Boskopoeman foe Jehovah Kownoekondre
1 Sensi na jari 1939 den wortoe „Boskopoeman foe Jehovah Kownoekondre” ben tanapoe na tapoe na fes’sé bladzijde foe ibri uitgave foe Na Wachttoren, èn fa disi fiti! Ibripe sma moesoe kon sabi Gado Kownoekondre. Foe san-ede? Foe di na Kownoekondre de na loesoe gi ala problema nanga san libisma e ondrofeni kwinsi èn foe di srefi na libi foe libisma de ini kefar. Foe di den ben lési na bijbel makandra nanga na tijdschrift disi, dan doesoendoesoen sma ini ala pisi foe grontapoe ben kon leri foe sabi èn lobi Jehovah, èn foeroe nanga faja den e sroiti densrefi na na ipi loyaal jepiman foe en Kownoekondre di e gro dé foe dé.
2 Foe dat’ede a fiti taki wi bigin a kalenderjari 1986 nanga na di foe fotentina-aiti ibri jari Wachttoren-abonnementsveldtocht. Aladi krakti moe poti tapoe Na Wachttoren, dan a pristeri foe wan abonnement tapoe na Ontwaakt! kan gi heri moi bakapisi toe.
GEBROIKI NA WACHTTOREN FOE JEPI TRA SMA
3 Nanga prisiri wi wani gebroiki ibri okasi foe pristeri abonnement. Wantoe fasi fa disi kan doe de: na oso-foe-oso; tapoe go-baka; te joe e doe stratiewroko; te joe e wroko na ini bisniskontren; gi birtisma, kompewrokoman nanga kompe skoropikin; èn leki wan kado gi famiri. Sondro degedege joe kan prakseri foe ete tra sortoe fasi fa foe pristeri abonnement. Ini Wi Kownoekondredienst foe april 1983 wantoe heri boen rai ben gi.
4 Den fosi artikel ini den uitgave foe januari moesoe gi wi wan dek’ati foe pristeri den tijdschrift nanga faja. Na Wachttoren foe 1 januari leki wan eksempre abi leki fosi artikel: „Den asiman foe na Apocalyps — Na kibritori kisi wan loesoe” èn na uitgave foe 15 januari „Den asiman foe na Apocalyps — Fa a rij foe den e wroko tapoe joe.” Den uitgave foe 1 nanga 15 februari e taki toe foe a thema disi moro fara ondro den fosi artikel: „Den meti foe na Apocalyps — San den wani taki” èn „Na Apocalyps — oten?” Fa den tijdschrift disi sa de wan krakti jepi foe jepi sma foe kisi sabi foe Jehovah Kownoekondre!
5 Foe kan ferteri wan sani di abi warti, dan a de wan prenspari sani foe sreka boen a fesi. Sorgoe taki joe sabi na tori heri boen di joe wani tjari na ondro na prakseri foe den sma. Sori tranga tapoe spesroetoe punt.
6 De klarklari toe foe taki foe na marki èn san skrifi na inisé ini Na Wachttoren ini algemeen. Kande den sma e sori belangstelling ini afersi soleki na ini omeni tongo Na Wachttoren e kon a doro, omeni eksemplaar den e druk foe ibri wan tijdschrift, na aantal kondre na ini pe na tijdschrift e pristeri èn na troe tori dati sma foe ala sortoe kerki e lési en.
PUNT FOE TAN HORI NA PRAKSERI
7 Na troetroe marki foe wi wroko de foe gi kotoigi èn foe wiki belangstelling gi a Wortoe foe Gado. Na Wachttoren de wan warti jepiman foe jepi sma foe kon leri ferstan èn respeki a bijbel. Sori taki joe de nanga overtoigi èn opregtifasi nanga foeroe fertrow, taki sani sa waka boen, joe e barwroko gi Jehovah Kownoekondre ini Na Wachttoren-abonnementsveldtocht ini februari.