Heri moi njoen jepi sani foe wi diniwroko
1 Na bari wroko ini Na Wachttoren foe 1 juni foe na „Sma di e kibri den soifri-reti-fasi”-kongres di wi ben abi ini na dréten di pasa kaba sondro degedege ben wiki belangstelling na foeroe sma. Foe na kriboilezing foe satra den ben taki: „[Disi] sa tjari no wawan wan heri moi sani di no sa de wawan wan diri sani gi oenoe srefi ma ooktoe wan kefarlek krakti sani di o troesoe wi activiteit go na fesi ini na velddienst.” Èn a bakadina dati wi ben prisiri troetroe foe na boekoe di ben tjari kon a doro di de wan heri moi njoen boekoe Libi — Fa a doe kon? Nanga jepi foe Evolutie noso nanga jepi foe Mekiwroko? (Leven — Hoe is het ontstaan? Door evolutie of door schepping? „A de wan meesterwrokosani”, na so son sma ben taki. Trawan ben e taki foe na heri moi fasi fa leri e gi nanga jepi foe den prenki nanga foto, foe san foeroe de ini heri moi moro-foeroe-kloroe-druk. Tra sma agen ben taki fa foeroe ondrosoekoe wroko nanga go-loekoe-bakawroko ben doe soleki san e kon a krin ini na documentatie na bakasé foe a boekoe.
2 Sondro degedege a njoen Mekisani-boekoe (Schepping-boekoe) sa opo gi foeroe sma na pasi foe kon kisi wan soifri-reti-sabi foe Gado èn en mekisani. Joe ben si taki a boekoe nanga aladi a e taki foe aksi di e kon na a sé foe evolutie finifini, abi foe taki moro foe na Mekiman, Jehovah Gado? Den e sori tranga tapoe a de di a de a libi, en wroko, en prakseri na na sé foe libisma èn na a sé foe na grontapoe disi, net soleki tapoe en proféti Wortoe èn na kontroe foe en. Na Schepping-boekoe foe dat’ede soleki fa a e sori sa abi wan dipi wroko di a sa doe ini na libi foe sma di gersi skapoe di te nanga now ben degedege ofoe wan Gado e besta ofoe no. Èn fa na boekoe disi e kon na a joisti ten, foe di ibritron moro sma ini a grontapoe lontoe e drai densrefi tegen a bribi ini wan Mekiman di abi wan prakseri nanga sani! Ini januari 1986 wi e go pristeri a njoen boekoe ini na veld, èn wi Kownoekondredienst bakaten e kon taki moro foeroe foe en bakaten.
3 Moro fara Na Wachttoren foe 1 juni ben taki: „Ooktoe joe sa kisi [tapoe na kongres] wan sani ini joe anoe di sa de wan jepi di sa abi waarde di o tan foe kan tak-go-tak-kon nanga tra sma nanga na Boekoe.” Èn drape den ben sorgoe toe gi na wan joisti fasi nanga 1 na njoen boekoe Redeneren aan de hand van de Schrift. Ibri tori foe takmakandra di abi wan belang di wan sma ben sa kan bigin foe taki foe en, den e behandel na ini. Joe ben si na heri boen pisi di e taki foe en na a kaba foe foeroe tori foe takmakandra ondro na edeprakseri „Efoe wan sma e taki — ”? Na ini disi wi e feni den genstaki di e kon moro foeroe a doro foe den na tori foe san e taki drape èn den e sori wi taki wi kan bigin foe taki na wan tactvolfasi foe den afersi disi.
4 Joe ben feni toe na fesisé foe na boekoe na heri boen afdeling „Inleidingen om in de velddienst te gebruiken”? Drape den e sori fa Kotoigi di abi ondrofeni ini foeroe kondre e bigin nanga takmakandra foe tori gi san sma ini na gebied foeroetron abi belangstelling. Ija, Redeneer na anoe foe den Boekoe (Redeneren aan de hand van de Schrift) sa de gi wi alamala wan praktis jepisani, awasi wi de now foeroe jari noso wan troetroe sjatoe pisten actief ini na velddienst. Ini den moen di e kon wi sa taki moro foe a boekoe disi ini Wi Kownoekondre dienst.
5 Wi e gi Jehovah tangi foe troe foe den kongres di ben leri wi troetroe foeroe ini a jari disi èn foe den heri moi boekoe di sa doe boen gi wi kwaliteit foe diniwroko. A de krin troetroe dati Jehovah e sorgoe dati en getrow organisaatsi ’gi wi wi njanjan na a reti ten’! — Matt. 24:45.