Hori prisiri na ini wi diniwroko
1 Fa a e gi wi wan prisiri di no kan teki gersi nanga nowan tra sani foe dini Jehovah Gado! A de precies so leki a ben taki nanga mofo foe a proféti Jesaja langaten psa kaba: „Loekoe! Mi knegti sa prisiri . . . Loekoe! Mi knegti sa opo wan prisiri-babari” (Jes. 65:13, 14). Foe san-ede Jehovah pipel e prisiri now èn e oe wan prisiri babari? Foe na jeje go a fesi foe den, foedi den e libi na ini wan jeje paradijs. A prisiri disi e bewégi den, foe abi wan prati na a toemsi prenspari wroko foe jepi tra sma foe leri sabi Jehovah èn foe teki prati na ini en boenfasi.
2 A e gi oen foeroe prisiri te wi e lési den bericht foe gro di tanapoe na ini na Jariboekoe. Asrefi wi kan taki foe den disipel foe Jezus na ini a fosi jarhondro. Bericht dati Jehovah blesi ben de tapoe na prékiwroko ben de wan fonten foe dek’ati (Tori. 15:3, 4). Aladi na tjari konmakandra ini a ten disi e go moro nanga moro a fesi, dan wi e kisi dek’ati foe tan nanga faja na ini a diniwroko. Foe san-ede juni de wan toemsi boen moen foe doe foeroe ini na dienst? Gewoonlek a weer boen èn foeroe sma e feni juni wan moi moen foe go ini na jepi pionier-dienst.
DE NANGA OVERTOIGI
3 Wan dipi overtoigi e bewégi wi foe taki nanga tra sma foe na howpoe foe wi (Luk. 6:45). Wi e kisi jepi srefi ini gebied di kande gersi taki den no abi froktoe. Wi moe horidoro èn fertrow dorodoro tapoe Jehovah net soleki David di ben taki: „O Jehovah, meki a de so dati joe opo den mofoboeba disi foe mi.” — Ps. 51:15; 63:5.
4 Sowan overtoigi de na bakapisi foe wan tranga bribi, wan howpoe di no falsi èn kristen lobi (1 Kor. 13:13). Den égifasi disi joe kan kweki nanga jepi foe faja persoonlek studi, foedi joe e poti na ini joe libi san joe ben leri èn foe horidoro ini begi (Rom. 12:12). Nanga na lobi jepi foe Jehovah wi kan abi wan positief jejefasi gi wi dienst èn hori dati. Na sofasi disi e ori baka gi a prisiri foe wi ini na diniwroko.
5 Juni na a di foe toe moen na ini san wi e pristeri na abonnement tapoe Na Wachttoren. Ibri uitgave foe Na Wachttoren abi bodoi di kan di sma libi. Wi e njanboen foe a jeje njanjan na ini san a tijdschrift disi e sorgoe èn trawan sa ondrofeni dati ooktoe efoe den e kisi en geregeld èn lési en. Efoe den abonneer dan den sa abi ibri uitgave na den oso. Foedi wi abi na tanboen foe wi naaste na prakseri meki wi ben sa wani gebroiki ibri okasi foe pristeri na abonnement. Efoe na ososma abi en druk, dan wi kan pristeri na abonnement sjatoe. Efoe a e wégri na abonnement, dan wi kan pristeri den tijdschrift di wi e wroko nanga den a moen disi.
6 Mi sabi dati a doe foe a wani foe Jehovah e gi tego prisiri, no wawan na wi ma ooktoe na den sma di e arki èn e handri ini akroederi nanga san den jere (Fil. 4:4). Meki wi tan prisiri ini Jehovah, aladi a boen njoensoe foe na Kownoekondre e doro na ini na ati foe foeroe moro reti-ati sma, èn meki Jehovah blesi rostoe tapoe den moeiti foe wi ini na diniwroko. — Ps. 32:11.