„Sma di lobi fri”-distriktkongres 1991
1 Ini na jari 1990 na blesi foe Jehovah ben sori na wan toemoesi moi fasi tapoe den seibi „Soifritongo”-distriktkongres di ben hori na ini Sranankondre. Na nomroe foe fisitiman ben de 3604 èn 71 sma ben kisi dopoe. Èn prakseri pikinso, a de now kaba ten foe seti sani foe fisiti na dridei „Sma di lobi fri”-distriktkongres 1991. Joe nanga joe osofamiri sa de drape?
2 Na programa di den e seti gi na kongres, sa gi deki-ati èn tranga. Na bijbel rai èn na leri di de na ini den e gi na ala sma di sabi na joisti waarde foe na fri di na pipel foe Jehovah e njanboen foe en èn di e loekoe go na fesi na a volmaakti fri foe san den sa njanboen na ini a pramisi njoen grontapoe foe Jehovah (Rom. 8:20, 21). Sorgoe taki joe e seti sani gi na kongres a wan fini fasi èn na ondro begi, sotaki joe kan de drape foe njanboen ala den dri dei, foe bigin foe na biginsingi te na lasti begi foe na toemoesi moi programa di e gi jeje satisfaksi. Te joe e meki plan moksi na wan lobi fasi trawan di abi jepi fanowdoe na ini, spesroetoe sma di abi belangstelling no so langa ete, sotaki den toe kan de na ibri pisi foe na programa (Gal. 6:10). Na programa sa bigin freida 10.20 uur mamanten èn sa tapoe sonde 4.00 bakadina. Den bodoi di e kon now e gi foe jepi joe nanga den fosi sreka foe joe.
3 SPESROETOE OMSTANDIGHEID: Na seti disi de soso gi preikiman, nanga na ini toe den pikin foe den, di alamala abi wan boen nen na ini a gemeente. Na gemeente di den e fisiti moesoe seti sani gi sma ini spesroetoe omstandigheid. Owroeman èn trawan di sabi den omstandigheid foe den, kan gi jepi na wan lobi fasi. Disi e aksi foeroetron taki den preikiman e hori den fanowdoe foe sma na prakseri di de na ini a foeroetendienst, den owroe sma, den sikiwan, den dofoewan, nanga kande trawan ete. Preikiman kan gi jepi foedi den e teki den sortoe sma dati nanga den ofoe e sorgoe gi den fanowdoe foe den na tra fasi. — Jak. 2:15-17; 1 Joh. 3:17, 18.
4 A no de foe taki taki na afdeling Tanpresi sa proeberi foe sorgoe gi tanpresi di fiti gi preikiman na ini spesroetoe omstandigheid èn di trawan na ini a gemeente no kan jepi den. Den preikiman disi kan taki foe na situwâsi foe den nanga na sekretarsi foe a gemeente foe aksi en wan Sribikamra-aanvraagformulier gi spesroetoe omstandigheid. Dan na sekretarsi moesoe taki fosi nanga na dienstkomte foe na gemeente efoe a kan taki na gemeente jepi den sma disi foe den srefi sorgoe gi tanpresi. Efoe dati no kan, dan a kan gi den wan Sribrikamra-aanvraagformulier gi spesroetoe omstandigheid. Sma na ini spesroetoe omstandigheid na den wan enkriwan di moesoe skrifi na tapoe den formulier disi. Den moesoe gi en baka na a sekretarsi di moesoe loekoe efoe ala sani skrifi èn de joisti èn foe loekoe efoe den omstandigheid de troetroe so sotaki den fiti foe kisi spesroetoe tanpresi. Den omstandigheid moesoe skrifi finifini ini na opopresi di gi foe dati na tapoe na formulier. Ala disi moesoe pasa langaten bifosi na kongres. Na sekretarsi sa seni a formulier go morofara na a afdeling Tanpresi. Na sma di doe na aksi, den sa gi en srefi bodoi foe fa sani de drape.
5 Sma na ini spesroetoe omstandigheid NO moesoe kon na a kongres èn ne fosi den e aksi wan kamra, foedi na afdeling Tanpresi abi na dienstkomte foe na gemeente fanowdoe foe loekoe efoe den sani de so.
6 Den abi na gwenti foe hori den kamra na ini oso foe sma, aparti gi den sma di ben sa abi en moeilek troetroe efoe den no ben sa abi so wan tranpresi. Den no de gi den di kan pai ma di wani wan tanpresi di de foe soso ofoe boenkopoe, soso foedi den wani kibri moni. So srefi a no joisti leki fisitiman foe meki fowtoe gebroiki foe na klari di wi brada nanga sisa de klari foe teki sma na oso, foedi den e froewakti taki den sa gi den tanpresi wantoe dei moro foe fisiti fakansi presi èn doe tra sani bifosi èn baka na kongres. Den kamra disi de soso gi na ten foe na kongres. Den wan di e kisi den sortoe tanpresi disi, moesoe sorgoe foe den nanga den pikin foe den behandel na oso pe den de leki fisitiman nanga respeki èn foe no pori noti èn foe no boemoei na ini no wan enkri sani foe den sma ofoe aparti pisi foe den sma srefi foe na oso. Efoe ososma e ondrofeni den sortoe moeilekhèit disi, dan wantewante disi moesoe tjari kon na a prakseri foe na afdeling Tanpresi, èn den brada drape nanga ala prisiri sa gi jepi.
NJANJANDIENST
7 Neleki na jari di pasa dan wan vereenvoudig seti foe njanjan afersi regel gi 1991. Disi e meki na hebi wroko kon lekti srefisrefi èn e meki taki a kan taki moro prakseri e poti na den jeje pisi foe na kongres, sotaki den friwani-wrokoman kan njanboen moro foe na programa (Ex. 12:16b; Deut. 31:12; ad bladzijde 370; teki gersi Lukas 10:38-42). Na menu e gi nofo njan gi na mamanten nanga a bakadina. Teki gersi Matejus 14:14-20. Ibriwan sma de fri foe seti sani gi den eigi neti-njan, aladi pikinso njan sa de foe kisi na a kongres.
8 Na Genootschap abi spesroetoe warderi gi na toemoesi boen hori di oenoe, brada nanga sisa, ben horibaka gi den seti foe njanjandienst na den distriktkongres ini den jari di pasa. Disi ben meki taki a ben kan foe joeroe boen oso èn foe pai den kostoe foe na kongres. A ben meki a ben man toe foe meki oenoe tan na ini a sjatoe bakadina pauze na tapoe a kongres djari èn foe de baka biten èn nanga switi firi gi na prenspari jeje programa.
[Faki na tapoe bladzijde 6]
Distriktkongres 1991
9, 10, 11 augustus 1991
Gakaba — Sranantongo
23, 24, 25 augustus 1991
Tweede Rijweg — Bakratongo
30, 31, augustus, 1 september 1991
Latour — Sranantongo
6, 7, 8, september 1991
Tweede Rijweg — Ingrisitongo