Warderi den pionier fu wi
1 Konpe wrokoman fu a kownukondre fu Gado e gi makandra tranga (Kol. 4:11). Te wi e prakseri taki a moro prenspari wroko fu a kresten gemeente na a preiki fu a bun nyunsu, meki tranga reide de fu warderi den furuten-wrokoman na unu mindri. — Mark. 13:10; Rom. 16:2; Fil. 4:3.
FU SAN-EDE?
2 Pionier e bow na gemeente wantewante fu di den e wroko makandra na ini difrenti fasi fu a preikiwroko nanga den preikiman di abi moro mendri ondrofeni. Na ini a wroko disi yu abi a tijdschrift-wroko, a sreka èn a tyari fu gobaka, a opo èn hori fu beibristudi nanga bun bakapisi. Boiti fu dati, pionier kan dini leki eksenpre fu di nanga deki-ati den e gi okasi preiki. A hori di den e horibaka gi den seti fu gi kotoigi na ini grupu na mindri wiki, e gi den a okasi fu de wan yepi gi trawan. Yu kan firi na positief krakti fu den na ini a veld, spesrutu te pionier e horibaka gi a preikiwroko na a kba fu a wiki, wan ten di a moro bigi pisi fu den tra preikiman kan de na ini a preikiwroko.
3 Den pionier e yepi den gemeente fu wroko a gebied finifini èn furutron. Fu dati-ede meki sma kan kon sabi na boskopu fu unu moro bun èn kan go firi den srefi moro switi te wi e fisiti den, fu di den sabi suma na wi. Den furu yuru di den pionier e kobroiki na ini a preikiwroko, ala di den e libi buku na baka gi sma di lobi a boskopu èn e wiki a belangstelling fu den — te yu luku en bun, a prani nanga a nati fu den waarheid siri — kan sorgu nomo taki wan gebied e meki moro froktu. — 1 Kor. 3:6.
NA INI A GEMEENTE
4 Furu sma ben kisi a deki-ati fu teki a furuten dienst a den tapu, fu di na faya nanga a prisiri fu du sani fu kotrow pionier ben naki den ati. Wan sisa ben draidrai fu tron wan gewoon pionier, fu di nowan sma na ini a gemeente ben pionier. Ma di a kringopziener ben gi en tranga, meki a ben go doro èn ben gi en nen leki pionier. Syatu na baka dati trawan ben waka na en baka, èn now na gemeente dati abi wan moi nomru fu fayafaya pionier.
5 A kan psa sontron taki den owruman e aksi wan pionier fu yepi wan sma di kon ongeregeld ofu inaktief. Na yepi disi ben sa kan abi so srefi na ini fu gi a sma di de ini a tori beibristudi. A bribi nanga a faya fu a pionier ben sa kan de na a fasi disi wan yepi fu wiki na lobi fu a sma gi a waarheid baka èn fu yepi en fu kon aktief baka na ini a du fu den prekti fu a gi di a gi en srefi abra. — 1 Tes. 5:14.
GI DEN PIONIER DEKI-ATI
6 Ala di den pionier e du furu fu gi trawan deki-ati, toku den srefi abi deki-ati fanowdu tu fu tan horidoro nanga prisiri ini a wroko fu den (Rom. 1:12). Yu e taki positief fu a pionierwroko? Oten na a lasti tron di yu prèise wan pionier fu en wroko ofu yeye fu ófer en srefi? Pionier e warderi en srefisrefi te den abi wan sma nanga suma den kan wroko makandra na den yuru fu a dei te pikinso preikiman e hari go na ini a preikiwroko. Yu kan go makandra nanga den pionier èn kande kobroiki moro furu yuru fu horibaka gi a preikiwroko?
7 Na sortu tra fasi yu kan gi den pionier deki-ati? Boiti taki yu e prèise den, yu kan sori yu warderi gi den sortu tranga wrokoman disi na wan fasi di de krinkrin, fu di yu e meki den kon nyan wan preti-nyan makandra nanga yu, fu di yu e gi den nanga friwani wan sani fu pai den kostu fu a rèis di den e rèis, èn e horibaka gi den na tra fasi so langa yu man fu du dati. — Teki gersi 1 Tesalonika sma 5:12, 13.
8 Makandra nanga den owruman èn dinari na ini a diniwroko di e teki fesi na ini a gemeente, den pionier nanga den preikiman sa horibaka krinkrin gi den velddienst seti di orga bun. Na a fasi disi wi alamala sa kobroiki, awasi sortu presenti wi abi fu „dini makandra”. — 1 Petr. 4:10, 11.