Na dienstbericht foe na heri grontapoe — Wan heri rede foe prisiri
1 Ini na dienstbericht foe a heri grontapoe foe 1986 e kon boen na krin dati Jehovah pipel tapoe wan enthousiastfasi ben teki na dekati foe na jaritekst: „Go . . . meki na kownoekondre foe Gado bekenti na alasé” (Luk. 9:60). A e meki oen si ooktoe dati Jehovah ben blesi den moeiti foe wi na ini na diniwroko foeroe. Fa wi alamala de nanga prisiri dati wi ben abi wan prati foe opo wan bigi prisiribabari foe gi grani na Jehovah! — Psalm 95:1, 2.
2 Efoe wi go ondrosoekoe a bericht foe na Jariboekoe na ini 1987 finifini, dan wi ati sondro degedege sa poesoe wi foe prijse Jehovah moro ete èn foe sori na jeje foe den wortoe foe David di kon foe santa jeje di a ben taki: „Mi wani prijse joe o Jehovah nanga heri mi ati . . . Mi wani prisiri èn abi prisiri psa marki ini joe” (Ps. 9:1, 2). Prijseman foe Jehovah seker de ferplekti foeroe sani na Jehovah foe na fasi tapoe san a ben poeroe ston, gens tapoe den pasi èn ben meki na diniwroko foe den de wan wini. — 1 Kor. 3:6, 7; teki gersi nanga Ps. 9:7-11.
WAN TOEMSI APARTI VELDDIENSTBERICHT
3 Ja na dienstjari 1986 na alafasi ben de wan toemsi aparti wan. Na prati foe boekoe de te joe teki en gersi nanga a jari a fesi gro srefsrefi. Na prati foe boekoe ben de 23.9% moro hé nanga wan totaal foe 23.828.314. Prakseri pikinso na den miljoenmiljoen sma di ben kisi na okasi foe lési den kownoekondre boskopoe disi di ben de na ini den boekoe disi!
4 Wi e kisi wan idee fa Jehovah dienstknegti ben abi foeroe foe doe na ini na jari di psa te wi prakseri dati ala nanga ala 680.837.042 joeroe ben gi ini na velddienst. Dati ben de wan gro foe 15% abra 1985. Foeroe miljoenmiljoen foe den joeroe disi ben gebroiki foe hori ibri moen gemiddeld 2.766.252 osobijbelstudie, wan aparti gro foe 14.6%.
5 Na boen fasi foe na diniwroko disi na ini a meki foe discipel de krin foe si. Den 225.868 dopoesma e teki presi foe wan kefarlek bigi gro foe 19% abra 1985. Na gemiddelde nomroe foe prékiman ben gro nanga 6.9%. Na ini a jari wan ala moen gemiddeld 3.063.289 prékiman ben de ini a dienst. Na moro hé nomroe ben de 3.229.022. Na 21.2% gro ini pionier, nanga wan ala moen gemiddelde foe 391.294 ben de toemsi aparti.
6 Na toemsi moi gro na ini kownoekondre prékiman ben sori wi na fanowdoe foe opo foeroe njoen gemeente ini a jari di psa. A nomroe foe gemeente ala nanga ala na a heri grontapoe de now 52.177, san wani taki 2461 moro leki ini 1985.
7 Ala sma sa bréti foe jere dati na Memrefesa tapoe 24 maart ben abi 8.160.597 sma. Disi ben de wan gro foe 4,7% abra a jari afesi. Te wi loekoe san doe ini na dienstjari di psa ini 208 kondre èn na potentieel foe gro moro fara, dan wi abi foeroe rede foe prisiri èn foe gi tangi na Jehovah foe en boenfasi. — Psalm 22:22.
BERICHT FOE SURINAME
8 San wi kan taki foe na bericht foe Suriname? Wi ben prati pikinmoro 7000 boekoe moro leki a jari afesi èn moro leki 20.000 tijdschrift. Wi ben abi gemiddeld 1167 prékiman, wan gro foe 10%. Ini april wi ben doro wan hémarki foe 1236 prekiman. 3888 sma ben de na tapoe na Memrefesa, 228 moro leki a jari afesi. A ben de wan sani di ben gi foeroe dekati dati 44% gro ben de ini gewone pionier. Gemiddeld joe ben abi ibri moen 154 sma ini na jepi-, gewone ofoe speciale pionierdienst. Na gemiddelde nomroe foe joeroe foe den gemeente prékiman de wan prisiri sani ooktoe 11,1, sodati wan enthousiasme nanga geregeldheid ini na prékiwroko di e tan go doro e kon afesi.
9 Ini a kondre disi 87 sma ben teki dopoe ini a jari di psa. Foeroe sma moro ete e kon a fesi nanga jepi foe gemiddeld 1362 bijbelstudie èn den e tjari den go na a organisatie èn den e kisi jepi foe kon gi densrefi abra èn teki dopoe. — 2 Kor. 6:2.
SAN DE NA WI FESI E KON
10 Ala di wi e go doro na ini na dienstjari 1987, tokoe wi e tan loekoe na Jehovah foe en blesi tapoe ala wi activiteit. Ala ten ete ’foeroe de foe doe na ini a wroko foe Masra’ (1 Kor. 15:58). Alape miljoenmiljoen sma e arki nanga ala prisiri na den kownoekondre boskopoe. Wi bréti dati den bladzijde di druk e tan boewijsi wi boen dienst foe miti den. — Matt. 5:3, 6.
11 Aladi wi e go doro na ini na dienstjari 1987 foe abi wan prati dorodoro na a préki foe na boen njoensoe foe na kownoekondre, meki den wortoe foe wi jaritekst ini Jozua 24:15 gi wi dekati: „Foe a sé foe mi nanga mi osofamiri wi sa dini Jehovah.” Na gro di Jehovah e gi na ini a dienstjari disi, sa gi en nen moro prijse.