Aksidosoe

● Oten den moe aksi na assistent foe hori na gemeente boekoestudie?

Na assistent sa hori na studie te na studieleider no de. A no ben sa de wan joisti sani efoe na assistent wawantron ben kan hori na studie leki wan oefening. Na studieleider di den ben poti de frantwortoe foe na gi foe na leri na a groepoe èn efoe a no de, dan na assistent sa doe na studie, efoe spesroetoe omstandigheden ben sori ensrefi (Rom. 12:7). Moro foeroetron den e poti owroeman leki studie-leider foe di na gi foe leri de wan bigi frantwortoe (Jak. 3:1). A no de wan afersi foe soso lési den aksi èn sori soema e gi kommentaar, na koni foe si sani nanga na ondrofeni foe jeje owroeman kan wroko toemsi boen gi den memre foe na groepoe èn jepi den foe froestan na waarheid di den e studeer ofoe bodoi èn sori fa a de foe poti ini den libi. A no de foe taki, dati na frantwortoe disi, bekwaam dinari ini na Diniwroko e kisi, efoe bekwaam owroeman no de.

Wan assistent kan leri boen methode foe leri sma, te a sa loekoe fini na boekoestudieleider di den ben poti. A kan kisi na bekwaamheid foe leri sma, te a sa poti ensrefi fajafaja tapoe a sreka na fesi èn na hori foe lezing tapoe na Theocratisch Diniwrokoskoro èn prati tapoe na Diniwroko komakandra èn te ai hori oso-bijbelstudie na aparti sma èn oso-famiri. Disi sa jepi en foe asisteri en brada te den aksi en foe teki na presi foe na studieleider di den ben poti. Assistent sosrefi toe kan de wan bigi jepi ini na orga nanga na tjari foe na groepoe go na ini na velddienst te na studieleider di den ben poti no man.