Komakandra di e jepi wi moe meki discipel

WIKI DI E BIGIN TAPOE 2 FEBRUARI

Singi 136 (9)

5 min: Wantoe sani foe na gemeente, san abi a ini na titel foe na fosi lezing di o hori a sonde di e kon ini na Mekiwroko-boekoe. Memre ala sma foe tjari den égi boekoe foe kan loekoe o fara na takiman de. Tjari a wiki di e kon na Tak-go-tak-kon-boekoe kon na a diniwrokokomakandra.

10 min: Tori foe takmakandra. Dienstopziener noso tra koni brada e taki sjatoe foe na njoen tori èn bakaten a e sori na ini wan demonstratie di ben sreka boen a fesi fa wi kan gebroiki boen maniri foe go abra tapoe na pristeri foe na abonnement. Na prékiman ben sa kan taki: „Ini a ten disi ala sortoe toestand de di e gi wi foeroe broko-ede na na sé foe a ten di de na wi fesi, a no so?” Gi okasi foe a piki èn baka dati kari wan noso toe eksempre foe agersi na afersi. Taki moro fara: „Joe ben sabi dati, nanga aladi den problema na grontapoe ben tjari foeroe sma kon ini broeja, Gado ben tjari kon a krin langa ten psa kaba san boo psa na ini wi ten? San a ben taki na ini na boekoe foe bijbel Openbaring, e tjari foeroe kon a krin foe a ten di de a wi fesi.” Lési Openbaring 1:1 èn sori tapoe wan spesroetoe punt ini na artikel foe na fosi bladzijde foe Na Wachttoren foe 15 januari 1986 di e sori fa na profétitori e kon a krin na ini wi ten. Taki dan moro fara: „Nanga aladi den toestand ini a ten disi e gi foeroe sari na ati tokoe Gado pramisi wan boen ten di de na wi fesi. Loekoe boen san tanapoe djaso na ini Openbaring 21:3, 4. [Lési tekst.] Na uitgave disi foe Na Wachttoren e taki moro foe spesroetoe sani foe san na bijbel ben taki foe na ten di de na wi fesi. Joe kan kisi 24 uitgave ini wan jari foe na tijdschrift disi foe Sf7,00.” Sroto nanga gi dek’ati foe den teki prati na na abonnementpristeri.

30 min: „Sani di sreka gi na districtskongres 1986”. Aksi-nanga-piki-takmakandra foe na kongrescoördinator.

Singi 36 (14) nanga laatste begi.

WIKI DI E BIGIN TAPOE 9 FEBRUARI

Singi 193 (103)

5 min: Wantoe sani foe na gemeente nanga wantoe sani di piki poeroe spesroetoe foe Wi Kownoekondredienst. Gi wan sjatoe loekoe baka foe den bodoi ini na brifi foe 15 december 1980 na na sé foe na gebroiki foe na datra bodoikarta èn prati njoen karta. Gi den brada nanga sisa tranga foe vul na karta wantewante in, teken den nen na wan joisti fasi, ooktoe meki toe kotoigi teken en, èn poti na dé di a skrifi. Satra noso sonde di e kon na di foe toe lezing o hori ini na Mekisani-boekoe; kari na titel.

12 min: „Boskopoeman foe Jehovah Kownoekondre”. Aksi-nanga-pikitakmakandra. Gi dek’ati na ala sma foe teki prati na a tijdschriftwroko tapoe satra èn na prékiwroko tapoe sonde èn foe pristeri dan den abonnement.

15 min: „Fa foe bigin taki foe a boen njoensoe”. Takmakandra foe na artikel foe di na zaal e teki prati na ini. Na na sé foe paragraaf 3 meki wan koni prékiman demonstreer wán noso toe sjatoe bigin foe takmakandra di e fiti na gebied foe oenoe. Na fesiman kan taki wan sani foe tra fasi foe bigin foe takmakandra na anoe foe Tak-go-tak-kon-boekoe, ma a moesoe demonstreer soso den bigin foe takmakandra foe san oenoe sabi taki a no kan tra fasi taki den de san den e gebroiki ini oenoe gebied.

8 min: „Lobi gi na bradafasi di de na a heri grontapoe”. Lezing di e gi dek’ati foe den winimarki foe kringkomakandra, nanga san den e sori tranga tapoe na thema foe na groepoe kringkomakandra, di e bigin na ini april.

Singi 92 (51) nanga laatste begi.

WIKI DI E BIGIN TAPOE 16 FEBRUARI

Singi 20 (20)

10 min: Wantoe sani foe na gemeente nanga moni-afersiverslag èn wan loekoe foe den ibri moen kostoe di pai taki wantoe sani foe san na gemeente ben poti moni foe tapoe den kostoe. Meki a fiti den omstandigheden foe a gemeente èn gi wan gafa di fiti. Gi dek’ati foe ala sma teki prati na a tijdschriftwroko tapoe satra di e kon. Kari na titel foe na lezing foe satra ofoe sonde.

20 min: „Pristeri a boen njoensoe — Nanga na go-baka formulier foe abonnement di stop”. Aksi nanga piki. Meki den si wan demonstratie toe di gron tapoe paragraaf 6, nanga di wan prékiman e fisiti wan sma di abonneer. A no moe de tra fasi dati na prékiman pristeri wan onderwerp (tori) di fiti ini a tijdschrift di de foe pristeri a ten dati. Sori tranga tapoe na prensparifasi foe wan positief, wan heri boen fasi foe go taki nanga a sma. Fesiman moesoe aksi ala sma foe lési den njoen bodoi, di anga tapoe na bord foe wantoe sani, di e go foe den fasi fa wi moesoe handri nanga den abonnement. Na sekretarsi foe na gemeente èn na brada di e sorgoe foe den abonnement, moesoe poti spesroetoe prakseri tapoe disi. Na fesiman sa doe boen te a e sori tapoe na formulier S-11, „Na joisti fasi foe handri nanga abonnement”, èn loekoe taki bifo na dienstkomakandra den poti en tapoe na bord foe wantoe sani.

15 min: „Foe san-ede wi moesoe weri wisrefi nanga safri-ati-fasi?” Lezing di gron tapoe artikel ini Na Wachttoren foe 15 november 1985, bladzijde 6-8.

Singi 211 (89) nanga laatste begi.

WIKI DI E BIGIN TAPOE 23 FEBRUARI

Singi 8 (48)

10 min: Wantoe sani foe a gemeente. Kari na titel foe na lezing di o hori satra noso sonde di e kon di sa teki foe na Mekisani-boekoe.

20 min: „Fa foe sreka tijdschriftpristeri a fesi”. Takmakandra foe ala paragraaf nanga jepi foe aksi nanga piki. Seti sani foe wan demonstratie foe aiti minuut di toe prékiman sa hori, a moro betre foe teki gewone pionier, di e takmakandra nanga densrefi fa den e sreka densrefi na oso a fesi foe pristeri tijdschrift. Den moesoe gron den sani san den e taki tapoe den eksempre ini paragraaf 3-5. Gebroiki den moro njoen tijdschrift nanga wan 30 te 60 seconde pristeri foe den tijdschrift. Gi dek’ati foe teki prati na a tijdschriftwroko.

15 min: „Joe kan memre disi?” Overzicht di na Wachttorenstudieleider, moe hori di gron na ini na rubriek ini Na Wachttoren foe 15 december 1985, bladzijde 30.

Singi 192 (76) nanga laatste begi.

WIKI DI E BIGIN TAPOE 2 MAART

Singi 130 (58)

10 min: Wantoe sani foe na gemeente. Kari den sani san seti gi na velddienst foe den wikidé èn foe na kaba foe na wiki. Gi dek’ati foe den teki prati na a tijdschriftwroko tapoe na di foe toe satra ini maart. Satra noso sonde na di foe féfi lezing o hori ini na Mekisani-boekoe. Kari na titel foe na lezing.

20 min: Kisi dek’ati nanga den bericht ini na Jariboekoe 1986. Wan faja lezing di e gi den brada nanga sisa dek’ati foe meki wan boen gebroiki foe na njoen Jariboekoe. Sori go na na Theokratis njoensoe foe a moen disi èn sori taki na bericht foe na Jariboekoe e gi moro foeroe finifini bodoi. Aksi den foe lési na Jariboekoe ini osofamiri-groepoe, efoe disi kan, seti na so wan fasi. Ala sma e kisi dek’ati nanga den krin bewijsi foe Jehovah blesi tapoe en pipel di orga.

15 min: Wantoe fanowdoe sani foe na gemeente, noso na lezing foe na artikel „Joe e gi grani na Jehovah nanga den warti sani foe joe?” ini Na Wachttoren foe 1 december 1985. Meki den bodoi fiti den fanowdoe foe na gemeente.

Singi 151 (25) nanga laatste begi.