SAN BIJBEL E LERI?
San e pasa te wi dede?
SON SMA E BRIBI taki te wan sma dede, a e libi go doro na wan tra presi. Ma tra sma feni taki dede na a kaba fu ala sani. San yu e bribi?
SAN BIJBEL E TAKI
„Den dedewan no sabi notinoti” (Preikiman 9:5). Te wi dede, dan wi no de moro.
SORTU TRA SANI WI KAN LERI FU BIJBEL?
Di a fosi man Adam dede, a tron doti baka (Genesis 2:7; 3:19). Na so ala tra sma di dede e tron doti baka.—Preikiman 3:19, 20.
Sma di dede kisi pardon fu den sondu fu den. Sobun, den no abi fu pai gi den sondu fu den moro (Romesma 6:7). Te wan sma dede, dan a no e kisi strafu moro fu den sondu di a ben du.
Den dedewan kan libi baka?
SAN YU BEN O TAKI?
Iya
Nôno
Kande
SAN BIJBEL E TAKI?
„Gado sa gi [sma] wan opobaka.” —Tori fu den apostel 24:15.
SORTU TRA SANI WI KAN LERI FU BIJBEL?
Nofo tron Bijbel e agersi dede nanga sribi. (Yohanes 11:11-14). Gado kan wiki den dedewan, neleki fa wi kan wiki wan sma di e sribi.—Yob 14:13-15.
Bijbel e taki fu difrenti sma di ben kisi wan opobaka. Dati meki wi kan bribi taki den dedewan o kisi wan opobaka trutru.—1 Kownu 17:17-24; Lukas 7:11-17; Yohanes 11:39-44.