poti den ini strafoe-oso (Tori. 16:16-24). Ma disi no ben meki den kownoekondre barwrokoman disi stop nanga den wroko neleki den sortoe ogridoe disi no e tapoe a mofo foe Jehovah kotoigi ini disi ten.
11. San ben de den „gefaar ini na gran sabana” kande?
11 Ini gefaar ini den gran sabana: Na apostel no ben skotoe en wroko te soso pe sma ben libi foeroe èn na druk pasi. Ini a ten di a ben reis a ben kon sosrefi toe ini kontren pe sma no ben libi, srefi ini „sabana” (Today’s English Version). Dati a ben kan psa, dati a ben sa kisi angri èn dede, ben kan kon ini noodweer, ben sa kan lasi pasi, dati wildermeti ben kan loeroe en èn dati foe wan bakaboesi ofoe wan tra presi abani ben kan kon feti nanga en, ben de wan potentieel gefaar pe Paulus nanga dek’ati ben moe kaka foetoe gi.
12. Sortoe „gefaar tapoe se” Paulusben ondrofeni èn den disi ben stop en foe doe en diniwroko?
12 Ini gefaar tapoe se: Te wroko ben de foe panja na boen njoensoe ofoe foe jepi mede-bribiman èn a ben de fanowdoe foe go na taoe „opo se” (TEV), dan gefaar ben de foe hebi winti, sosrefi toe taki wan sipi ben sa kan soengoe. Ma Paulus no ben meki den sortoe gefaar disi poeroe en foe doe en diniwroko neleki foeroe kotoigi ini disi ten e hori-doro na ondro den sortoe gefaar disi.
„Falsi brada” ben tjari en kon ini gefaar
13, 14. (a) Soema ben de den „falsi brada”? (b) Foe san-ede den „falsi brada” ben de spesroetoe gefaarlek? (c) Fa Jehovah kotoigi ben kisi tranga na jeje fasi foe kibri densrefi gi „falsi brada” di ben sa kan boro kon ini na gemeente?
13 Ini gefaar na mindri falsi brada: A moro gefaarlek sani ben de bidrigi, „falsi brada” ofoe „ini nen-brada” (The Kingdom Interlinear Translation of the Greek Scriptures). Sondro degedege den ben de wan bigi tesi gi Paulus. Den sortoe sma disi den de na mindri kristen bakaman sensi na ten foe na verraderlek Judas Iskariot. Ini Paulus ten kande sosrefi toe den „superfini apostel” foe Korinte ben de na mindri den „falsi brada” disi. Den ben de spestoetoe gefaarlek foe di tapoe wan verraderlek fasi den ben doe leki mati aladi den ben de foe troe deloyaal toriman. Den sortoe man disi ben proeberi foe feni na wan ofoe tra fowtoe na Paulus. — 2 Kor. 11:5, 12-14; teki gersi Dan. 6:4, 5.
14 Na mindri den „ini nen-brada” wi abi den sma di ben de actief ini „den gemeente foe Galasia”. Ma noiti Paulus ben broko kindi gi den sortoe man disi, „sodati na waarheid foe na boen njoendoe ben sa tan na [en mede-bribiman]” (Gal. 1:1, 2; 2:4, 5; teki gersi Judas 3, 4). Neleki fa Jehovah ben jepi Paulus, a so a de tranga en disiten kotoigi na jejefasi, sodati „a waarheid foe na boen njoensoe” tan na den. Ini boekoe soleki den brifi di nanga santa jeje skrifi gi den bribiwan ini Korinte nanga Galasia wi e feni jeje jepi di de fanowdoe foe kibri joesrefi gi „falsi brada” di ben sa boro kon ini den gemeente.
Horidoro na ondro moeilekheid ini „santa dienst”
15. Tapoe san Paulus ben sori di a ben taki dati „tapoe fasi di e kon moro na fesi” a ben de wan dinari foe Kristus „ini wroko nanga tranga wroko”?
15 Ini wroko èn tranga wroko: Paulus e kari morofara moeilekheid di ben meki en tron wan „dinari foe Kristus” „tapoe wan fasi di e kon moro na fesi” leki en gensman (vers 23, 27). Nanga den wortoe „wroko èn tranga wroko” Paulus ben kan sori tapoe bepaalde extra weriskin fasi foe wroko nanga anoe di a ben doe foe a ben kan sorgoe ensrefi ini na diniwroko (Tori. 18:1-4; 1 Kor. 4:11, 12; 2 Thess. 3:7, 8). Ma ini ala sani san na apostel ben doe, Jehovah dienst ben de na a fosi presi. Paulus „wroko nanga tranga wroko” sondro degedege ben abi na ini a span di a ben span ensrefi èn weri-skin di ben kon foe dati leki wan bakapisi foe foeroe reis di ben aksi foeroe krakti foe en, a gi ensrefi na den elementi, pina nanga tra moeilekheid di a ben moe verdrage ini na „santa dienst” foe Jehovah. — Rom. 12:1.
16. San ben meki Paulus abi foeroe tron „neti sondro sribi”?
16 Foeroetron na neti sondro sribi: Foe di Paulus no ben wani de wan hebi na monisé gi den sma di a ben préki na boen njoensoe gi, meki a ben wroko „dé nanga neti” nanga en anoe, kande nofotron foe lasi wan boen neti rostoe (1 Thess. 1:9). Ala disi a no foe taki, ben abi temake nanga na wroko foe na apostel leki ’wan dinari foe Kristus’. Den „neti sondro sribi” no ben de na bakapisi foe broko-ede foe fa foe tan na libi na skinsé, bikasi Jehovah e loekoe dati en dienstknegti abi den sani disi (Matt. 6:25-34). Ma son wan foe den neti dati sondro foe sribi, Paulus kande ben psa den ini begi ofoe a ben gi den na afersi di ben kon na ini en foe na dipi broko-ede di a ben abi gi mede-bribiman (Teki gersi Luk. 6:12-16; 2 Kor. 11:28, 29). Na wan séker okasi a ben feni en fanowdoe „foe taki nanga den brada di ben konmakandra” te mindrineti, ija srefi na heri neti, „te dé broko”. (Tori. 20:7-12). Foeroe foe den neti dati sondro foe sribi, boiti dati, ben sa de na bakapisi foe ongemak na skinfasi, gefaar nanga tra moeilekheid di na apostel ben verdrage, aladi a ben doe en diniwroko.
17. Oten na apostel ben pina foe „angri nanga dréwatra”?
17 Ini angri nanga dréwatra: Paulus kande ben njan pina foe „angri nanga dréwatra” di a ben waka psa presi pe sma no ben libi ofoe faja sabanapresi. Wawantron a ben kan abi angri nanga dréwatra, foe di a ben anga foe freemde sma ofoe foe sortoe sani ben seti toe di leki wan bakapisi foe en égi wroko a ben man foe kisi ini wan birti di a no ben sabi. Ma Jehovah alaten ben sorgoe taki Paulus ben tan na libi, awinsi den seti wawantron ben de pikinso. Na sofasi „na Gado foe ala trowstoe” e sorgoe gi en disiten dienstknegti toe taki den kisi ala sani di den abi fanowdoe foe tan na libi. — Ps. 37:25; Luk. 11:2, 3.
18. Tapoe san na „no teki foe njanjan” kan sori?
18 Foeroetron ini a no teki foe njanjan: Djaso (vs. 27) Paulus ben kan wani meki kon na krin na difrenti mindri na abi foe „angri nanga dréwatra” sondro joe friwani, èn a „no teki foe njanjan [letterlek „vaste ten”]” foe espresi, di a ben gi ensrefi na en abra nofotron. Na bepaalde okasi a ben kan faste nanga friwani, soleki te a ben wani gi ensrefi abra na begi ofoe na a doe foe toemsi prenspari jeje afersi (teki gersi Tori. 13:3; 14:23). Ma efoe ai kari dja soso moeilekheid, dan a ben bedoel dati a ben de sondro njanjan sondro en friwani, kande leki wan bakapisi foe siki soleki rediredi noso wrokobere, ofoe pina di a ben ondrofeni ini na diniwroko (Teki gersi 2 Kor. 6:5.) Te Paulus ben doe bepaalde diniwroko reis, dan kande a ben kon froesten taki njanjan èn watra ben de pikinso noso no de foe kisi, ma a no ben meki dati ben tapoe en foe meki en kristen afersi go na fesi. — Fil. 4:12.
19. Ondro sortoe omstandigheden Paulus ben kan horidoro na ondro „kowroe nanga sososkin”?
19 Ini kowroe nanga sososkin: Na apostel ben hori-doro sosrefi toe na ondro pina foe kowroe-nanga „sososkin ofoe de opo-opo gi na weer” (The New English Bible). Ma a no ben „weri pikinso krosi foe di a ben lesi”. Paulus ben wroko foe sorgoe foe den sani di a ben abi fanowdoe (1 Kor. 4:11, 12; teki gersi Tori. 20:33, 34). „Kowroe nanga sososkin” ben de pina di Paulus ben verdrage te a no ben weri nofo krosi ini ten foe ferfolgoe te a ben de ini takroe weersomstandigheden ofoe te a ben teki prati na a diniwroko ondro moeilek omstandigheden.
’Horidoro te na a kaba’!
20, 21. (a) Foe san-ede joe ben sa kan taki dati Paulus no ben de wan libisma fortresi foe krakti? (b) Fa wi kan teki Jehovah Kotoigi ini disi ten gersi nanga na apostel Paulus?
20 Baka na loekoe foe wan toe eksempre foe na weriskin-wroko, pina, den reis, den gefaar nanga den moeilekheid foe na apostel, dan wan sma ben sa kan si en leki wan libisma fortresi foe krakti. Ma tokoe a ben de, netleki ibri wan foe wi wan onvolmaakti libisma (Rom. 7:21-25). Den gensman foe en na Korinte ben wiswasi en nanga den wortoe: „En wortoe de prenspari nanga krakti, ma en denoja ini persoon de swaki èn en taki wan feragti sani” (2 Kor. 10:10). Boiti dati, Paulus ben abi wan „maka ini na skin” — kande wan aisiki. — 2 Kor. 12:7; Tori. 23:1-5; Gal. 4:15; 6:11.
21 Na a srefi fasi wi, leki Jehovah kotoigi foe disiten, de onvolmaakti, aladi wi netleki na apostel Paulus e feti foe prisiri Gado (1 Kor. 9:24-27). Na grontapoe e wiswasi wi, neleki son sma ben wiswasi na apastel, èn disi awinsi taki wi e sori opregti broko-ede gi na jeje tanboen foe sma di de na wi sé (Matt. 22:39). Neleki Paulus foeroe foe wi e kisi kwinsi foe wan ofoe tra sari omstandigheden. Ma disi e meki wi anga moro na a krakti foe Gado, èn ini wi swakifasi en krakti spesroetoe e kon na publiki na ondro den sma di wi e préki gi. — 2 Kor. 12:7-10.
22. (a) Fa wi e kisi trowstoe foe Jehovah te a de aksi foe wi foe horidoro „foe na boen foe regtvaardikifasi ede”? (b) Fa wawan wi kan horidoro te na a kaba?
22 Degedege no de na ini, taki Paulus te nanga en dede leki wan onvolmaakti ma getrow dienstknegti foe Gado ben kisi jepi nanga krakti foe tapoesé (2 Kor. 4:7; 2 Tim. 4:6-8). Na a sreri fasi nomo, wi kan horidoro ini Gado krakti „te na a kaba” foe na godlosoe seti foe sani disi ofoe te na wi dede ini getrowheid (Ps. 29:11; Matt. 10:28; 24:3; Mark. 13:13). Te a sa de so dati foe wi sé wi ben sa moesoe ondrofeni pina foe „regtvaardikifasi ede”, wi e kisi foeroe trowstoe nanga jepi foe Jehovah santa jeje, en diri pramisi èn na jere foe wi begi. Den sortoe sani disi e gi wi na froetrow, dati „na Gado foe ala trowstoe” de nanga wi. Neleki na apostel Paulus, a kande, dati den kan „tjari wi kon ini verlégi, ma no sondro wan pasi foe komoto, . . . ferfolgoe, ma no libi a wan sé . . . trowe na gron, ma no pori” (2 Kor. 4:8, 9). Wi Gado e gi wi na krakti foe meki na boen njoensoe bekenti awinsi ondro ferfolgoe nanga moeilekheid, ma sondro frede. Èn ini Jehovah krakti wi troetroe sa kan ’horidoro te na a kaba’.
Joe kan piki den aksi di e kon now?
□ San a wani taki foe ’horidoro te na a kaba’?
□ Na sortoe reis na apostel Paulus ben bedoel di a ben taki dati a ben de „foeroetron na reis”?
□ Fa na apostel ben kon ini gefaar foe „falsi brada”, èn fa den kotoigi foe Jehovah ini a ten disi e kisi tranga na jejesé foe kan kibri densrefi tegen den sortoe sma dati?
□ Ondro sortoe omstandigheden Paulus ben njan „pina nanga dréwatra” èn a ben ondrofeni na nakiskin foe „kowroe nanga sososkin”?
□ Fa wi, nanga aladi wi de onvolmaakti, neleki Paulus ’horidoro te na a kaba’?
[Prenki na tapoe bladzijde 6]
Ini en diniwrokoreis Paulus ben de ini gevaar foeroetron foe foefoeroeman
[Prenki na tapoe bladzijde 7]
Paulus ben de ini gevaar foe den naatsi soleki ini Lystra