Gi fri èn sondro frede na kari foe „Kon!”
1 Na esi-esi kenki foe sani di e pasa na a heri grontapoe e meki sma sabi den ten disi leki „den lasti dei” (2 Tim. 3:1-5). Na kon di ogridoe, ekonomia di e sekiseki èn siki di de wan kefar gi na libi e kon moro foeroe ben meki na druk kon moro bigi. Ma kolokoe, awinsi ala den sani disi ben kan doe den ogri, sma e kisi wan kari di ben sa kan wroko na tapoe den foe têgo. Na yeye èn na bruid e tan taki: „Kon!” Èn now „wan bigi ipi” moksi den srefi nanga den foe gi wan kari na sma na alape, foe kon èn teki a watra foe libi foe soso. — Openb. 7:9; 22:17.
2 Na ini a ten disi denwan di e drei watra gi regtfardikifasi, na ini bigi nomroe e gi yesi na a kari disi. Na jari di pasa miljoenmiljoen sma ben fisiti den distriktkongres di ben hori na a heri grontapoe, èn pikinmoro tin miljoen sma ben de na tapoe na Memrefesa. Miljoenmiljoen trawan e sori warderi gi den sani di Jehovah e sreka foe di den e arki na a Kownoekondre boskopoe. Fa a de prenspari dan foe wi gebroiki wi ten na wan koni fasi foe gi na kari disi na publiki èn oso foe oso! — Tori. 5:42; Ef. 5:15, 16.
TEKI PRATI FRI ÈN SONDRO FREDE
3 Den ben froefolgoe den fositen kresten foe den fajafaja preiki ede (Tori 16:19-21; 17:2-8). Ma den no ben stòp nanga den fri èn sondro frede moeiti foe den foe meki na boen njoensoe bekenti. Na a srefi fasi wi moesoe de fri èn sondro frede èn de nanga na fasti bosroiti ini den moeiti foe wi foe preiki na boen njoensoe.
4 Srefi na ini kondre pe lanti tapoe na wroko, den brada abi wan prati nanga den heri ati na ini a preikiwroko awinsi hebi froefolgoe de, nanga na ini kande na lasi foe den wroko, den oso èn srefi na fri foe den. Na toemoesi boen eksempel foe den de foe gi wi deki-ati foe go doro foe kari trawan foe „Kon!” — 2 Tes. 3:9.
5 Moro leki 35 jari langa bakadi a ben leri na waarheid, wan sisa ben abi te now ete na winsi nanga en heri ati foe de wan pionier. Den persoonlijk omstandigheid foe en ben kenki di a ben owroe 70 jari, èn a ben tron wan gewoon pionier. Aladi pikinso sma nomo ben sa teki wan njoen wroko na a libi marki dati, tokoe a sisa ben doe dati. Now di a ben prisiri na ini na foeroeten diniwroko wantoe jari kaba, a e taki: „A e kon moro boen ibri dei.” A sisa tjari jeje kowroe-ati gi trawan foedi sondro frede a teki na kari foe Jehovah foe feti a baka èn abi wan moro bigi prati na ini a Kownoekondre-diniwroko.
6 Leki fa a ben de na ini a fosi jarihondro, sma na ini a ten disi e gi jesi na a kari disi, e kenki den fasi foe denki, e teki wan bosroiti èn e kaba nanga den doe di e gi Gado sjen. Den e tron wan pisi foe wan bradafasi foe Kotoigi na a heri grontapoe di gi den srefi abra èn e moksi den srefi makandra nanga na jeje èn na bruid foe taki „Kon!” gi ete tra opregti-ati sma.
7 Na bigi gro ini na Kownoekondrewroko èn na meki kon moro bigi foe bijkantoro na ini difrenti kondre e gi na boeweisi foe na blesi foe Jehovah. Ma foeroe ten no de moro gi na owroe seti foe sani disi. Now a de na joisti ten foe sori fri èn sondro frede èn faja na ini a gi foe na kari foe „Kon!” sotaki trawan kan gi jesi esi-esi èn doe wan sani na tapoe san den jere. — Tori. 20:26, 27; Rom. 12:11.