Fa foe sreka tijdschriftpristeri a fesi
1 Efoe joe ben sa wani foe sori wan sma fa foe kakafoetoe gi den problema foe a libi ini a ten disi, foe sortoe fonten joe boo teki joe materiaal? Efoe joe ben sa wani meki na troe méne foe den sani di e psa ini a ten disi kon boen a fesi, ma tokoe na politieksé tan neutraal èn no wani foe poti no wan ras tapoe na trawan, na ini san joe boo go soekoe dan? Efoe joe ben sa wani jepi wan sma foe poti prakseri tapoe den sani di e psa na ini grontapoe di de leki wan kontroe foe bijbelprofétitori, na sortoe bodoi joe ben sa sori nanga foeroe fertrow? Efoe joe boo wani foe pristeri wan sani di e gi dek’ati foe poti bribi na ini na Kownoe di e tiri now, Jezus Kristus èn e gi Jehovah Gado grani leki na Soeverein foe na universum, san de dan a moro betre materiaal di druk tapoe papira èn di de foe kisi? Na piki tapoe ala den aksi disi de: Na Wachttoren nanga Ontwaakt!
2 Na ini na vorm foe den toe tijdschrift disi wi troetroe abi na materiaal foe lési di libisma abi fanowdoe ini a ten disi. Wi e pristeri den tijdschrift disi nanga overtoigi, enthousiasme nanga faja? Wi sreka boen a fesi sodati wi kan gebroiki wi ten boen? Wi ben sa kan meki wi pristeri kon moro boen?
SREKA A FESI NA OSO
3 Wan foe den moro betre fasi foe kon sabi wantewante san de na ini ibri uitgave foe Na Wachttoren nanga Ontwaakt! de foe lesi san skrifi tapoe bladzijde 2 ini den fokanti „Ini na uitgave disi” èn „Spesroetoe onderwerp”. Foeroe prékiman e kisi idea foe den pristeri foe di den e lési nomo na sjatoe materiaal disi. Ma disi de soso a bigin.
4 Bakadati drai ala den bladzijde foe a tijdschrift wan-froe-wan èn lesi den titel foe den artikel èn den edeprakseri. Wakti pikinso èn prakseri dan soema ini na gebied kande sa abi belangstelling gi den onderwerp disi. Bakadati lési ini a tijdschrift wan artikel baka na trawan èn meki sjatoe aantekening foe moi punt foe san joe ben sa kan takmakandra. Wawantron wantoe prenspari punt ini na artikel srefi den e sori tranga a tapoe foe di den druk den na ini skoinsi noso moro bigi letter. Poti sma prakseri a tapoe te joe e pristeri den den tijdschrift.
5 Te joe e lési den artikel foe ibri wan foe den tijdschrift loekoe dan sortoe artikel kande fiti den difrenti sortoe sma ini na gebied. Son artikel fiti spesroetoe gi wan spesroetoe pisi foe na bevolking. Artikel kon a doro foe spesroetoe moeiti foe papa ofoe mama di de den wawan, foe a poeroe foe bere, feti oorlokoe nanga atoomwapen, doe ogri na skin foe pikinnengre, mankeri èn wan heri ipi foe tra spesroetoe onderwerp. Soekoe èn skrifi soboen te joe e lési den difrenti artikel disi punt di boo wroko boen tapoe den sma ini joe gebied.
INI NA VELD
6 Ala sani san wi sreka a fesi no sa jepi den sma di abi den bodoi foe Na Wachttoren nanga Ontwaakt! fanowdoe efoe wi no e go na ini na veld. Efoe wi e warderi den tijdschrift disi, wi sa poti doronomo ten na wan sé foe teki prati na a tijdschriftwroko. Meki spesroetoe moeiti foe go na tapoe den velddienstregeling tapoe na di foe toe èn fo satra foe ibri moen. Meki a de joe marki efoe a kan foe meki joe tijdschriftverspreiding kon moro bigi. Tan ferstan o prenspari a de foe kon sabi san skrifi na ini ibri uitgave. No draidrai foe pristeri den tijdschrift na ibri okasi. Sreka boen a fesi èn doe ala san joe kan foe gebroiki a Wortoe foe waarheid na wan joisti fasi. — 2 Tim. 2:15.