Sori taki joe abi bribi foe di joe de tevrede
1 Foe de tevrede na ini wan grontapoe di foeroe nanga no-tevredefasi dan wan tranga bribi de fanowdoe. A moro bigi ipi foe sma no de tevrede nanga san den abi. Den wani foe abi moro a no trobi omeni a sa kostoe den (Préki. 5:10, 12b; 1 Tim. 6:9). Satan e meki moeiti foe wiki den lostoe foe lobi grontapoe goedoe ini wi, foe kori wi nanga den sani di ’de lostoe gi wi ai’ (1 Joh. 2:16). Disi a ben doe na ini na djari foe Eden, èn a ben waka boen gi en. Na foe dat’ede meki ini a ten disi a e gebroiki ala sortoe srapoe taktiek foe bedrigi den sma di no sabi taki ogri e wakti den.
2 Foe kibri oenoe tegen na bedrigi-koni-fasi foe Satan, wi moesoe sori taki wi abi bribi foe di wi de tevrede nanga san wi abi. Jezus ben leri en discipel foe begi na Tata foe „wi brede foe tide” (Matt. 6:11). Te wi de tevrede nanga san en ben sreka gi wi wi sa tan fri foe sorgoe èn sa kan tan poti den kownoekondre-afersi na a fosi presi ini wi libi. Foe feti baka grontapoe goedoe, ben sa tjari san wi taki na na sé foe disi kon leki wan tori di no de troe (Matt. 6:33). Jezus ben warskow taki wi no moe tjari „goedoe kon makandra na grontapoe”. A ben e sori tranga na wi foe wi tan hori wi ai soifri, poti en tapoe nomo wán sani, na doe foe Gado wani. — Matt. 6:19, 22.
TAN POTI NA KOWNOEKONDRE NA A FOSI PRESI
3 Bakadi wi ben kon na wan sabi foe na waarheid, wi ben moesoe tjari kenki kon ini wi libi. Now wi moesoe abi na faste bosroiti foe tan poti den kownoekondre-afersi na a fosi presi. Wi no wani foe meki grontapoe goedoe teki wi krinkrin abra, soleki na jongoe, goedoe tiriman. A ben aksi Jezus: „Sortoe boen mi moe doe foe kisi tégo libi”? Foe di a no ben wani tjari den kenki di Jezus ben rikomanderi èn a ben gwe sarisari (Matt. 19:16-22; Luk. 18:18-23). Ma wi e tjari den kenki disi kon nanga prisiri. Foe di wi e go now ini na joisti pasi wi moe teki na tjalansi foe tan poti a kownoekondre na a fosi presi ini wi libi. Dati wi e wroko foe sorgoe foe nofo „njanjan nanga krosi”, de joisti èn fanowdoe. Ma Satan lobi foe meki sma e libi helemaal gi den grontapoe wroko, sodati den kownoekondre afersi sondro foe den meki aanmerking e go na a background. Wi kan wai pasi gi den fini trapoe foe Satan foe di wi de tevrede èn no e gi pasi dati na lobi gi moni e tjari wi go tapoe wan kroektoe pasi. — 1 Tim. 6:7-10.
4 Netleki na apostel Paulus wi e kisi foeroe blesi te wi e bow wi libi lontoe na kristen diniwroko. A ben e wroko tranga èn a ben gi kompe kristen foe doe a srefi (1 Thess. 2:9; 2 Thess. 3:7-12). Alaten a ben e hori ensrefi bezig fa a ben kan meki a kownoekondreprékiwroko go na fesi èn tokoe a ben sori taki a abi switi broko-ede foe na jeje tanboen foe ala sma na ini de gemeente (1 Thess. 2:7, 8). Wi moe broko wi ede toe foe na panja foe na boen njoensoe èn den nowtoe foe tra sma. Tevredefasi e komoto foe na sabi taki wi e doe san Jehovah wani taki wi moe doe.
DOE SAN WI MAN
5 Son sma kan gi moro ten na a velddienst leki trawan. Ma wi no kan kroetoe trawan nanga wi situwasi na ini prakseri. Persoonlek omstandigheden de difrenti. Libijari, gesontoe nanga osofamiri alamala de afersi nanga san wi moesoe hori rekening. Wi no moe kroetoe trawan, ma leki wan sori foe bribi di wi abi wi moesoe tan wroko na wi persoonlek go na fesi èn dini Gado so boen leki wi kan someni leki wi égi omstandigheden e gi wi pasi. So wan fasi foe prakseri no sa gi trawan pasi foe de sondro tevredefasi noso broko-saka trawan.
6 Jehovah ben gi wi foeroe foe doe ini na Kownoekondrewroko. Ini oktober wi sa pristeri na Overleving-boekoe noso Vrede èn zekerheid-boekoe foe Sf 2,00. Joe sa wani foe prati so boen leki a kan boekoe, dan a de wan sani di wi kan rikomanderi oenoe foe sabi den boekoe heri boen di wi e pristeri. Abi faja gi na boskopoe di tanapoe na ini, foe di wi sabi taki sma di abi wan reti-ati kan kisi jepi foe kon kisi belangstelling gi Gado Kownoekondre.
7 Na krakti bribi foe wi ini den pramisi foe Jehovah e meki wi teki wan faja prati na a préki foe na boen njoensoe. Meki wi tan go na fesi, foe di wi de tevrede èn abi na sékerfasi dati Jehovah sa blesi wi nanga sani di o waka boen efoe wi e tan getrow na a doe foe en wani.