Yu e memre disi ete?
Yu poti bun prakseri na tapu den uitgave fu no so langa psa kba fu Na Waktitoren? Efu dati de so, dan kande seyker yu sa memre san e kon now:
◻ San Yeyses e bedul na ini Mateyus 25:34 te a e taygi den sma di yu kan teki gersi nanga skapu: „Unu kon teki na kownukondre di fu sensi na fundamenti fu na grontapu ben sreka gi unu”?
Yeyses no ben bedul taki den sma disi di yu kan teki gersi nanga skapu sa tiri nanga en na ini heymel. Na presi fu dati, den skapu sa kisi na grontapu kontren fu na Kownukondre di, „fu sensi na poti fu na fondamenti fu na grontapu” fu na libismafamiri di bay kon fri, ben sreka gi den. Na so fasi den e tron grontapu pikin fu na „Têgo Tta” fu den, na Kownu Krestes Yeyses (Yesaya 9:6, 7). — 1/9, blz. 31, par. 10.
◻ A sa de fanowdu gi na salfu fikapisi fu de a libi na grontapu fu bari den kotrow sma di ben dede bifo 33 G.T. èn di opo baka fu dede, wan switikon?
Nôno, disi no sa de fanowdu. Furu sma fu na bigi ipi di sa psa na bigi banawtu libilibi, e kisi now kba skoro fu sorgu gi frantiwortu fu na organisâsi. Den sa man sorgu fu dati-ede gi na situwâsi dati èn sa yepi den wan di opo baka fu dede fu kon sabi sani fu na „nyun grontapu” ondro na „nyun heymel” (2 Petrus 3:13). — 1/9, blz.33, par. 13.
◻ Fa na bribi fu Noa ben krutu na grontapu? (Hebrew sma 11:7)
A gi di Noa ben gi yesi èn den regtfardiki du fu en ben sori taki trawan na en sey èn en osofamiri ben sa kan psa na Frudu libilibi efu den ben wani fu kenki na libifasi fu den. Ala di Noa ben ondrofeni kwinsi fu en eygi onvolmaakti skin, fu na gadolowsu grontapu lontu en èn fu Ddibri, toku a ben sori taki a ben man fu libi wan libi di ben plisi Gado. — 1/10, blz. 18, par. 5, 6.
◻ Fu san-ede wi musu kibri wi srefi fu no go na ini lekti konkru?
Kande wi e taki wan wortu di no taki nanga na prakseri fu du wan sma ogri, ma so wan sortu konkru di no gersi noti kan kon tron wan ogri sani te a e taki furutron baka, e meki kon so moy ofu dray poti so, taki a e pori na bun nen fu na sma di den ben taki sani fu en èn e fufuru en bun nen puru fu en. (Odo 20:19). — 15/10, blz. 8, par 17.
◻ San na den winimarki te trowpatna de na ondro na srefi tyatyari?
Man nanga uma de ini na posisi fu gi makandra deki-ati na ini na anbegi fu na Gado fu den. Den kan go na a beybri tu fu lusu den kesekese di den abi. — 1/11, blz. 12, par. 10.
◻ Fa den Tin Komando kan yepi wi ini na ten disi?
Den e sori fa Yehovah e si sani èn e dini fu memre wi taki wi musu lobi Gado nanga den sma na wi sey. (Mateyus 22:37-39; 2 Timoteyus 3:16, 17). — 15/11, blz. 6, 7.
◻ Na sortu dri okasi Gado ben taki, so taki Yeyses nanga tra sma ben yere?
Na fosi tron ben de na a ten di Yohanes na Dopuman ben dopu Yeyses (Mateyus 3:17); na di fu tu tron ben de di Yeyses skin ben kenki na fesi na ay fu Yakobus, Yohanes nanga Petrus (Mateyus 17:5) èn na di fu dri tron ben de tapu 10 Nisan, fo dey bifo Yeyses dede, di wan ipi fu sma di ben de na ini na tenpri, ben yere na sten fu Gado (Yohanes 12:28). — 1/12, blz. 8.