’Hori wi jeje tapoe a tan doe foe toemsi boen wroko’
1 Toemsi boen wroko de den activiteit di abi foe doe langalanga nanga na regtvaardikifasi foe Gado èn na boen njoensoe foe ferloesoe di de nanga jepi foe Jezus Kristus. Paulus e gi Timóteus dekati foe memre den brada, „foe de klari foe doe ibri boen wroko”, èn „foe taki alaten nomo krakti sani, sodati den di tron bribiman ini Gado, kan tan hori den jeje tapoe a doe foe toemsi boen wroko” (Titus 3:1, 8). Foe di joe e gi a boen njoensoe wan prenspari presi ini joe libi èn joe e libi wan libi di de ini akroederi nanga Jehovah regtvaardiki markitiki, dan den brada nanga sisa no sa tjari go na tapoe wan fowtoepasi. — Mattéus 6:33.
2 Paulus rai abi foe doe nanga wi. Foedi wan ogri seti lontoe wi èn makriki ben sa kan poeroe wi prakseri foe Jehovah dienst meki wi moe loekoe boen. Disi wani taki taki wi moe hori wi prakseri tapoe a tan doe foe toemsi boen wroko. Fa wi man foe doe dati?
DEN SORGOE FOE JEPI
3 Wi moe njan boen foe den jeje seti di Jehovah seti nanga jepi foe na kristen gemeente (Hebr. 13:20, 21). A gi en Wortoe, na bijbel, makandra nanga toemsi moi bijbel jepisani psa marki. Den poti owroeman di abi jejefasi foe gi persoonlek jepi leki herder foe na ipi. Geregelde ala-wiki komakandra na ini na kownoekondrezaal, èn na ini oso, èn ooktoe bigi komakandra èn kongres di e hori ten na ten, e sorgoe foe demakandra di e bow joe èn leri di e tranga joe bribi.
4 A gemeente e seti velddienst regeling di fiti, makandra nanga persoonlek jepi gi den sma di no abi someni ondrofeni. Den sortoe seti disi e jepi wi foe sreka boen foe doe na wroko foe wi foe préki na boen njoensoe èn foe jepi trawan foe tron kompe anbegiman foe Jehovah. — Matteus 24:14; 28:19, 20.
ACTIVITEIT GI AUGUSTUS
5 Augustus sa de gi a moro bigi pisi foe wi wan druk moen. Foeroe sa go na a „Vertrow ini Jehovah”-distriktkongres. Sonwan sa jepi tra gemeente kande foe wroko gebied pe den no e préki so foeroe. Gi foeroe sma augustus na wan moen di ben poti gi na jepi pionierdienst. Wi alamala moesoe doe ala san wi kan nanga wan faste marki na prakseri foe panja na „Tego libi”-boekoe èn foe bigin bijbelstudie pe dati kan.
6 Efoe joe ben abi na ini prakseri wan fakansi reis gi april na ini joe schema foe activiteit ofoe tapoe wan tra fasi komoto libi na oso, dan kande nofotron joe de ini a okasi foe miti sma èn foe abi wan okasi préki nanga den. De srekasreka foe taki foe na kownoekondre howpoe nanga den. Foeroe sma ben si dati den ben kisi dek’ati èn jepi foe bigin takmakandra, di nofotron ben meki dati wan toemsi moi kotoigi ben gi, foedi den ben abi wan pikin formaat foe na „Tego libi”-boekoe na den. A no de foe taki dati Na Wachttoren nanga Ontwaakt! de boen instrument foe gebroiki te okasi préki e gi. Ma foedi na „Tego libi”-boekoe abi wan bigi difrenti foe bijbel fundamenti-leri, meki a de moro boen foe tjari kon a krin na bijbelstudie regeling.
7 Efoe joe wani den reisplan foe joe seti helemaal boen dorodoro, dan seti en so, dati joe kan go na komakandra èn kande abi wan prati na a velddienst nanga na gemeente pe joe e go. Na artikel „Teki komakandra na ini joe fakansiplan” ini Wi Kownoekondre-dienst foe juli 1987 ben gi wi boen rai foe na fasi tapoe san wi sa feni na Kownoekondre-zaal di de moro krosbé.
8 Efoe now wi psa na moro bigi pisi foe augustus ini wi égi gemeente ofoe fisiti tra presi, dan wi ben sa wani go someni leki a kan na komakandra èn wani abi wan prati na a velddienst. Foedi ’wi o abi alaten foeroe foe doe ini a wroko foe Masra’ meki a jeje foe wi sa troesoe go na ini a joisti pasi èn wi sa tan doe toemsi boen wroko foe Jehovah kisi nen. — 1 Kor. 15:5.