Tumusi bun biginwortu
1 Te wi e teki prati na a oso-fu-oso wroko, dan doronomo wi e miti nanga na aksi: „San na a fosi sani di mi sa taki?” Preykiman nanga ondrofeni di e feni bun bakapisi na ini na velddienst, e gi wantu bun ray. San na wantu fu den?
2 Na a fosi presi a de prenspari fu abi opregti belangstelling gi den sma di wi e taki nanga den. Sowan sortu belangstelling yu kan sori nanga yepi fu wortu nanga du. A de prenspari fu hori na fasi fu fa na sma e si sani na prakseri. Poti aksi di fiti èn arki heri bun na a piki fu en. Na ini ala kofal wi musu pruberi fu yepi na ososma fu si fa en srefi kan kisi winimarki a poti prakseri na a tori di wi e taki.
HORI NA FASI FA DEN E SI SANI NA PRAKSERI
3 Di Yeyses ben gi kotoygi na a Samariya uma na a fonten krosibey fu Sikar, wantu fu den sani di a ben taki ben gersi law sani gi en. Den no ben de ini akruderi nanga en fasi fu denki, ofu na fasi fa a ben anbegi. Yeyses ben arki bun, èn di a ben gi piki a ben hori na prakseri san na uma ben taki. A ben wani fu yepi en (Yoh. 4:13, 14, 19-26). Te wi e teki prati na a kotoygiwroko wi e pruberi fu waka baka na eksenpre fu Yeyses ini na tori disi?
4 Efu sma ini yu gebied e du wan sani na tapu den biginwortu fu yu, fu di den e taki, „Mi abi mi eygi bribi,” san yu ben sa kan du dan? Na beybri skrifiman ben taki: „Na ati fu na regtfardikiwan e denki dipi fu gi piki” (Odo 15:28). Yu e du disi? Yu ben luku nanga na gronprakseri fu na tekst disi na ini yu ede, den bodoy na tapu bladzijde 18 nanga 19 fu na Taki-go-taki-kon-buku? Yu ben sa kan wroko tu makandra nanga preykiman di de tumusi bun na ini na preykiwroko, fu te fu kba leri fa yu kan meki yu biginwortu kon moro bun.
5 Na ini kontren pe furu sma e kobroyki na genstaki taki den abi den eygi bribi, yu e feni en kande bun fu waka na den fesi èn tyari leki fosiwan a tori kon na fesi. Baka wan fosi odi yu ben sa kan taki fu eksenpre: „Yu abi yu eygi bribi? [Arki na a piki fu den.] Mi ben prakseri dati, fu di dati de so nanga furu fu den sma na ini na birti disi. Ma na reyde fu mi fisiti na mmanten disi de . . . ” Go dan moro fara nanga na tori di yu wani taki fu en.
6 Efu furu ososma taki: „Mi abi furu sani fu du”, yu ben sa kan suku wan ofu moro ideya di tanapu tapu bladzijde 19 nanga 20 fu na Taki-go-taki-kon-buku èn yu ben sa kan fiti den na den fanowdu na ini yu kontren. Yu kan kobroyki tra fasi fu taki efu yu e fruwakti genstaki di yu e yere furu.
KOBROYKI DEN BIGINWORTU FU NA TAKI-GO-TAKI-KON-BUKU
7 Furu sma e si taki den abi bun winimarki fu di den e kobroyki den biginwortu tapu bladzijde 9 te nanga 15 fu na Taki-go-taki-kon-buku. Yu sa si taki den biginwortu disi e go fu den tori di sma ini algemeen e broko den ede nanga en, soleki sani di e psa na ini a ten disi, fa fu kibri yu srefi fu kofar, okasi fu wroko, tanpresi, osofamirilibi èn na tamara. Ma, luku so srefi pikinso taki den wortu fu den biginwortu di na Taki-go-taki-kon-buku e gi wi na ray fu kobroyki e kari na sma fu taki san a e prakseri. A e kisi nanga disi yepi fu si na prensparifasi fu na tori di tyari kon na fesi èn taki en srefi abi fu du nanga en. Wan tumusi bun kobroyki fu den biginwortu disi kan tapu na ososma fu a kobroyki wantu fu den genstaki di den e kobroyki furu.
8 Poti prakseri bun na tapu biginwortu di yu denki taki a sa de den moro bun wan na ini na kontren fu yu. Leri fu kobroyki den biginwortu na ini na Taki-go-taki-kon-buku. Nyanbun fu na ondrofeni fu tra preykiman. Begi fu na blèsi fu Yehovah gi den muyti fu yu. Nanga bun muyti èn Yehovah blèsi a kan taki moro sma na ini unu birti na wan bunfasi sa du wan sani tapu na bun nyunsu fu frulusu.