Aksi boksoe

◼ A gemeente moesoe kibri den owroe Kownoekondre Dienst?

Ini na uitgave foe Wi Kownoekondre Dienst foe september 1972, den ben sori na tapoe dati a boen foe kibri den ibrimoen uitgave foe Wi Kownoekondre Dienst èn hori den ini a bibliotheek foe a Kownoekondrezaal, so dati joe abi den krosibei te joe wani go loekoe sani baka. Ala ten a e sori foe de boen foe kibri den owroe Kownoekondre Dienst ini a bibliotheek foe a Kownoekondrezaal, so dati owroeman nanga preikiman kan gebroiki den.

Te den owroe Kownoekondre Dienst disi de foe feni, den preikiman kan go loekoe materiaal di ben kon na doro kaba èn ben abi foe doe nanga velddienst pristeri, a hori foe bijbelstudie, a tjari foe gobaka èn so moro fara. Wi kan feni boen idea foe gebroiki ini a velddienst. Ten na ten, den moro njoen uitgave foe Wi Kownoekondre Dienst, e sori go baka na uitgave di ben kon a doro bifo sonwan foe den brada ben kon ini a gemeente. Den wan di kon njoen, kan feni boen jepi te a gemeente e hori wan eksemplaar foe ibri uitgave foe a Kownoekondre Dienst. Wan foe den njoen dosoe di den ben meki foe kibri Waktitoren, kan gebroiki foe kibri den owroe eksemplaar foe Wi Kownoekondre Dienst na a Kownoekondrezaal.

Den owroeman moesoe gi a wroko na a Skoro Opziener noso na wan dinari ini a diniwroko di abi na koni foe loekoe taki troetroe den e kibri den lasti uitgave foe ibri moen. Ala di den e gi na informâsi ini Wi Kownoekondre Dienst leki idea èn no leki fasti lin, dan tokoe den de toemoesi moi fonten ete foe loekoe sani baka, di moesoe de wan pisi foe a bibliotheek foe ibri gemeente ini a Kownoekondrezaal. Wi no kan bisteri den owroe uitgave foe Wi Kownoekondre Dienst na a Genootschap.