Gebroiki den nyun buku di gi fri fu du Gado wani
SONDRO degedege a de so dati Yehovah ’sreka wi nanga ala bun sani fu du en wani’. Ini akruderi nanga dati ’Yehovah e du ini wi nanga yepi fu Yesus Kristus na sani di e de bun ini en ai’, aladi wi e gebroiki tapu wan bun fasi den sani di a e gi. — Hebr. 13:20, 21.
2 Na modern historia fu en pipel e sori krin dati Yehovah Gado gi tiri èn dati a sreka wi nanga publikatie di wi abi fanowdu fu klari a wroko di a gi unu fu du (Matt. 24:14; 23:19, 20; Openb. 9:17, 19). Yehovah ben blesi na bun gebroiki fu den seti disi, èn na kristen gemeente e tan ondrofeni spesrutu gro.
NYUN BUKU DI GI FRI
3 No so langa psa kaba tapu wi „Fertrow tapu Yehovah”-districts-congres, wi ben breiti srefsrefi fu kisi nyun buku fu yepi tra sma fu poti fertrow ini Yehovah Gado. Na a kaba fu en lezing tapu freida mamanten, a fesiman ben gi wan nyun tractaat fri, Fu san-ede yu kan bribi ini a bijbel. Baka dati, na a ten fu a bakadina programma, dan demonstratie di ben gi tu ben meki wi si fa wi kan gebroiki a tractaat.
4 Yu gebroiki na tractaat disi kaba? A e piki bun na wi Tori fu takmakandra di wi e gebroiki now. Son sma, di mu abi en fu wan eenvoudig pristeri, sa feni na tractaat disi bun srefsrefi. Na moro bigi pisi fu wi sa gebroiki disi ini wi diniwroko tapu difrenti fasi bunbun — kande leki a bigin fu wan pristeri fu wi, leki pristeri te wan ososma abi en druk èn fu libi en na baka te nowan sma de na oso.
5 A ben de wan prisiri fu sabi dati dri tractaat sa de fu kisi ete. Den disi na San Yehovah Kotoigi e bribi? Libi ini wan nyun grontapu fu vrede èn Sortu howpu de gi den dedewan di yu lobi? Ooktu den tractaat disi sa yepi tra sma fu kon sabi san a bijbel e leri èn fu san-ede den kan fertrow tapu den pramisi fu Gado. Go ondrosuku fu de seiker dati yu abi wantu na yu gi na gewoon preikiwroko ofu gi okasi preikiwroko.
6 Na Genootschap e du bun furu fu poti krakti na tapu a Wortu fu Gado. Na so sma e prisiri now ini den kontren pe sma e taki Ingrisitongo fu na nyun pocketuitgave fu na Nyun-Grontapuvertaling, èn na kon fu disi ini wantu tra tongo no sa tan wakti langa moro. Fa wi ben prisiri fu yere dati na Bakratongo uitgave fu na sokari Reference Bible, na Nyun Grontapu vertaling fu den Santa Buku nanga studieverwijzingen heri esi sa de fu kisi. Wan studi fu den. 11.400 voetnoot èn na uitgebreide appendix sa tranga wi na yeye fasi èn sreka wi moro bun fu du Gado wani. Ma ini ala den ten disi wi e prisiri fu na gebroiki fu na versie fu na NW-vertaling (bi 12 nanga verwijstekst) now di na Genootschap poti dati sma kan kisi en fu sowan lagi prijs. Soleki fa leri ben gi tapu na sonde mamanten fu na kongres, dan Yehovah Wortu de wan fu den santa sani di wi no mag si leki wan sani di e kon fu ensrefi. Disi e kon ooktu a fesi ini disi, dati wi persoonlek eksemplaar fu na bijbel de netjes èn krin? Wi e yepi wi pikin ooktu fu si en so?
7 Ooktu na Index fu Wachttoren-publikatie 1986 di den taki o kon sa de wan moi yepi gi na persoonlekstudi fu wi èn a sreka fu wi tapu na velddienst. Èn wi no de grantangi srefsrefi fu den fo nyun brochure di wi ben kisi, di sa sori taki den bun srefsrefi gi a wroko a mindri moslim, hindoe nanga boeddhist? Den sani di wi abi fu du a wani fu Gado trutru e kon de moro furu.
MEKI WAN BUN GEBROIKI FU DEN
8 Den nyun kongresbuku disi di gi fri ben meki wan naki ini anu ben kon di den ben ferteri fu den. Wi ben kan begrijp wantewante omeni bun ben kan kon ini a preikiwroko èn leriwroko nanga yepi fu den seti disi fu Yehovah na a reti ten, na ’Giman fu ibri bun presenti èn volmaakti kado’ (Yakobus 1:17). Ini na marki di wi e gebroiki den buku disi, wi kan ferwakti dati a prisiri fu wi sa gro fu na tumsi moi Kownukondrefroktu di de a bakapisi fu dati. — Joh. 15:8.
9 Te wi teki na leri fu Yesus fu na agersitori fu den talenti na ati, dan wi sabi dati Yehovah e ferwakti fu wi dati wi meki wan bun gebroiki fu ala sani san ai gi wi. Meki fu dat’ede wi du wi diniwroko dorodoro aladi wi e meki gebroiki fu den seti fu en, makandra nanga den nyun buku disi di gi fri. Leki wan bakapisi fu dati dan wi sa kisi na bunati èn blesi fu wi Masra.