Na 1984 Jariboekoe e sori tapoe den hémarki foe na gro na a heri grontapoe
1 Te joe e lési na jariboekoe foe 1984, dan na jari rapport foe den activiteit na a heri grontapoe foe Jehovah Kotoigi sa wroko troetroe tapoe joe firi. Fa wi e feni prisiri foe kan si den bakapisi foe Jehovah bigi blesi na tapoe den wánfasi moeiti foe a pipel foe en di gi ensrefi abra na ini na dienstjari 1983!
2 Langa ten a fesi kaba Jesaja ben taki na profétifasi foe wi ten èn a ben skrifi foe den sani di wi kan ondrofeni now. Na ini wortoe di e prijse sani a ben taki gi Jehovah: „Joe ben meki na naatsi kon kisi foeroe pipel; gi en joe ben meki prisiri kon bigi.” (Jes. 9:3). Moro fara a e poti krakti na ini na srefi vers na tapoe na bigi prisiri di Jehovah pipel e kisi te a e taki: „Den ben prisiri na joe fesi nanga na prisiri na ini na kotiten, soleki den di bréti te den e prati na sani di den feni.” Den wortoe disi foe Jesaja e memre wi na san Jezus ben taki foe wan bigi kotiwroko èn na fanowdoe foe seni moro wrokoman go na ini na firi. — Matt. 9:35-38.
3 Na rapport e sori dati na tapoe wan gemiddelde foe 2.501.722 prékiman wi ben doro wan njoen hémarki foe 2.652.323 prékiman. Ala den toe nomroe disi ben teki a presi foe wan gro foe 7% abra na 1982 dienstjari. Prakseri pikinso dati joe ben abi wan kon na ini foe 16.896 njoen dopoe bedinari foe na kownoekondre, wan gro foe 17% abra na jari a fesi!
4 Jehovah pipel e teki serjoesoe na fermane foe na apostel Paulus foe abi „ala ten foeroe foe doe na ini na wroko foe Masra”, èn disi wi e si na ini wan gro foe 40% na ini na totaal joeroe ini na velddienst. Na ten disi ben gebroiki boen na ini a gi foe kotoigi soleki e kon na krin nanga tra sani di gro. Na totaal boekoe di prati gro nanga 12%. Fa wi ben firi boen foe ben abi wan prati na ini na diniwroko disi foe na boen njoensoe èn kan abi now wan bericht foe den bakapisi foe en!
5 Foeroe foe den sani di ben kan doe na ini na velddienst na lontoe na ini na 1983 dienstjari moe kon foe di gemiddeld 206.098 pionier bedinari ben doe velddienst ibri moen. Disi na wan gro foe 19%, ofoe moro leki 33.000 pionier di kon na tapoe abra na jari di psa. Bigi mogelekheid foe a gro kan go doro wi e si na ini na totaal foe 1.779.112 oso bijbelstudie di hori, wan gro foe 13% abra 1982. Sondro degedege foeroe foe den sma di e studeer now de boen a pasi foe tron njoen prijseman foe Jehovah.
6 Joe ben abi 514.920 moro sma di ben go na a memrefesa na ini 1983, èn meki a totaal foe 6.767.707 kon — wan gro foe 8% abra 1982. Fa disi de wan toemsi moi mogelekheid foe gro moro fara. Wi e si na ini den nomroe disi!
7 Na rapport disi di e gi dek’ati tapoe na activiteit na ini na jari di psa no e bewégi joe foe go doro foe doe ala san joe kan na ini na kownoekondre dienst na ini na 1984 dienstjari di de now? Fa wi 1984 jaritekst fiti soleki a komoto ini Filipisma 1:14: „Taki na wortoe foe Gado sondro frede”! Foeroe foe wi kande troetroe sa tanapoe fesi moeilek situwasi na ini na doe foe wi diniwroko ini 1984, ma dati ben de ooktoe na situwasi nanga foeroe foe wi brada di panja na ini na heri grontapoe na ini 1983. Jehovah no ben gi pasi na moeiliki ten foe meki en wroko go na baka èn disi de krin foe si foe a rapport di tjari kon makandra.
8 Te Jesaja e taki moro fara foe a blesi foe Jehovah tapoe en disiten jeje naatsi, a e taki: „Joe ben poti sani a tapoe gi na naatsi; o Jehovah; joe ben poti sani a tapoe gi na naatsi; joe ben gi joesrefi glori. Foe farawe joe ben bradi den lanki foe na kondre” (Jes. 26:15). O fara Jehovah sa go doro foe meki den blesi kon moro foeroe tapoe en pipel na disisé foe bigi benawtoe wi no sabi. Ma a de séker na winsi foe ibriwan foe wi foe man foe kisi njoensoe foe na „laatste rapport” èn foe prisiri dati wi ben abi wan prati na a wroko di wi ben kisi.